અકસ્માત
ગણદેવીના અજરાઈ ગામે બાઇક સ્લીપ થતા યુવાનનું મોત
સરીબુજરંગ ગામે રહેતો સુરજ પટેલ નોકરી પરથી ઘરે જઈ રહ્યો હતો
નવસારી : ગણદેવી અમલસાડ માર્ગ પર સાંજના સમયે પુર ઝડપે દોડી રહેલી એક બાઇક અજરાઈ ગામ પાસે અચાનક સ્લીપ થતા સર્જાયેલા અકસ્માતમાં ગંભીર રીતે ઘવાયેલા સરીબુજરંગ ગામના યુવાનનું ઘટના સ્થળે જ કમકમાટીભર્યુ મોત નીપજ્યુ હતુ. ઘટનાના સીસીટીવી ફૂટેજ પણ સામે આવ્યા છે.
અકસ્માતની ઘટના સીસીટીવી કેમેરામાં થઇ કેદ, પોલીસે શરૂ કરી તપાસ
મળતી માહિતી અનુસાર, ગણદેવી તાલુકાના સરીબુજરંગ ગામે રહેતો 32 વર્ષીય સુરજ વિનોદભાઈ પટેલ, ચીખલી તાલુકાના દેગામ ગામે આવેલી વારી સોલાર કંપનીમાં નોકરી કરતો હતો. સોમવારે સાંજે સુરજ કંપનીમાંથી છૂટી પોતાના ઘરે જઈ રહ્યો હતો, દરમિયાન ગણદેવી અમલસાડ માર્ગ પર પુરપાટ ઝડપે દોડતી સુરજની બાઇક અજરાઈ ગામ નજીક પટેલ જનરલ સ્ટોર પાસે સ્લીપ થઇ ગઈ હતી. જેમાં સુરજ રસ્તા પર પટકાઈને થોડે સુધી ઘસડાયો હતો. બાઇકની સ્પીડ હોવાથી સુરજને માથામાં ગંભીર ઇજા થવા સાથે જ તેની ખોપડી ફાટી ગઈ હતી. જેથી તેનું ઘટના સ્થળે જ કમકમાટીભર્યુ મોત નીપજ્યુ હતુ. ઘટનાને પગલે આસપાસના લોકો દોડી આવ્યા હતા અને ગણદેવી પોલીસને ઘટનાની જાણ કરી હતી. ઘટના સ્થળે પહોંચેલી ગણદેવી પોલીસે મૃતદેહને પોસ્ટ મોર્ટમ અર્થે ખસેડ્યો હતો. પોલીસની પ્રાથમિક તપાસમાં ઘટનાના સીસીટીવી ફૂટેજ પણ સામે આવ્યા છે, જેને ધ્યાને રાખીને પોલીસે અકસ્માત મોતનો ગુનો નોંધી આગળની તપાસ આરંભી છે.
અકસ્માત સર્જીને ટ્રક ચાલક ઘટના સ્થળેથી થયા ફરાર
નવસારી : નેશનલ હાઈવે નં. 48 પર નવસારીના ગણેશ સિસોદ્રા ગામ નજીકના સર્વિસ રોડ ઉપર બેફામ દોડતા હાઈવા ટ્રકના ચાલકે એક કારને ટક્કર મારી હતી, જેમાં પાછળથી આવતી બીજી ટ્રકની અડફેટે ચઢતા કાર પલટી મારી ગઈ હતી. અકસ્માતમાં કારમાં સવાર 4 લોકોમાંથી ગંભીર રીતે ઘવાયેલા ત્રણને નજીકની હોસ્પિટલમાં સારવાર અર્થે ખસેડાયા હતા. જ્યારે અકસ્માત સર્જ્યા બાદ બંને ટ્રકના ચાલકો ટ્રક લઈ ઘટના સ્થળેથી ભાગી છૂટ્યા હતા.
કાર દમણથી નંદુરબાર જઈ રહી હતી, ત્યારે નડ્યો અકસ્માત
મળતી માહિતી અનુસાર, મહારાષ્ટ્રના નંદુરબારનો પરિવાર દમણ ફરવા ગયો હતો. જ્યાંથી રાતે પરત ફરતી વેળાએ નેશનલ હાઈવે નં. 48 પર નવસારીના ગણેશ સિસોદ્રા ગામ નજીક સુરત તરફ જવાના ટ્રેક ઉપરથી પસાર થતી વેળાએ બેફામ દોડતા હાઇવા ટ્રકના ચાલકે નંદુરબારના પરિવારની કારને ટક્કર મારતા, કાર ડીવાઈડર સાથે ભટકાઈ હતી. જેમાં પાછળથી આવતી અન્ય ટ્રકે પણ કારને અડફેટે લેતા કાર પલટી મારી જતા, કારમાં સવાર 4 લોકો ઘવાયા હતા. અકસ્માત સર્જાતા બંને ટ્રકના ચાલકો, પોતાની ટ્રક લઈને ઘટના સ્થળેથી ફરાર થયા હતા. ઘટનાને પગલે સ્થાનિકો તેમજ રાહદારીઓની ભીડ જમા થઈ હતી અને લોકોએ કારમાં ફસાયેલા લોકોને બહાર કાઢ્યા હતા. જેમાં કારમાં સવાર આદેશકુમાર, અંજલિ અને આરતી ત્રણ લોકોને ગંભીર ઈજાઓ થતા તેમને 108 એમ્બ્યુલન્સ મારફતે નજીકની હોસ્પિટલમાં સારવાર અર્થે ખસેડવામાં આવ્યા હતા. ઘટનાની જાણ થતાં નવસારી ગ્રામ્ય પોલીસ ઘટના સ્થળે પહોંચી હતી. પોલીસે અકસ્માત કેવી રીતે સર્જાયો એની માહિતી મેળવી, સાથે જ અકસ્માતને કારણે સર્જાયેલા ટ્રાફિક જામને પણ હળવો કરાવ્યો હતો. સમગ્ર મુદ્દે ગ્રામ્ય પોલીસે અકસ્માતનો ગુનો નોંધવાની તજવીજ હાથ ધરી હતી.
વેસ્મા પાસે ત્રણ દિવસમાં થયો ચોથો અકસ્માત
નવસારી : નેશનલ હાઈવે નં. 48 પર રોજના ક્યાંકને ક્યાંક અકસ્માત થતા રહે છે. જેમાં પણ નવસારી જિલ્લાનાં ઘણા સ્થળો અકસ્માત ઝોન બની ગયા છે. વેસ્મા નજીકનો હાઇવે પણ અકસ્માત ઝોન બની રહ્યો છે, આજે વેસ્મા ઓવરબ્રિજ ઉપરથી પુર ઝડપે અમદાવાદ તરફ જઈ રહેલો ટેમ્પો પલટી ગયો હતો, જોકે અકસ્માતમાં ટેમ્પો ચાલકનો આબાદ બચાવ થયો હતો.
નવસારી ગ્રામ્ય પોલીસે ક્રેનથી ટેમ્પોને હટાવી, ટ્રાફિક સુચારૂ કરાવ્યો
નવસારી જિલ્લામાંથી પસાર થતા નેશનલ હાઇવે નં. 48 પર અવાર નવાર કોઈને કોઈ કારણોથી વાહનો અકસ્માતના ભોગ બનતા રહે છે. ક્યારેક સ્પીડ વધુ હોવાથી, ઝોંકુ આવી જવાથી, સ્ટીયરીંગ પરથી કાબુ ગુમાવતા કે અન્ય વાહન ટ્રેક બદલીને સામેના ટ્રેક પર આવી જતા. જોકે મોટાભાગના અકસ્માત ઓવર સ્પીડીંગને કારણે થતા હોય છે. નવસારીના વેસ્મા ગામ નજીક છેલ્લા ત્રણ દિવસોમાં અકસ્માતની હારમાળા સર્જાઇ છે, આજે સાંજના સમયે એક બારડોલી પાસીંગનો ટેમ્પો વેસ્મા ઓવરબ્રીજ ઉપર પુર ઝડપે હોવાથી ચાલક સ્ટીયરીંગ ઉપર કાબુ ન રાખી શક્યો અને ટેમ્પો પલટી ગયો હતો. અકસ્માતમાં ટેમ્પો ચાલકનો આબાદ બચાવ થયો હતો. જયારે અકસ્માતને કારણે હાઇવે પર ટ્રાફિક જામ સર્જાયો હતો. ઘટનાની જાણ થતા નવસારી ગ્રામ્ય પોલીસની વેસ્મા ચોકીના પોલીસ કર્મીઓ ઘટના સ્થળે પહોંચ્યા હતા અને ટેમ્પોને ક્રેનની મદદથી ઓવરબ્રિજ પરથી હટાવી, ટ્રાફિક સુચારૂ કરાવ્યો હતો. સમગ્ર મુદ્દે ગ્રામ્ય પોલીસે અકસ્માતનો ગુનો નોંધવાની તજવીજ હાથ ધરી હતી.
નવસારી જિલ્લામાં સાર્વત્રિક વરસાદ, 5 તાલુકાઓમાં અડધો ઇંચથી વધુ વરસાદ નોંધાયો
દેવધા સ્થિત દેવસરોવર ડેમના 20 દરવાજા ખોલાયા, 20 બાકી
નવસારીમાં 45 ગ્રામ પંચાયતોમાં સામાન્ય અને 14 ગ્રામ પંચાયતોમાં પેટા ચુંટણી
-
ગુજરાત10 months agoધોડિયા સમાજના તેજસ્વી તારલાઓનો સન્માન સમરોહ યોજાયો
-
ગુજરાત4 months agoઅમદાવાદમાં બુલેટ ટ્રેનની કામગીરી દરમિયાન વિશાળ ક્રેન સરકી જતા પડી, 2 ઘાયલ
-
અવર્ગીકૃત10 months agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
ગુજરાત1 year agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
અપરાધ11 months agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
ગુજરાત6 months agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન
-
અપરાધ10 months agoહાઈવે પર પરથાણ પાટિયા પાસેથી 7.76 લાખના વિદેશી દારૂ ભરેલા ટ્રક સાથે ચાલક પકડાયો
-
અપરાધ6 years ago?????????????????????????????? ????????????????????? 7 ?????????????????? ?????????