અકસ્માત
નવસારીના છાપરા રોડ ઉપર કૃષ્ણપુર જતી ST બસ કાદવમાં ફસાઈ
બસમાં સવાર 10 મુસાફરોને સામાન્ય ઇજા
નવસારી : નવસારીમાં આજે વહેલી સવારથી વરસાદી માહોલ બન્યો છે. ત્યારે છાપરા રોડ ચાર રસ્તા પાસે સવારથી મોટો ટ્રાફિકજામ લાગ્યો હતો. જેમાં નવસારીથી કૃષ્ણપુર જતી ST બસ છાપરા પાસે રસ્તાની કિનારે કાદવમાં ખુપી જતા ફસાઈ હતી. અકસ્માતમાં બસમાં સવાર 10 લોકોને સામાન્ય ઈજા થઈ હતી.
બસમાં સવાર મુસાફરોએ ગંતવ્ય સ્થળે પહોંચવા વૈકલ્પિક વ્યવસ્થા કરવી પડી
નવસારીમાં આજે વહેલી સવારથી વરસાદી માહોલ જામ્યો છે. વરસાદને કારણે છાપરા રોડ ચાર રસ્તા નજીક સવારે બે શાળાના વિદ્યાર્થીઓ ભેગા થતા મોટો ટ્રાફિક જામ સર્જાયો હતો. જેમાં નવસારીથી જલાલપોર તાલુકાના કૃષ્ણપુર ગામે જઈ રહેલી ST બસના ચાલકે સામેથી આવતા વાહનને રસ્તો આપવાના ચક્કરમાં છાપરાના મુખ્ય ગેટ નજીક ST બસ રસ્તાની કિનારે ઉતારી હતી. પરંતુ રસ્તાના કિનારે વરસાદને કારણે કાદવ થયો હોવાથી ST બસ કાદવમાં ખૂંપી જતા ફસાઈ ગઈ હતી. બસને અકસ્માત નડતા બસના ચાલk, કંડકટર તેમજ 10 મુસાફરોને સામાન્ય ઇજા થઈ હતી. બસ ફસાઈ જવાથી મુસાફરોએ પોતાના ગંતવ્ય સ્થળે જવા માટે વૈકલ્પિક વ્યવસ્થા શોધવી પડી હતી.
નવસારીથી છાપરા જતો માર્ગ પહોળો કરવાની તાતી જરૂર
નવસારી વિજલપોર શહેર હવે મહાનગરપાલિકા બનવા જઈ રહ્યું છે. શહેરનો વિસ્તાર વધવા સાથે વસ્તીમાં પણ વધારો થયો છે. જેથી શહેરમાં વાહનોની સંખ્યા દિવસે દિવસે વધી રહી છે. ત્યારે ચોમાસાના દિવસોમાં છાપરા રોડ નજીક દાંતેજ ગામે ડિવાઇન સ્કૂલ તેમજ પરતાપોર ગામે એબી સ્કૂલ આવી છે. જેથી રોજના વિદ્યાર્થીઓ તેમજ પશ્ચિમ વિસ્તારના ગામડાઓના લોકો પણ છાપરા રોડનો બહોળો ઉપયોગ કરે છે. જેથી સવારના સમયે અને શાળા છૂટવાના સમયે ટ્રાફિક જામ સામાન્ય બની જાય છે. મહાનગરપાલિકા બનવા જઈ રહેલા શહેરનો છાપરા રોડ પહોળો કરવામાં આવે એવી લોક લાગણી પણ પ્રવર્તિ રહી છે. ત્યારે નવસારી વિજલપોર પાલિકા ભવિષ્યના ટ્રાફિકને ધ્યાને રાખી શહેરના સાંકડા રસ્તાઓને પહોળા કરવા મુદ્દે વિચારણા કરે એ જ સમયની માંગ છે.
અકસ્માત સર્જીને ટ્રક ચાલક ઘટના સ્થળેથી થયા ફરાર
નવસારી : નેશનલ હાઈવે નં. 48 પર નવસારીના ગણેશ સિસોદ્રા ગામ નજીકના સર્વિસ રોડ ઉપર બેફામ દોડતા હાઈવા ટ્રકના ચાલકે એક કારને ટક્કર મારી હતી, જેમાં પાછળથી આવતી બીજી ટ્રકની અડફેટે ચઢતા કાર પલટી મારી ગઈ હતી. અકસ્માતમાં કારમાં સવાર 4 લોકોમાંથી ગંભીર રીતે ઘવાયેલા ત્રણને નજીકની હોસ્પિટલમાં સારવાર અર્થે ખસેડાયા હતા. જ્યારે અકસ્માત સર્જ્યા બાદ બંને ટ્રકના ચાલકો ટ્રક લઈ ઘટના સ્થળેથી ભાગી છૂટ્યા હતા.
કાર દમણથી નંદુરબાર જઈ રહી હતી, ત્યારે નડ્યો અકસ્માત
મળતી માહિતી અનુસાર, મહારાષ્ટ્રના નંદુરબારનો પરિવાર દમણ ફરવા ગયો હતો. જ્યાંથી રાતે પરત ફરતી વેળાએ નેશનલ હાઈવે નં. 48 પર નવસારીના ગણેશ સિસોદ્રા ગામ નજીક સુરત તરફ જવાના ટ્રેક ઉપરથી પસાર થતી વેળાએ બેફામ દોડતા હાઇવા ટ્રકના ચાલકે નંદુરબારના પરિવારની કારને ટક્કર મારતા, કાર ડીવાઈડર સાથે ભટકાઈ હતી. જેમાં પાછળથી આવતી અન્ય ટ્રકે પણ કારને અડફેટે લેતા કાર પલટી મારી જતા, કારમાં સવાર 4 લોકો ઘવાયા હતા. અકસ્માત સર્જાતા બંને ટ્રકના ચાલકો, પોતાની ટ્રક લઈને ઘટના સ્થળેથી ફરાર થયા હતા. ઘટનાને પગલે સ્થાનિકો તેમજ રાહદારીઓની ભીડ જમા થઈ હતી અને લોકોએ કારમાં ફસાયેલા લોકોને બહાર કાઢ્યા હતા. જેમાં કારમાં સવાર આદેશકુમાર, અંજલિ અને આરતી ત્રણ લોકોને ગંભીર ઈજાઓ થતા તેમને 108 એમ્બ્યુલન્સ મારફતે નજીકની હોસ્પિટલમાં સારવાર અર્થે ખસેડવામાં આવ્યા હતા. ઘટનાની જાણ થતાં નવસારી ગ્રામ્ય પોલીસ ઘટના સ્થળે પહોંચી હતી. પોલીસે અકસ્માત કેવી રીતે સર્જાયો એની માહિતી મેળવી, સાથે જ અકસ્માતને કારણે સર્જાયેલા ટ્રાફિક જામને પણ હળવો કરાવ્યો હતો. સમગ્ર મુદ્દે ગ્રામ્ય પોલીસે અકસ્માતનો ગુનો નોંધવાની તજવીજ હાથ ધરી હતી.
વેસ્મા પાસે ત્રણ દિવસમાં થયો ચોથો અકસ્માત
નવસારી : નેશનલ હાઈવે નં. 48 પર રોજના ક્યાંકને ક્યાંક અકસ્માત થતા રહે છે. જેમાં પણ નવસારી જિલ્લાનાં ઘણા સ્થળો અકસ્માત ઝોન બની ગયા છે. વેસ્મા નજીકનો હાઇવે પણ અકસ્માત ઝોન બની રહ્યો છે, આજે વેસ્મા ઓવરબ્રિજ ઉપરથી પુર ઝડપે અમદાવાદ તરફ જઈ રહેલો ટેમ્પો પલટી ગયો હતો, જોકે અકસ્માતમાં ટેમ્પો ચાલકનો આબાદ બચાવ થયો હતો.
નવસારી ગ્રામ્ય પોલીસે ક્રેનથી ટેમ્પોને હટાવી, ટ્રાફિક સુચારૂ કરાવ્યો
નવસારી જિલ્લામાંથી પસાર થતા નેશનલ હાઇવે નં. 48 પર અવાર નવાર કોઈને કોઈ કારણોથી વાહનો અકસ્માતના ભોગ બનતા રહે છે. ક્યારેક સ્પીડ વધુ હોવાથી, ઝોંકુ આવી જવાથી, સ્ટીયરીંગ પરથી કાબુ ગુમાવતા કે અન્ય વાહન ટ્રેક બદલીને સામેના ટ્રેક પર આવી જતા. જોકે મોટાભાગના અકસ્માત ઓવર સ્પીડીંગને કારણે થતા હોય છે. નવસારીના વેસ્મા ગામ નજીક છેલ્લા ત્રણ દિવસોમાં અકસ્માતની હારમાળા સર્જાઇ છે, આજે સાંજના સમયે એક બારડોલી પાસીંગનો ટેમ્પો વેસ્મા ઓવરબ્રીજ ઉપર પુર ઝડપે હોવાથી ચાલક સ્ટીયરીંગ ઉપર કાબુ ન રાખી શક્યો અને ટેમ્પો પલટી ગયો હતો. અકસ્માતમાં ટેમ્પો ચાલકનો આબાદ બચાવ થયો હતો. જયારે અકસ્માતને કારણે હાઇવે પર ટ્રાફિક જામ સર્જાયો હતો. ઘટનાની જાણ થતા નવસારી ગ્રામ્ય પોલીસની વેસ્મા ચોકીના પોલીસ કર્મીઓ ઘટના સ્થળે પહોંચ્યા હતા અને ટેમ્પોને ક્રેનની મદદથી ઓવરબ્રિજ પરથી હટાવી, ટ્રાફિક સુચારૂ કરાવ્યો હતો. સમગ્ર મુદ્દે ગ્રામ્ય પોલીસે અકસ્માતનો ગુનો નોંધવાની તજવીજ હાથ ધરી હતી.
નવસારી જિલ્લામાં સાર્વત્રિક વરસાદ, 5 તાલુકાઓમાં અડધો ઇંચથી વધુ વરસાદ નોંધાયો
દેવધા સ્થિત દેવસરોવર ડેમના 20 દરવાજા ખોલાયા, 20 બાકી
નવસારીમાં 45 ગ્રામ પંચાયતોમાં સામાન્ય અને 14 ગ્રામ પંચાયતોમાં પેટા ચુંટણી
-
ગુજરાત10 months agoધોડિયા સમાજના તેજસ્વી તારલાઓનો સન્માન સમરોહ યોજાયો
-
ગુજરાત4 months agoઅમદાવાદમાં બુલેટ ટ્રેનની કામગીરી દરમિયાન વિશાળ ક્રેન સરકી જતા પડી, 2 ઘાયલ
-
અવર્ગીકૃત10 months agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
ગુજરાત1 year agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
અપરાધ10 months agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
ગુજરાત6 months agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન
-
અપરાધ10 months agoહાઈવે પર પરથાણ પાટિયા પાસેથી 7.76 લાખના વિદેશી દારૂ ભરેલા ટ્રક સાથે ચાલક પકડાયો
-
અપરાધ6 years ago?????????????????????????????? ????????????????????? 7 ?????????????????? ?????????