Connect with us

અપરાધ

નેશનલ હાઇવે પરથી 15.72 લાખનો વિદેશી દારૂ ભરેલા ટેમ્પો સાથે એક ઝડપાયો

Published

on

વિદેશી દારૂ ભરેલી ટેમ્પો આપનારને પોલીસે વોન્ટેડ જાહેર કર્યો

નવસારી : નેશનલ હાઇવે નં. 48 પર બોરિયાચ ટોલનાકા પાસેથી નવસારી LCB પોલીસે બાતમીને આધારે વેસ્ટેજ પેપર રોલની આડમાં 15.72 લાખ રૂપિયાનો વિદેશી દારૂ ભરેલા ટેમ્પો સાથે ચાલકની ધરપકડ કરી નવસારી ગ્રામ્ય પોલીસને સોંપ્યો હતો. જ્યારે વિદેશી દારૂ ભરેલો ટેમ્પો આપી જનારને પોલીસે વોન્ટેડ જાહેર કર્યો છે.

વિદેશી દારૂના બોક્ષ ઉપર વેસ્ટેજ પેપર રોલ મુક્યા હતા

મળતી માહિતી અનુસાર, નવસારી LCB પોલીસની ટીમ ગત રોજ પેટ્રોલીંગમાં હતી. ત્યારે PC તાહિરઅલી સહાબુદ્દીન અને PC અનિલ રમેશને સંયુક્ત રીતે બાતમી મળી હતી કે, વલસાડ તરફથી વિદેશી દારૂ ભરેલ એક ટેમ્પો નેશનલ હાઇવે નં. 48 પરથી સુરત તરફ જનાર છે. જેને આધારે પોલીસે નવસારીના બોરિયાચ ટોલનાકા નજીક ફિલ્ડિંગ ગોઠવી હતી. દરમિયાન બાતમી વાળો ટેમ્પો આવતા પોલીસે તેને અટકાવી તપાસ કરતા વેસ્ટેજ પેપર રોલ ભરેલ પ્લાસ્ટિકની કોથળીઓ જણાઈ હતી. જોકે પોલીસે વ્યવસ્થિત તપાસ કરી, તો પેપર રોલ નીચે 360 પુઠાના બોક્ષ મળ્યા હતા, જેમાંથી 15.72 લાખ રૂપિયાની વ્હિસ્કી અને બિયરની 7080 બોટલો મળી આવી હતી. જેથી પોલીસે ટેમ્પો ચાલાક અને મહારાષ્ટ્રના કલ્યાણ ઇસ્ટમાં વિદ્યવાહિની ચાલમાં રહેતા 41 વર્ષીય રામકિસન પ્યારેલાલ ચૌહાણની ધરપકડ કરી હતી. પોલીસે આરોપી રામકિસનની કડકાઇથી પૂછપરછ કરતા વિદેશી દારૂ ભરેલો ટેમ્પો શૈલેષ ઉર્ફે શૈયલો આપી ગયો હતો. જેથી પોલીસે શૈલેષને વોન્ટેડ જાહેર કર્યો હતો. જ્યારે ઘટના સ્થળેથી વિદેશી દારૂનો જથ્થો, 7 લાખ રૂપિયાનો ટેમ્પો, 40 નંગ વેસ્ટેજ પેપર રોલ, 4 હજાર રૂપિયા રોકડા અને એક મોબાઈલ તેમજ દસ્તાવેજો મળી કુલ 22.76 લાખનો મુદ્દામાલ કબજે કરી નવસારી ગ્રામ્ય પોલીસ મથકે પ્રોહી એક્ટ હેઠળ ગુનો નોંધાવ્યો હતો. સમગ્ર મુદ્દે નવસારી ગ્રામ્ય પોલીસે આગળની તપાસ હાથ ધરી છે.

 

અપરાધ

વાંસદાના ચાપલધરા ગામેથી હાઈબ્રિડ ગાંજા અને ઝોમ્બી ઈ સિગારેટ સાથે બે ઝડપાયા

Published

on

By

ઝોમ્બી ઈ સિગારેટ પકડવાનો ગુજરાતનો પ્રથમ કિસ્સો

નવસારી : નવસારીના ચાપલધરા ગામે હાઈબ્રિડ ગાંજો અને ઝોમ્બી ઈ સિગારેટનું વેચાણ થતુ હોવાની બાતમીને આધારે સ્ટેટ મોનીટરીંગ સેલ પોલીસની ટીમે ગત રોજ છાપો મારી બેની ધરપકડ કરી હતી. પોલીસે ઘટના સ્થળેથી 28.15 લાખનો મુદ્દામાલ કબ્જે કર્યો હતો.

SMC પોલીસે વાપીના આતિફને વોન્ટેડ જાહેર કર્યો

મળતી માહિતી અનુસાર, સ્ટેટ મોનીટરીંગ સેલ પોલીસની ટીમને ચોક્કસ બાતમી મળી હતી કે, નવસારી જિલ્લાના વાંસદા તાલુકાના ચાપલધરા ગામે રહેતો મિલન ધનગર હાઈબ્રિડ ગાંજાનું વેચાણ કરે છે. જેને આધારે ગત રોજ SMC ના PI સી. એચ. પનારા અને તેમની ટીમે ચાપલધરા ગામના વચલા ફળિયા, અંબા માતાજી મંદિર પાછળ રહેતા મિલન ધનગરના ઘરે છાપો માર્યો હતો. છાપા દરમિયાન પોલીસને મિલન પાસેથી 8 લાખ રૂપિયાનો 80 ગ્રામ હાઈબ્રિડ ગાંજો જથ્થો મળી આવ્યો હતો. જેની સાથે જ ગાંજાના સક્રિય ઘટકની હાજરીવાળી (THC) 20 લાખ રૂપિયાની 20 ઈ સિગારેટ પણ મળી આવી હતી. પોલીસે ઘટના સ્થળેથી મિલન સાથે તેના સાથીદાર તન્મયકુમાર પટેલની ધરપકડ કરી હતી. આરોપી મિલનની પૂછપરછમાં હાઈબ્રિડ ગાંજો તેને વાપીના આતિફે પહોંચાડી હતી. જેથી પોલીસે આતિફને વોન્ટેડ જાહેર કર્યો હતો. જ્યારે ઝોમ્બી ઈ સિગારેટ ડાર્ક વેબથી મંગાવી હતી. પોલીસે ઘટના સ્થળેથી હાઈબ્રિડ ગાંજો, ઈ સિગારેટ અને મોબાઈલ ફોન મળી કુલ 28.15 લાખ રૂપિયાનો મુદ્દામાલ કબ્જે કર્યો હતો. સાથે જ સમગ્ર મુદ્દે SMC પોલીસ મથકે ધી નાર્કોટિક્સ ડ્રગ્સ એન્ડ સાયકોટ્રોપિક સબસ્ટેન્સ એક્ટ (NDPS) અને ધી પ્રોહીબિશન એક્ટ ઇલેક્ટ્રોનિક સિગારેટ એક્ટ હેઠળ ગુનો નોંધી આગળની તપાસ આરંભી છે. ઉલ્લેખનિય છે કે, ગાંજાના સક્રિય ઘટક ધરાવતી ઝોમ્બી ઈ સિગારેટ પકડાયાનો આ ગુજરાતનો પ્રથમ ગુનો છે.

Continue Reading

અપરાધ

2.63 લાખના દારૂના જથ્થા ભરેલ ટેમ્પો સાથે ચાલકની ધરપકડ

Published

on

By

પોલીસે 7.65 લાખનો મુદ્દામાલ કબ્જે કર્યો

નવસારી : નેશનલ હાઈવે નં. 48 પર નવસારી જિલ્લાના પરથાણ ગામ પાસેથી નવસારી LCB પોલીસે બાતમીને આધારે 2.63 લાખ રૂપિયાનો વિદેશી દારૂ ભરેલ ટેમ્પો સાથે ચાલકની ધરપકડ કરી હતી. પોલીસે ઘટના સ્થળેથી 7.65 લાખનો મુદ્દામાલ કબ્જે કર્યો હતો.

પોલીસે દારૂ ભરાવનાર અને મંગાવનાર એકને વોન્ટેડ જાહેર કર્યો

મળતી માહિતી અનુસાર, નવસારી LCB પોલીસની ટીમ નેશનલ હાઈવે નં. 48 ઉપર પેટ્રોલીંગમાં હતી. દરમિયાન HC નયનકુમાર હનુભા અને HC દિગ્વિજયસિંહ રવજીભાઈને ખાનગી રાહે બાતમી મળી હતી કે, વલસાડ તરફથી એક ટેમ્પોમાં વિદેશી દારૂનો જથ્થો સુરત તરફ જઈ રહ્યો છે. જેને આધારે પોલીસે નવસારીના પરથાણ ગામ નજીક ઓવરબ્રિજ ચઢતા પહેલા ફિલ્ડિંગ ગોઠવી હતી. દરમિયાન બાતમીવાળો ટેમ્પો આવતા પોલીસે તેને અટકાવી તપાસ કરતા ટેમ્પોમાં 2.63 લાખનો વિદેશી દારૂનો જથ્થો મળી આવતા પોલીસે ટેમ્પો ચાલક અને મહારાષ્ટ્રના થાણે જિલ્લાના વસઈ સાથે સ્થિત ફણસપાડાના સાંઈ શ્રધ્ધા એપાર્ટમેન્ટમાં રહેતા 19 વર્ષીય જયેશ ઉર્ફે જયલો સુમેસરાની ધરપકડ કરી હતી. જ્યારે ઘટના સ્થળેથી વિદેશી દારૂ સાથે 5 લાખ રૂપિયાનો ટેમ્પો અને મોબાઈલ ફોન મળી કુલ 7.65 લાખનો મુદ્દામાલ કબ્જે કર્યો હતો. આરોપી જયલાની પૂછપરછમાં વિદેશી દારૂનો જથ્થો અશોક શાહે ભરાવ્યો હતો અને અશોકે જ મંગાવ્યો હતો, જેથી પોલીસે અશોક શાહને વોન્ટેડ જાહેર કરી નવસારી ગ્રામ્ય પોલીસ મથકે પ્રોહીબિશન એક્ટ હેઠળ ગુનો નોંધી આગળની તપાસ હાથ ધરી છે.

 

Continue Reading

અપરાધ

ચીખલીના ચાસમાં 15 હજારની લૂટ કરી ભાગેલા મેડા ગેંગના બે સાગરીત ઝડપાયા

Published

on

By

18 વર્ષોથી બંને લૂટારૂ નાસતા ફરતા હતા, LCB પોલીસે ભરૂચથી દબોચ્યા

નવસારી : નવસારીના ચીખલી તાલુકાના ચાસા ગામે 18 વર્ષો અગાઉ 15 હજારની લૂટ ચલાવી ભાગી છૂટેલા મધ્યપ્રદેશની કુખ્યાત મેડા ગેંગના બે સાગરીતોને નવસારી LCB પોલીસે ભરૂચ ખાતેથી દબોચી ધરપકડ કરી હતી. જેની સાથે જ ભરૂચ ગ્રામ્ય પોલીસ મથકનો ગુનો પણ ઉકેલવામાં પોલીસને સફળતા મળી છે.

18 વર્ષોથી પોલીસને હંફાવતા બંને લૂટારૂઓ ચીખલી પોલીસને સોંપ્યા

મળતી માહિતી અનુસાર, નવસારી લોકલ ક્રાઈમ બ્રાન્ચની પેરોલ ફર્લો સ્ક્વોડની ટીમ નાસતા ફરતા આરોપીઓને પકડવાના પ્રયાસમાં હતી. દરમિયાન PI ડી. એમ. રાઠોડ અને તેમની ટીમના ASI સુનિલસિંહ દેવીસિંહ, PC સંદીપ પીઠા અને PC અર્જુન પ્રભાકરને ટેકનિકલ સર્વેલન્સ અને હ્યુમન ઇન્ટેલિજન્સની મદદથી 18 વર્ષોથી ચીખલીની ક્વોરી લૂટના આરોપી અને મધ્યપ્રદેશના જાંબુઆ જિલ્લાની કુખ્યાત મેડા ગેંગના સાગરિત દિનુ મેડા અને બદીયા નિનામા ભરૂચ જિલ્લાના હાઈવે નજીકના વિસ્તારમાં મજૂરી કરે છે. જેને આધારે નવસારી LCB પોલીસે તાત્કાલિક ભરૂચ LCB ની મદદથી આરોપી લૂટારૂ દીનુ મેડા અને બદીયા નિનામાને દબોચી લીધા હતા. બાદમાં બંને આરોપીઓને નવસારી લાવી, તેમની પૂછપરછ કરતા 18 વર્ષ અગાઉ ગત 31 માર્ચ, 2007 ની રાતે ચીખલી તાલુકાના ચાસા ગામે આવેલી શિવ શક્તિ સ્ટોન ક્વોરીમાંથી 15 હજાર રૂપિયાની લૂટ ચલાવી ફરાર થયા હતા. એજ અરસામાં બંનેએ પોતાની ટોળકી સાથે મળી ભરૂચના અંકલેશ્વર પાસે પણ લૂટ ચલાવી હતી. જેથી પોલીસે બંને લૂટારૂ દીનુ મેડા અને બદીયા નિનામાની ધરપકડ કરી આગળની તપાસ અર્થે ચીખલી પોલીસને સોંપ્યા છે.

Continue Reading
Advertisement

Trending