કૃષિ
નવસારીમાં ” એક પેડ માં કે નામ ” અભિયાન હેઠળ નાણામંત્રીએ કર્યુ વૃક્ષારોપણ
સામાજિક વનીકરણ વિભાગ દ્વારા 20 લાખ વૃક્ષોના ઉછેરનો લક્ષ્યાંક
નવસારી : ગ્લોબલ વોર્મિંગથી પર્યાવરણને બચાવવા વૃક્ષો જરૂરી છે. ત્યારે ગત 5 જૂન, 2024 ને વિશ્વ પર્યાવરણ દિવસે વડાપ્રધાન નરેન્દ્ર મોદીએ ” એક પેડ માં કે નામ ” અભિયાનની શરૂઆત કરી છે. જે અંતર્ગત આજે નવસારી જિલ્લા કલેકટરાલય ખાતે નાણામંત્રી અને નવસારીના પ્રભારી મંત્રી કનુ દેસાઈના હસ્તે વૃક્ષારોપણ કરવામાં આવ્યું હતુ. નવસારી જિલ્લા સામાજિક વનીકરણ વિભાગ દ્વારા સમગ્ર જિલ્લામાં 20 લાખ વૃક્ષોના ઉછેરનો લક્ષ્યાંક રાખવામાં આવ્યો છે.
નવસારીમાં વધુમાં વધુ વૃક્ષોના વાવેતર સાથે જતન કરવા નાણામંત્રીની અપીલ
પ્રધાનમંત્રી નરેન્દ્ર મોદી દ્વારા ગત 5 જૂન, 2024 ને વિશ્વ પર્યાવરણ દિવસે લોકો વૃક્ષ ઉછેર સાથે ભાવનાત્મક રીતે જોડાય અને વધુમાં વધુ વૃક્ષારોપણ થાય એ હેતુથી ” એક પેડ માં કે નામ ” અભિયાનની સમગ્ર દેશમાં શરૂઆત કરાવી હતી. જે અંતર્ગત આજે રાજ્યના નાણામંત્રી અને નવસારી જિલ્લાના પ્રભારી મંત્રી કનુ દેસાઈના હસ્તે નવસારી જિલ્લા કલેકટર કચેરીના પ્રાંગણમાં વૃક્ષારોપણ કરાયું હતુ. સાથે નાણામંત્રીએ નવસારીવાસીઓ વડાપ્રધાનના ” એક પેડ માં કે નામ ” અભિયાનને વેગવંતુ બનાવી, જિલ્લામાં વધુમાં વધુ વૃક્ષોના વાવેતર સાથે તેનું જતન કરતા થાય એવી આશા વ્યક્ત કરી હતી.
સામાજિક વનીકરણની ચાર રેન્જમાં 4.50 લાખ રોપાનું કરાયું વાવેતર
નવસારી જિલ્લા સામાજિક વનીકરણ વિભાગ દ્વારા સમગ્ર જિલ્લામાં 20 લાખથી વધુ વૃક્ષોના વાવેતર સાથે તેનો ઉછેર કરવાનો લક્ષ્યાંક રાખવામાં આવ્યો છે. જે અંતર્ગત વન વિભાગ દ્વારા જિલ્લાની 4 રેન્જમાં 4.50 લાખ રોપાનું વાવેતર થઈ ચૂક્યું છે. જ્યારે સમગ્ર જિલ્લામાં અત્યાર સુધીમાં 12.92 લાખ રોપાનું વિતરણ પણ કરાયું છે. જ્યારે બાકી રહેલા લક્ષ્યાંકને પૂર્ણ કરવા માટે વન વિભાગ પ્રયાસો કરી રહ્યું છે, ત્યારે અભિયાનમાં જોડાવા માટે વન વિભાગના QR કોડને સ્કેન કરી કોઈપણ વ્યક્તિ નિશુલ્ક રોપા મેળવી શકે છે.
નાણામંત્રી સાથે નવસારીના મહાનુભાવો પણ વૃક્ષારોપણમાં જોડાયા
નવસારી જિલ્લા કલેકટર કચેરીના પ્રાંગણમાં યોજાયેલા વૃક્ષારોપણ કાર્યક્રમમાં નાણામંત્રી સાથે ગણદેવીના ધારાસભ્ય અને પૂર્વ કેબિનેટ મંત્રી નરેશ પટેલ, નવસારીના ધારાસભ્ય રાકેશ દેસાઈ, જિલ્લા પંચાયત પ્રમુખ પરેશ દેસાઈ, સામાજિક વનીકરણ વિભાગના નાયબ વન સંરક્ષક ભાવના દેસાઈ, કલેકટર ક્ષિપ્રા અગ્રે, DDO પુષ્પલતા, સુપા રેન્જના RFO હિના પટેલ સહિત અધિકારીઓ અને પદાધિકારીઓ પણ જોડાયા હતા.
દીપડાએ કરેલ શ્વાનનો શિકાર CCTV કેમેરામાં થયો કેદ
નવસારી : નવસારી જિલ્લામાં દીપડાઓની સંખ્યા વધી છે અને દીપડાઓ ગ્રામ્ય વિસ્તારમાં પાલતુ પ્રાણીઓને પોતાનો શિકાર બનાવતા હોય છે. ત્યારે ચીખલી તાલુકાના કુકેરી ગામે કૉર્પોરેટ ઓફિસના ઓટલે સુતેલા શ્વાનને ધીમે પગલે આવેલા દીપડાએ પોતાનો શિકાર બનાવ્યો હતો. દીપડાએ કરેલ શ્વાનનો શિકાર CCTV કેમેરામાં કેદ થવા સાથે વાયરલ થતા ગ્રામજનોમાં ભયનો માહોલ સર્જાયો હતો.
ચીખલી વન વિભાગે દીપડાને પાંજરે પુરવાની કાર્યવાહી હાથ ધરી
નવસારી જિલ્લાના પૂર્વ તરફના ગામડાઓ અને તાલુકાઓમાં દીપડાઓની સંખ્યા વધી છે અને દીપડાઓ રહેણાંક વિસ્તારોમાં રાત્રિના સમયે આવીને પાલતુ પ્રાણીઓને પોતાનો શિકાર બનાવી જતા રહે છે. ત્યારે ચીખલી તાલુકાના કુકેરી ગામે સરકારી શાળાની પાછળ આવેલ કોર્પોરેટ ઓફિસના ઓટલે શ્વાન સૂતો હતો. દરમિયાન રાતે 12 વાગ્યા આસપાસ એક કદ્દાવર દીપડો ધીમે પગલે શ્વાનની નજીક આવ્યો અને તેને ગળામાંથી દબોચી પોતાનો શિકાર બનાવીને લઈ ગયો હતો. થોડી જ સેકંડોમાં દીપડાએ કરેલ શ્વાનનો શિકાર CCTV કેમેરામાં કેદ થયા હતા. જે CCTV ફૂટેજ ગામમાં વાયરલ થતા ગ્રામજનોમાં ભયનો માહોલ બન્યો હતો. ઘટનાની જાણ ચીખલી વન વિભાગને કરવામાં આવતા, વન વિભાગ દ્વારા મારણ સાથે પાંજરૂ ગોઠવવાની તજવીજ હાથ ધરી છે. ઉલ્લેખનિય છે કે, કુકેરી તેમજ આસપાસના ગામડાઓમાં અગાઉ પણ દિપડા આંટાફેરા મારતા જોવા મળ્યા છે અને પાલતુ પ્રાણીઓના શિકાર પણ થયા છે. જોકે હવે ગ્રામીણોએ દિપડા સાથે રહેવાનું શીખવા પડશે.
જલાલપોર મામલતદારે નેશનલ ગ્રીન ટ્રીબ્યુનલનાં આદેશનો કરાવ્યો અમલ
નવસારી : નવસારી જિલ્લાના કાંઠા વિસ્તારમાં ગેરકાયદેસર રીતે ખાંજણ જમીનમાં બનેલા ઝીંગાના તળાવો ઉપર નેશનલ ગ્રીન ટ્રીબ્યુનલના આદેશાનુસાર જલાલપોર મામલતદારે લાલ આંખ કરી છે. જલાલપોરના કરાડી ગામે પૂર્ણા નદીના કિનારે 4 હેક્ટર જમીનમાં બનેલા 5 ઝીંગા તળાવોને પોલીસ પ્રોટેક્શન સાથે મામલતદારે દૂર કરાવ્યા હતા.
15 JCB મશીનોની મદદથી 5 ઝીંગા તળાવોને તોડી દૂર કરાયા
નવસારી જિલ્લાને 52 કિમી લાંબો દરિયા કિનારો છે. જેની નજીક કાંઠાનાં ગામડાઓની ખાંજણ જમીનમાં મત્સ્યાધ્યોગને પ્રોત્સાહન આપવા ઝીંગાના તળાવો વિકસાવાયા છે. પરંતુ ઘણી જગ્યાએ નિયમોને નેવે મુકીને આડેધડ બનાવી દેવાયેલા ઝીંગાના તળાવો ભરતીનાં પાણી, કે ચોમાસામાં દરિયાને મળતા પાણીને અવરોધે છે અને તેના કારણે કાંઠાના ગામડાઓને મુશ્કેલી વેઠવાનો વારો આવે છે. જલાલપોર તાલુકાના કરાડી ગામે પૂર્ણા નદીના કિનારે CRZ ના નિયમોનું ઉલ્લંઘન કરીને 4 હેક્ટર જમીનમાં બનાવેલા 5 ઝીંગા તળાવો દૂર કરવા નેશનલ ગ્રીન ટ્રીબ્યુનલનાં આદેશની જલાલપોર મામલતદારે અમલવારી કરી, ગેરકાયદે બનેલા પાંચેય ઝીંગા તળાવોને દૂર કરાવ્યા હતા. જલાલપોર મામલતદાર મૃણાલદાન ગઢવી આજે પોલીસ પ્રોટેક્શન સાથે 15 JCB મશીનો લઇ કરાડી પહોંચ્યા હતા. જ્યાં તેમણે NGT ના આદેશાનુસાર પૂર્ણા નદી કિનારે ગેરકાયદેસર રીતે નિયમોને નેવે મુકીને બનાવેલા પાંચેય ઝીંગા તળાવોને JCB મશીનની મદદથી તોડીને દૂર કર્યા હતા. આગામી દિવસોમાં પણ જલાલપોર તાલુકાના કાંઠાના ગામોમાં ગેરકાયદેસર રીતે બનેલા ઝીંગા તળાવોને પણ દૂર કરવાની કાર્યવાહી કરવાની તૈયારી પણ તેમણે દર્શાવી હતી.
નવસારી જિલ્લામાં સાર્વત્રિક વરસાદ, 5 તાલુકાઓમાં અડધો ઇંચથી વધુ વરસાદ નોંધાયો
દેવધા સ્થિત દેવસરોવર ડેમના 20 દરવાજા ખોલાયા, 20 બાકી
નવસારીમાં 45 ગ્રામ પંચાયતોમાં સામાન્ય અને 14 ગ્રામ પંચાયતોમાં પેટા ચુંટણી
-
ગુજરાત10 months agoધોડિયા સમાજના તેજસ્વી તારલાઓનો સન્માન સમરોહ યોજાયો
-
ગુજરાત4 months agoઅમદાવાદમાં બુલેટ ટ્રેનની કામગીરી દરમિયાન વિશાળ ક્રેન સરકી જતા પડી, 2 ઘાયલ
-
અવર્ગીકૃત10 months agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
ગુજરાત1 year agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
અપરાધ11 months agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
ગુજરાત6 months agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન
-
અપરાધ10 months agoહાઈવે પર પરથાણ પાટિયા પાસેથી 7.76 લાખના વિદેશી દારૂ ભરેલા ટ્રક સાથે ચાલક પકડાયો
-
અપરાધ6 years ago?????????????????????????????? ????????????????????? 7 ?????????????????? ?????????