અકસ્માત
નવસારીના ઇટાળવા નજીક અકસ્માત સર્જનાર ST બસ ચાલકની ધરપકડ
બીલીમોરાથી નવસારી આવતી ST બસની અડફેટે યુવાન મોતને ભેટ્યો હતો
નવસારી : નવસારી ગણદેવી માર્ગ પર શહેરના ઇટાળવા નજીક ગત રોજ બીલીમોરાથી નવસારી આવી રહેલી ST બસની અડફેટે ચઢતા 35 વર્ષીય યુવાનનું ઘટના સ્થળે જ કમકમાટીભર્યુ મોત નીપજ્યુ હતુ. જેમાં પોલીસે બસના ચાલકની અકસ્માત મોતના ગુના હેઠળ ગુનો નોંધી ધરપકડ કરી હતી.
બેદરકારી દાખવનાર બસ ચાલક સામે ST વિભાગ કરશે ખાતાકીય તપાસ
મળતી માહિતી અનુસાર, નવસારી વિજલપોર શહેરના ઇટાળવાના દોઝી ફળિયામાં રહેતો 35 વર્ષીય રાજુ હળપતિ ગત રોજ રાતે 7:30 વાગ્યા આસપાસ પોતાના ફળિયાથી સામે છેડે કોઈ કામ અર્થે જવા નીકળ્યો હતો. પરંતુ રસ્તો ક્રોસ કરવા ગયો ત્યાં જ રાજુ બીલીમોરાથી નવસારી પુર ઝડપે આવી રહેલી ST બસની અડફેટે ચઢ્યો હતો. બસ સાથે ભટકયા બાદ રસ્તા પર પટકાતા બસનું તોતિંગ ટાયર તેના ઉપરથી ફરી જતા, રાજુ હળપતિનું ઘટના સ્થળે જ કમકમાટીભર્યુ મોત નીપજ્યુ હતું. સમગ્ર પ્રકરણમાં મૃતકની માતા કમળાબેન હળપતિની ફરિયાદના આધારે બસ ચાલક વિરૂદ્ધ અકસ્માત મોતનો ગુનો નોંધ્યો હતો. જેમાં આજે પોલીસે અકસ્માત સર્જનાર ST બસના ચાલક અને વલસાડ જિલ્લાના ડુંગરી તાલુકાના માલવણ ગામના યોગેશ પટેલની ધરપકડ કરી તપાસને વેગ આપ્યો છે. બીજી તરફ ST વિભાગ દ્વારા પણ અકસ્માતમાં ચાલકની બેદરકારી હોવાની વાત કરી, જો ચાલકની જવાબદારી નક્કી થશે તો ખાતાકીય કાર્યવાહી કરવામાં આવશે અને મૃતક યુવાનના પરિવારને કોર્ટના હુકમ વળતરની કાર્યવાહી કરાશે.
29 ઓગસ્ટે નવસારી LCB પોલીસે ત્રણ લૂટારૂઓને સુરતથી પકડ્યા હતા
નવસારી : નવસારી પોલીસે થોડા દિવસ અગાઉ રાજ્યવ્યાપી લૂટ અને લૂટ વીથ મર્ડરના ગુનામાં પકડેલા લૂટારૂઓમાંથી એકે ગત રોજ પોલીસ રિમાન્ડ દરમિયાન નવસારી ગ્રામ્ય પોલીસ મથકમાં લઘુશંકાના બહાને બાથરૂમમાં જઈ ફિનાઈલ પી લેતા નવસારી સિવિલ હોસ્પિટલમાં સારવાર અર્થે ખસેડ્યો હતો. જેની તબિયત હાલ સ્થિર હોવાની માહિતી મળી હતી.
લૂટારને નવસારી સિવિલ હોસ્પિટલના જેલ વોર્ડમાં સારવાર હેઠળ રખાયો
મળતી માહિતી અનુસાર, નવસારી LCB પોલીસે ગત 29 ઓગસ્ટના રોજ સુરતના કામરેજથી ત્રણ લૂટારૂઓને પકડ્યા હતા. આરોપી લૂટારૂ ટોળકી ગુજરાતના વિવિધ શહેરોમાં લોકોને કારમાં લિફ્ટ આપી અથવા અન્ય પ્રકારે અપહરણ કરી, તેની સાથે મારપીટ કરીને લૂટી લેતી હતી. આરોપીઓએ નવસારીના જલાલપોરના કુચેદ ગામ પાસે પણ એક વૃદ્ધની મોપેડને ટક્કર મારી, તેમને દવાખાને લઈ જવાના બહાને પોતાની કારમાં અપહરણ કરી, 1.67 લાખ રૂપિયાની લૂટ લચાવી, વૃદ્ધને અવાવરૂ જગ્યાએ ઉતારીને નાસી છૂટ્યા હતા. આરોપીઓ સામે લૂટ વીથ મર્ડરનો ગુનો પણ નોંધાયો હતો. ત્યારે રીઢા લૂટારૂ કલ્પેશ ઉર્ફે કાળીયો મકવાણા, સુનિલ ઉર્ફે મંગા ઓગણીયા અને મહેશ સોલંકીની ધરપકડ કરી, રિમાન્ડ મેળવી વધુ તપાસ નવસારી ગ્રામ્ય પોલીસને સોંપી હતી. દરમિયાન ગત રોજ આરોપી લૂટારૂ મહેશ સોલંકી નવસારી ગ્રામ્ય પોલીસ મથકમાં લઘુશંકાના બહાને બાથરૂમમાં ગયો હતો. જ્યાં બાથરૂમમાં મુકેલ ફિનાઇલની બાટલી ઉંચકી તેમાંથી ફિનાઈલ ગટગટાવી લીધુ હતુ. ઘટનાની જાણ થતા જ ગ્રામ્ય પોલીસ દોડતી થઈ હતી અને આરોપી મહેશને તત્કાલિક નવસારી સિવિલ હોસ્પિટલમાં સારવાર અર્થે દાખલ કરવામાં આવ્યો હતો. જ્યાં ડોક્ટરે તેની સારવાર શરૂ કરતા હાલ તેની સ્થિતિ સ્થિર હોવાની માહિતી મળી છે. જોકે ઘટનાને લઈ પોલીસ બેડામાં ચકચાર મચી જવા પામી છે.
અકસ્માત સર્જ્યા બાદ ડમ્પર ચાલક ઘટના સ્થળેથી થયો ફરાર
નવસારી : નવસારી સુરત માર્ગ ઉપર આજે મળસ્કે મરોલી ચાર રાતા નજીક એક ટ્રક ચાલકે બાઈકને અડફેટે લેતા બાઈક સવાર બે યુવાનોના ઘટના સ્થળે જ કમકમાટીભર્યા મોત નીપજ્યા હતા. અકસ્માત સર્જ્યા બાદ ટ્રક ચાલક ઘટના સ્થળેથી ફરાર થતા પોલીસે તેનું પગેરૂ શોધવા તપાસ આરંભી છે.
ટ્રક અડફેટે મોતને ભેટનારા બંને યુવાનો નવસારીના જલાલપોર વિસ્તારના
મળતી માહિતી અનુસાર, નવસારીના જલાલપોર લીમડા ચોક વિસ્તારમાં રહેતો 31 વર્ષીય પ્રદીપ દેડાણીયા અને તેનો મિત્ર શહેરના બંદર રોડ વિસ્તારમાં રહેતો 27 વર્ષીય જુબેર શેખ આજે વહેલી સવારે બાઈક ઉપર સુરતના સચિન સ્થિત SMT કંપનીમાં નોકરીએ જઈ રહ્યા હતા. દરમિયાન નવસારી સુરત માર્ગ ઉપર મરોલી ચાર રસ્તાની થોડે દૂર એક ટ્રકે જુબેરની બાઈકને અડફેટે લેતા બાઈક ફસડાઈ પડી હતી અને બંને રસ્તા પર પટકાયા હતા. જેમાં જુબેરને માથામાં ગંભીર ઈજા થતા તેનું ઘટના સ્થળે જ મોત નિપજ્યું હતું. જ્યારે પ્રદીપના શરીર પરથી ટ્રકનું પાછલું ટાયર ફરી વળતા તેનું પણ ઘટના સ્થળે જ કમકમાટીભર્યુ મોત નિપજ્યું હતું. અકસ્માત સર્જ્યા બાદ ટ્રક ચાલક ઘટના સ્થળેથી ફરાર થઈ ગયો હતો. જ્યારે રાહદારીઓ અને સ્થાનિકોએ મરોલી પોલીસને જાણ કરતા પોલીસે ઘટના સ્થળે પહોંચી બંને યુવાનોના મૃતદેહને પોસ્ટ મોર્ટમ અર્થે મરોલી CHC ખાતે ખસેડ્યા હતા. જ્યારે સમગ્ર મુદ્દે અકસ્માત મોતનો ગુનો નોંધી, ફરાર થયેલા ટ્રક ચાલકને શોધવાની કવાયત હાથ ધરી હતી. જેમાં પોલીસે મરોલી ચાર રસ્તા સહિત અન્ય સ્થળોના CCTV ફૂટેજ મેળવી અકસ્માત સર્જનાર ટ્રેકને ઓળખી તો કાઢી, તેને શોધવાના ચક્રો ગતિમાન કર્યા છે.
નવસારીમાં કમોસમી વરસાદ, ખેડૂતોની ચિંતામાં વધારો
‘ખજૂરભાઈ’ નીતિન જાની 2027માં ચૂંટણી લડશે!
નવસારીમાં મોડી રાત્રે ગેંગવોર : રેમ્બો ચપ્પુના ઘા ઝીંકાતા ૩ ગંભીર રીતે ઘાયલ
-
ગુજરાત1 year agoધોડિયા સમાજના તેજસ્વી તારલાઓનો સન્માન સમરોહ યોજાયો
-
ગુજરાત7 months agoઅમદાવાદમાં બુલેટ ટ્રેનની કામગીરી દરમિયાન વિશાળ ક્રેન સરકી જતા પડી, 2 ઘાયલ
-
અવર્ગીકૃત1 year agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
દક્ષિણ-ગુજરાત2 years ago
વિજલપોરમાં 7 તળાવો, બેમાં પાણી, પણ 5 તળાવો ખાલીખમ
-
ગુજરાત2 years agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
ગુજરાત1 month agoવર્ષ 2010 પૂર્વે નિયુક્તિ પામેલા શિક્ષકોને TET માંથી મુકિતની માંગ
-
અપરાધ1 year agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
ગુજરાત9 months agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન