અપરાધ
હાઇવે પર લોકોને લિફ્ટ આપી, તેમને લૂટી લેતી ટોળકીનો મુખ્ય આરોપી પકડાયો
1 વર્ષ અગાઉ નવસારી હાઇવે પર યુવાનને કારમાં બેસાડી 42 હજારની કરી હતી લૂટ
નવસારી : હાઇવે પર વાહનની રાહ જોતા લોકોને કારમાં લિફ્ટ આપી તેમને ધમકાવીને લૂટી લઈ, કારમાંથી ધક્કો મારી ઉતારીને ફરાર થતી મહારાષ્ટ્રીયન ટોળકીના મુખ્ય આરોપીને વોન્ટેડ એક્યુસડ સેલ પોલીસની ટીમે મહારાષ્ટ્રના પુણેથી ઝડપી પાડયો હતો.
સારવાર અર્થેના રૂપિયા લઈ, હોસ્પિટલ જવા નીકળેલા યુવાનને લિફ્ટ આપી, ધમકાવીને લૂટ્યો
મળતી માહિતી અનુસાર, એક વર્ષ અગાઉ ગત 23 જાન્યુઆરી, 2023 ની સવારે 11:45 વાગ્યાના આસપાસ નેશનલ હાઇવે નં. 48 પર નવસારીની રામદેવ હોટલથી 100 મીટરના અંતરે કડોદરા દવાખાને જવા પેસેન્જર વાહનની રાહ જોઈ ઉભેલા યુવાનને લિફ્ટ આપી, તેને વચ્ચે બેસાડ્યા બાદ રસ્તામાં કોન સી હોટેલ મેં કામ કરતા હૈ, ક્યાં કામ કરતા હૈ, કિતના પગાર મિલતા હૈ, કોન સે ગાંવ કા હૈ, જેવા સવાલો પૂછતા જ યુવાન ગભરાઈ ગયો હતો અને કારમાં સવાર લોકો યોગ્ય ન હોવાનો અણસારો આવતા કાર થોભાવી, તેને ઉતારી દેવા કહ્યુ હતું. પરંતુ કારમાં સવાર અને મહારાષ્ટ્રના જલગાંવ ખાતે રહેતા 31 વર્ષીય તબરેઝ સલીમ શાહે તેને ગાળો આપીને ચૂપચાપ બેઠા રે, કાટ દાલુંગા, કિડની નિકાલ લુંગા, કાર સે ફેંક દુંગા… કહીને ધમકાવ્યો હતો અને તેને માર પણ માર્યો હતો. બાદમાં તેની પાસેના 37 હજાર રૂપિયા રોકડા અને 5 હજાર રૂપિયાનો મોબાઈલ ફોન લૂટી, તેને નવસારીના આરક ગામના પાટિયા પાસે યુવાનને ધક્કો મારી ઉતારીને ભાગી છૂટયા હતા. સમગ્ર પ્રકરણમાં નવસારી ગ્રામ્ય પોલીસ મથકે ફરિયાદ નોંધાઈ હતી અને આરોપીઓ વોન્ટેડ હતા.
વોન્ટેડ એક્યુસડ સેલની ટીમે મહારાષ્ટ્રના પુણેથી આરોપીને દબોચી લીધો
દરમિયાન ફરાર તેમજ નાસતા ફરતા આરોપીઓને પકડવા માટે રચાયેલ નવસારીની વોન્ટેડ એક્યુસડ સેલની ટીમે હ્યુમન ઇન્ટેલિજન્સ અને ટેકનિકલ સર્વેલન્સને આધારે ફરાર આરોપીઓને શોધવાના પ્રયાસમાં હાઇવે પર પેસેન્જરના સ્વાંગમાં લૂટ ચલાવતી ટોળકીનો મુખ્ય આરોપી તરબેઝ શાહ મહારાષ્ટ્રના પુણે શહેરના કાશિવાડી, ભવાની પેઠ ખાતે હોવાની બાતમી મળી હતી. જેથી નવસારી SOG ના PSI ડી. એમ. રાઠોડ અને તેમની ટીમ પુણે રવાના થઈ હતી અને આરોપી તરબેઝ શાહને દબોચી નવસારી લઈ આવી હતી. જેમાં આરોપીએ હાઇવે લૂટ સાથે જ પોતાની ટોળકી સાથે સુરત શહેરના ઉધના વિસ્તારમાં રિક્ષામાં ગ્રાહકના સ્વાંગમાં એકના રોકડ અને મોબાઈલની લૂટ ચલાવી હોવાની કબૂલાત કરતા પોલીસે તરબેઝની ધરપકડ કરી, તેના રિમાન્ડ મેળવવાની તજવીજ હાથ ધરી છે.
પોલીસે દારૂ ભરાવનાર સહિત ત્રણ લોકોને વોન્ટેડ જાહેર કર્યા
નવસારી : નવસારીમાં નેશનલ હાઈવે બાદ હવે એક્સપ્રેસ હાઈવે પરથી પણ રોજના લાખોના વિદેશી દારૂની હેરાફેરી શરૂ થઈ છે. જેમાં નવસારી LCB પોલીસે મળેલી બાતમીને આધારે ગણદેવા ટોલનાકા નજીકથી 2.50 લાખ રૂપિયાનો વિદેશી દારૂ ભરેલ કાર સાથે ચાલકની ધરપકડ કરી હતી. જ્યારે દારૂ ભરાવનાર સહિત ત્રણ લોકોને વોન્ટેડ જાહેર કર્યા હતા.
પોલીસે ઘટના સ્થળેથી કુલ 7.55 લાખનો મુદ્દામાલ કબ્જે કર્યો
મળતી માહિતી અનુસાર, નવસારી લોકલ ક્રાઈમ બ્રાન્ચની ટીમ રવિવારે વહેલી સવારે પેટ્રોલીંગમાં હતી. દરમિયાન PC પ્રશાંત બહાદુરસિંહ અને જયેશ બાબુજીને સંયુક્ત રીતે બાતમી મળી હતી કે, વિદેશી દારૂનો જથ્થો ભરેલ એક સફેદ રંગની કાર એક્સપ્રેસ હાઈવે પરથી પસાર થનાર છે. જેને આધારે પોલીસે નવસારીના ગણદેવા સ્થિતિ એક્સપ્રેસ હાઈવેના ટોલનાકા પાસે ફિલ્ડીંગ ગોઠવી હતી. દરમિયાન બાતમીવાળી કાર આવતા પોલીસે તેને અટકાવી, તપાસ કરતા કારમાંથી 2.50 લાખ રૂપિયાની વ્હિસ્કી બીયરની કુલ 816 બાટલીઓ મળી આવી હતી. જેથી પોલીસે ચાલક અને વલસાડ જિલ્લાના ઉંમરગામમાં શિવશંખ સોસાયટીમાં રહેતા સૌરવ ધનજીત યાદવ (21) ની ધરપકડ કરી હતી. આરોપીની પૂછપરછમાં વિદેશી દારૂનો જથ્થો સુરતના અણવાલના બુટલેગર હુસેન શેખે ભરાવ્યો હતો અને કાર વાપી ઓવરબ્રિજ પાસે આપી ગયો હતો. જ્યારે દારૂનો જથ્થો સુરતના કામરેજ ઓવરબ્રિજ પાસે હુસેનના માણસને આપવાનો હતો. જેથી પોલીસે હુસેન શેખ, તેનો અજાણ્યો માણસ અને કારના માલિકને વોન્ટેડ જાહેર કર્યા હતા. પોલીસે ઘટના સ્થળેથી વિદેશી દારૂ સાથે 5 લાખની કાર અને એક મોબાઈલ ફોન મળી કુલ 7.55 લાખનો મુદ્દામાલ કબ્જે કરી ગણદેવી પોલીસ મથકે પ્રોહીબિશન એક્ટ હેઠળ ગુનો નોંધાવી તપાસને વેગ આપ્યો છે.
નવસારી ગ્રામ્ય પોલીસે અમદાવાદ રાજકોટ હાઇવે પર કલ્યાણગઢ ખાતેથી ઠગને પકડી પાડ્યો
નવસારી : નવસારીમાં વર્ષ 2023 માં રોયલ એગ્રો નામની દુકાન ખોલી, આશ્રમ માટે લાખોના પતરા અને ફર્નિચર ખરીદી તેના રૂપિયા નહીં આપી છેતરપિંડી કરનાર ઠગને નવસારી ગ્રામ્ય પોલીસે અમદાવાદ રાજકોટ હાઇવે પર કલ્યાણ ગઢ ખાતેથી પકડી પાડ્યો હતો. પોલીસે આરોપીની ધરપકડ કરી તપાસ આરંભી છે.
આરોપીએ ઉજ્જીવન સ્મોલ ફાઇનાન્સ બેંકના બંધ ખાતાના ચેક આપી કરી હતી છેતરપિંડી
મળતી માહિતી અનુસાર, નવસારીના કબીલપોર GIDC સ્થિત રુદ્ર કોમ્પલેક્ષમાં કચ્છના હરીશ વેલજી ભાનુશાળી અને યોગેશ ભગવાન પટેલ, અમદાવાદ ખાતે રહેતા રોહિત ઉર્ફે જગત ઉર્ફે જગદીશ તેમજ ખેડા જિલ્લાના નડિયાદ ખાતે રહેતા ભરત મણીલાલ પટેલ, આ ચારેય વ્યક્તિઓએ વર્ષ 2023 માં રોયલ એગ્રો નામની દુકાન શરૂ કરી હતી. ત્યારબાદ જાન્યુઆરી મહિનામાં હરીશ ભાનુશાળીએ વિજલપોર ખાતે આવેલ ખોડીયાર સ્ટીલ ઇન્ડસ્ટ્રીઝમાંથી ફર્નિચર લેવાની વાત કરી હતી. જેથી ખોડીયાર ઇન્ડસ્ટ્રીઝના માલિક દ્વારા તેમને ફર્નિચર બતાવી તેનું કુલ બિલ 1.91 લાખ રૂપિયા થતું હોવાનું કહી 50 ટકા એડવાન્સ આપવાની જણાવ્યું હતું. જેમાં પ્રથમ તેણે 5000 રૂપિયા ઓનલાઇન ટ્રાન્સફર કર્યા હતા. ત્યારબાદ ટેમ્પો સાથે ફર્નિચર લેવા પહોંચેલા હરીશ ભાનુશાળીએ ખોડીયાર ઇન્ડસ્ટ્રીઝના માલિકને વિશ્વાસમાં લઈ, 4 લાકડાના કબાટ, 4 બેડ, 3 ડ્રેસીંગ ટેબલ અને 4 ગાદલા ટેમ્પોમાં ભરાવી 1.85 લાખ રૂપિયાનો ઉજ્જીવન સ્મોલ ફાઇનાન્સ બેંકનો બંધ ખાતાનો ચેક આપી, ત્યાંથી રવાના થઈ ગયો હતો. એજ પ્રમાણે નવસારીની કબીલપોર GIDC માં આવેલ સત્યમ ઇન્ડસ્ટ્રીઝમાંથી આશ્રમમાં પતરા આપવાનું કહીને 3.72 લાખ રૂપિયાના પતરા ખરીદ્યા હતા અને એને પણ એ જ પ્રમાણે ઉજ્જીવન સ્મોલ ફાઇનાન્સ બેન્કનો બંધ ખાતાનો ચેક આપી પતરા ટેમ્પોમાં ભરાવી લઈ ગયા હતા. સમગ્ર પ્રકરણમાં બંને વેપારીઓને ચેક બાઉન્સ થતાં છેતરાયાનો અનુભવ થયો હતો. જેથી ખોડીયાર સ્ટીલ ઇન્ડસ્ટ્રીઝના કિશોર હાપલિયાએ તેમજ સત્યમ ઇન્ડસ્ટ્રીઝના રતિભાઈ ડોલરે નવસારી ગ્રામ્ય પોલીસ મથકે હરીશ ભાનુશાળી તેમજ તેના સાથીદારો સામે છેતરપિંડીની ફરિયાદ નોંધાવી હતી. જેની તપાસમાં હાલ નવસારી ગ્રામ્ય પોલીસને હ્યુમન ઇન્ટેલિજન્સ અને ટેકનિકલ સર્વેલન્સની મદદથી બાતમી મળી હતી કે, આ છેતરપિંડીના ગુનામાં સંડોવાયેલ આરોપી અને નડિયાદની મહાવીર સોસાયટીમાં રહેતો સુરેશ વાલજી ઇટાલીયા (47) હાલ અમદાવાદ રાજકોટ હાઇવે પર આવેલ કલ્યાણગઢ રાજગૃહ તીર્થ પાસે છે. જેથી ગ્રામ્ય પોલીસની એક ટીમ કલ્યાણગઢ ખાતે પહોંચી હતી અને આરોપી સુરેશ ઇટાલીયાને દબોચી લીધો હતો. પોલીસે છેતરપિંડીના ગુનામાં સુરેશ ઇટાલીયાને નવસારી લાવી, તેની ધરપકડ કરી આગળની તપાસને વેગ આપ્યો છે.
નવસારીના નાગધરા ગામેથી કદ્દાવર દીપડો પાંજરે પુરાયો
નવસારીના વોર્ડ નં. 13 માં પરિવારવાદના આક્ષેપ : કાર્યકરોએ ધારાસભ્યને કરી રજૂઆત
NMC ની પ્રથમ ચુંટણી : 1.87 લાખ મતદારો કરશે મતદાન
-
ગુજરાત2 years agoધોડિયા સમાજના તેજસ્વી તારલાઓનો સન્માન સમરોહ યોજાયો
-
ગુજરાત1 year agoઅમદાવાદમાં બુલેટ ટ્રેનની કામગીરી દરમિયાન વિશાળ ક્રેન સરકી જતા પડી, 2 ઘાયલ
-
અવર્ગીકૃત2 years agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
દક્ષિણ-ગુજરાત2 years ago
વિજલપોરમાં 7 તળાવો, બેમાં પાણી, પણ 5 તળાવો ખાલીખમ
-
ગુજરાત2 years agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
ગુજરાત7 months agoવર્ષ 2010 પૂર્વે નિયુક્તિ પામેલા શિક્ષકોને TET માંથી મુકિતની માંગ
-
અપરાધ2 years agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
ગુજરાત1 year agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન