અપરાધ

ગણદેવી ટાઉનમાંથી 1.95 લાખના વિદેશી દારૂ સાથે એક પકડાયો, 4 વોન્ટેડ

Published

12 months ago

July 30, 2024

Gandevi

પોલીસે ઘટના સ્થળેથી કુલ 9.05 લાખનો મુદ્દામાલ કર્યો કબ્જે

નવસારી : નવસારી જિલ્લાના આંતરિક માર્ગો પરથી વિદેશી દારૂની હેરાફેરી થતી હોવાની ફરિયાદોને આધારે નવસારી LCB પોલીસે બાતમીદારોને એક્ટીવ કરી તપાસ આરંભતા ગત રોજ ગણદેવી ટાઉનના વણકરવાડ પાસેથી 1.95 લાખ રૂપિયાના વિદેશી દારૂ ભરેલ કાર સાથે ચાલકને પકડી પાડ્યો હતો. જયારે 4 લોકોને વોન્ટેડ જાહેર કર્યા છે.

પોલીસને ગેરમાર્ગે દોરવા દારૂ ભરેલી કાર આગળ એક સરખી ત્રણ કારનું પાયલોટીંગ

મળતી માહિતી અનુસાર, નવસારી જિલ્લામાંથી વિદેશી દારૂની હેરાફેરીને રોકવા માટે પોલીસ તંત્ર સતર્ક રહેતું હોય છે, તેમ છતાં ખેપિયાઓ વિદેશી દારૂ નવસારી તેમજ અહીંથી આગળનાં જિલ્લાઓમાં લઇ જવા માટે અનેક કીમિયાઓ અજમાવતા હોય છે. ત્યારે ગત રોજ નવસારી લોકલ ક્રાઈમ બ્રાંચ પોલીસની ટીમ ગણદેવી તરફ પેટ્રોલિંગમાં હતી. દરમિયાન HC યુવરાજસિંહ જુવાનસિંહ અને HC ગણેશ દીનુંને સંયુક્ત રીતે બાતમી મળી હતી કે, એક મોંઘી અને લક્ઝ્યુરીસ કારમાં વિદેશી દારૂનો જથ્થો ભરી દમણનો યુવાન ગણદેવી ટાઉનમાંથી સુરત તરફ જનાર છે. જેની સાથે પોલીસને ગેરમાર્ગે દોરવા માટે આગળ એક જ સરખી અન્ય ત્રણ કાર પણ ચાલી રહી છે. જેથી LCB પોલીસની ટીમે ગણદેવી ટાઉનના વણકરવાડ નજીક આવેલ એક રાષ્ટ્રીય કૃત બેંક પાસે ફિલ્ડીંગ ગોઠવી હતી. દરમિયાન બાતમી પ્રમાણે એક સરખી ત્રણ કાર પસાર થતા પોલીસે તેમને રોકવાનો પ્રયાસ કર્યો, પણ ત્રણે કાર ઝડપથી આગળ વધી ગઈ હતી, જયારે પાછળ આવતી એક કારને રોકવામાં પોલીસ સફળ થઇ હતી. પોલીસે કારને અટકાવી, તેમાં તપાસ કરતા કારમાંથી 39 પૂઠાના બોક્ષમાંથી 1.95 લાખ રૂપિયાની વ્હીસ્કી અને બીયરની કુલ 1620 બાટલીઓ મળી આવી હતી. જેથી પોલીસે કાર ચાલક તેમજ નાની દમણના ભીમપોર સ્થિત સ્કૂલ ફળિયામાં રહેતા ૩૩ વર્ષીય રવિન્દ્રકુમાર ઉર્ફે દવલો પટેલની ધરપકડ કરી હતી. જયારે તેની પૂછપરછમાં વિદેશી દારૂનો જથ્થો નાની દમણના એરપોર્ટ રોડ ખાતે રહેતા અર્જુન ઉર્ફે ખાલપો રોહિત, વલસાડ જિલ્લાના વાપીના કોચરવા ગામનો દર્શનકુમાર પટેલ અને દમણના ચેતન ઘોડીએ ભરાવી આપ્યો હતો અને ત્રણેય જણા એક જ સરખી ત્રણ કારમાં આગળ પાયલોટીંગ કરી રહ્યા હતા. જયારે વિદેશી દારૂનો જથ્થો સુરતના સાયણના બુટલેગર સુરેશે મંગાવ્યો હતો. પોલીસે રવીન્દ્રની ધરપકડ કરી, ચારેય આરોપીઓને વોન્ટેડ જાહેર કર્યા હતા. સાથે જ ઘટના સ્થળેથી વિદેશી દારૂ, 7 લાખ રૂપિયાની કાર અને 10 હજાર રૂપિયાના બે મોબાઈલ ફોન મળી કુલ 9.05 રૂપિયાનો મુદ્દામાલ કબજે કરી ગણદેવી પોલીસ મથકે પ્રોહિબીશન એક્ટ હેઠળ ગુનો નોંધી તપાસને વેગ આપ્યો છે.

Post Views: 148

Up Next

નર્સરી ઉદ્યોગનું હબ બની રહેલા વાંસદામાં યોજાયો ” નર્સરી – એક ઉદ્યોગ ” સેમીનાર

Don't Miss

વાંસદાનો કેલિયા ડેમ છલકાયો, કાંઠાના 23 ગામોને કરાયા એલર્ટ

Click to comment

અપરાધ

6.23 લાખના વિદેશી દારૂ સાથે ટેમ્પો ચાલકની ધરપકડ

Published

1 month ago

June 14, 2025

Navsari

નવસારી ગ્રામ્ય પોલીસે બોરીયાચ ટોલનાકા પાસેથી પકડ્યો દારૂનો જથ્થો

નવસારી : નેશનલ હાઈવે નં. 48 પર નવસારીના બોરીયાચ ટોલનાકા પાસેથી નવસારી ગ્રામ્ય પોલીસે બાતમીને આધારે 6.23 લાખ રૂપિયાનો વિદેશી દારૂ ભરેલ ટેમ્પો સાથે ચાલકની ધરપકડ કરી હતી. જયારે એકને વોન્ટેડ જાહેર કરીને તપાસને વેગ આપ્યો છે.

પોલીસે ઘટના સ્થળેથી 16.28 લાખનો મુદ્દામાલ કર્યો કબ્જે

મળતી માહિતી અનુસાર, નવસારી જિલ્લામાંથી રોજના લાખોના વિદેશી દારૂની હેરાફેરી થાય છે. ત્યારે નવસારી ગ્રામ્ય પોલીસના HC નજુ જીલુ અને HC અજય રમેશને ખાનગી રાહે બાતમી મળી હતી કે, એક કથ્થાઈ રંગના ટેમ્પોમાં વિદેશી દારૂનો જથ્થો દમણથી વાપી, વલસાડથી નેશનલ હાઈવે પર નવસારી થઇને આગળ સુરત તરફ જનાર છે. જેને આધારે ગ્રામ્ય પોલીસની ટીમે નેશનલ હાઈવે નં. 48 પર નવસારીના બોરીયાચ ટોલનાકા પાસે ફિલ્ડીંગ ગોઠવી હતી. દરમિયાન બાતમીવાળો ટેમ્પો આવતા પોલીસે તેને અટકાવી તપાસ કરતા, ટેમ્પોમાં આગળના ભાગે દોરા ધાગાનાં બોબીનનાં બોક્ષની પાછળ વિદેશી દારૂનો જથ્થો ભર્યો હતો. જેમાં 6,23,760 રૂપિયાની વ્હીસ્કી બીયરની કુલ 2136 બાટલીઓ મળી આવી હતી. જેથી પોલીસે ટેમ્પો ચાલક અને મહારાષ્ટ્રના નાશિક જિલ્લાના નિફાડ તાલુકાના પીમપ્લસ રામાયે ગામના આનંદનગરમાં રહેતા 31 વર્ષીય કાનીફનાથ પુરીની ધરપકડ કરી હતી. જેની પૂછપરછમાં વિદેશી દારૂનો જથ્થો અશ્વિન નામના વ્યક્તિએ ભરાવી આપ્યો હતો, જેથી પોલીસે અશ્વિનને વોન્ટેડ જાહેર કર્યો હતો. જયારે ઘટના સ્થળેથી વિદેશી દારૂ સાથે 10 લાખ રૂપિયાનો ટેમ્પો અને 5 હજાર રૂપિયાના મોબાઈલ ફોન સાથે કુલ 16.28 લાખ રૂપિયાનો મુદ્દામાલ કબ્જે કરી, નવસારી ગ્રામ્ય પોલીસ મથકમાં પ્રોહીબીશન એક્ટ હેઠળ ગુનો નોંધી તપાસને વેગ આપ્યો છે.

Post Views: 61

અપરાધ

ઇટાળવા નહેર પાસેથી 3 જુગારીઓ પકડાયા, 6 ભાગવામાં સફળ

Published

1 month ago

June 14, 2025

Navsari

નવસારી ગ્રામ્ય પોલીસે 2.૩૩ લાખનો મુદ્દામાલ કર્યો કબ્જે

નવસારી : નવસારી શહેરના ઇટાળવા સ્થિત નહેર નજીકની ખુલ્લી જગ્યામાં તીનપત્તીનો જુગાર રમતા 3 શકુનિઓને નવસારી ગ્રામ્ય પોલીસે પકડી પાડ્યા હતા. જયારે પોલીસને જોઈ 6 જુગારીઓ ભાગવામાં સફળ રહ્યા હતા.

જુગારીઓ બેખોફ જુગાર રમી રહ્યા હતા અને પોલીસ ત્રાટકી

મળતી માહિતી અનુસાર, નવસારીના ઇટાળવા વિસ્તારમાં આવેલ લેક પાલ્મ વિલાની સામે નહેર નજીકમાં આવેલ ખુલ્લી જગ્યામાં કેટલાક લોકો રૂપિયા ઉપર હારજીતનો તીનપત્તીનો જુગાર રમી રહ્યા હતા. જેની બાતમી મળતા જ નવસારી ગ્રામ્ય પોલીસે ઘટના સ્થળે છાપો માર્યો હતો. પોલીસને જોઈ નહેર જુગારિયાઓમાં નાસભાગ મચી જવા પામી હતી. જોકે પોલીસે તરત તરાપ મારીને કાલીયાવાડીના તલાવડી ફળિયાના જતીન પટેલ, નવસારીના ભેંસતખાડા માછીવાડના મહેશ દંતાણી અને તીઘરા નવી વસાહતમાં રહેતા યોગેશ કુંકણાને દબોચી લીધા હતા. જયારે ઘટના સ્થળેથી નવસારીના કસ્બાપાર ગામના વિવેક ઉર્ફે વાણીયો નિર્વાણ, નવસારીના કબીલપોરના જામપીર મોહલ્લાના અમિત જોગી, નવસારીના તિઘરા નવી વસાહતના ભાવિન પટેલ, નવસારીના ઝવેરી સડકના સલીમ મંગેરા, નવસારીના ભેંસતખાડા માછીવાડના હિમાંશુ ઢીમ્મર અને દશેરા ટેકરીના અલ્પેશ ઉર્ફે અપ્પુ ભાગવામાં સફળ રહ્યા હતા, જે 6 જુગારીઓને પોલીસે વોન્ટેડ જાહેર કર્યા હતા. જયારે ઘટના સ્થળેથી દાંવમાં મુકેલા તેમજ આરોપીઓની અંગ ઝડતીમાંથી 10,500 રૂપિયા રોકડા, 13 હજાર રૂપિયાના ત્રણ મોબાઈલ ફોન, 2.10 લાખ રૂપિયાની 4 બાઇક મળીને કુલ 2.૩૩ લાખ રૂપિયાનો મુદ્દામાલ કબ્જે કરી, નવસારી ગ્રામ્ય પોલીસ મથકે જુગાર ધારા હેઠળ ગુનો નોંધી તપાસને વેગ આપ્યો છે.

Post Views: 161

અપરાધ

4.07 લાખનો વિદેશી દારૂ ભરેલ પીકઅપ ટેમ્પો સાથે એક પકડાયો

Published

1 month ago

June 12, 2025

Navsari

પોલીસે સેલવાસના રમેશ અને દારૂ મંગાવનારને વોન્ટેડ જાહેર કર્યા

નવસારી : નેશનલ હાઈવે નં. 48 પર નવસારીના બોરીયાચ ટોલનાકા પાસેથી નવસારી LCB પોલીસે બાતમીને આધારે 4.07 લાખના વિદેશી દારૂ ભરેલા પીકઅપ ટેમ્પો સાથે ચાલકની ધરપકડ કરી હતી. જયારે દારૂ ભરાવનાર સેલવાસના રમેશ અને દારૂ મંગાવનાર અજાણ્યાને વોન્ટેડ જાહેર કર્યા હતા.

LCB પોલીસે ઘટના સ્થળેથી 9.16 લાખનો મુદ્દામાલ કર્યો કબ્જે

મળતી માહિતી અનુસાર, નવસારી લોકલ ક્રાઈમ બ્રાંચની ટીમ નેશનલ હાઈવે નં. 48 પર પેટ્રોલિંગમાં હતી. દરમિયાન LCB ના HC નયન હનુભા અને HC દિગ્વિજયસિંહ રવજીભાઇની સંયુક્ત બાતમી હતી કે, એક પીકઅપ ટેમ્પોમાં વિદેશી દારૂનો જથ્થો સુરત તરફ જઈ રહ્યો છે. જેથી પોલીસે હાઈવે પર નવસારીના બોરીયાચ ટોલનાકા પાસે વોચ ગોઠવી હતી. ત્યારે જ બાતમીવાળો ટેમ્પો આવતા પોલીસે તેને અટકાવી, તપાસ કરતા ટેમ્પોમાં 35 પૂઠાનાં બોક્ષમાંથી 4,06,800 રૂપિયાની વ્હીસ્કી અને બીયરની 972 બોટલો મળી આવી હતી. જેથી પોલીસે ટેમ્પો ચાલક અને સેલવાસના આમલી ગામે રહેતા અને મુળ ઉત્તરપ્રદેશના રાજારામ બનવારી હરીજનની ધરપકડ કરી હતી. જયારે તેની પૂછપરછમાં દારૂનો જથ્થો સેલવાસના રમેશે ભરાવી આપ્યો હતો, જયારે તેને અજાણ્યાને પહોચાડવાનો હતો. જેથી પોલીસે બંનેને વોન્ટેડ જાહેર કરી, નવસારી ગ્રામ્ય પોલીસ મથકે પ્રોહીબીશન એક્ટ હેઠળ ગુનો નોંધી આગળની તપાસ આરંભી છે. ઉલ્લેખનિય છે કે, પોલીસે ઘટના સ્થળેથી વિદેશી દારૂ, ટેમ્પો અને મોબાઈલ ફોન મળી કુલ 9.16 લાખ રૂપિયાનો મુદ્દામાલ ક્બ્જે કર્યો હતો.

Post Views: 23