અપરાધ
હાઈવે પર વેસ્મા નજીકથી 2.82 લાખનો વિદેશી દારૂ ભરેલા ટ્રક સાથે ચાલક પકડાયો
મહારાષ્ટ્રના નાલાસોપારાથી વિદેશી દારૂ ભરેલો ટ્રક સુરત પહોંચાડવાનો હતો
નવસારી : નેશનલ હાઈવે નં. 48 પર વેસ્મા ગામ નજીકથી નવસારી LCB પોલીસે બાતમીને આધારે 2.82 લાખ રૂપિયાનો વિદેશી દારૂ ભરેલા ટ્રક સાથે ચાલકની ધરપકડ કરી હતી. મુંબઈના નાલાસોપારાથી વિદેશી દારૂ ભર્યો હતો, જેને સુરતના કામરેજ ખાતે બુટલેગરને આપવાનો હતો. પોલીસે બે બુટલેગરોને વોન્ટેડ જાહેર કરી, તપાસ શરૂ કરી છે.
પોલીસે ઘટના સ્થળેથી કુલ 9.82 લાખનો મુદ્દામાલ કર્યો કબ્જે
મળતી માહિતી અનુસાર, નવસારી લોકલ ક્રાઈમ બ્રાંચ પોલીસની ટીમ ગત રાતે પેટ્રોલિંગમાં હતી. દરમિયાન ASI સુનીલસિંહ દેવીસિંહ અને HC મિલન મનસુખને ખાનગી રાહે બાતમી મળી હતી કે, એક ટ્રકમાં વિદેશી દારૂનો જથ્થો સુરત તરફ જઈ રહ્યો છે. ત્યારે પોલીસે નેશનલ હાઈવે નં. 48 પર જલાલપોર તાલુકાના વેસ્મા ગામના ઓવર બ્રીજ આગળના કટ પાસે ફિલ્ડીંગ ગોઠવી હતી. બાતમી વાળો ટ્રક આવતા જ પોલીસે તેને અટકાવી તપાસ કરતા ટ્રકમાંથી 2.82 લાખ રૂપિયાની વ્હીસ્કી – બીયરની કુલ 1212 બોટલો મળી આવી હતી. જેથી પોલીસે ટ્રક ચાલક અને પાટણ જિલ્લાના સમી તાલુકાના સમી, મોદીવાસમાં રહેતા 32 વર્ષીય અક્રમ ઇકબાલ શેખની ધરપકડ કરી હતી. જયારે અક્રમને મુંબઈના નાલાસોપારાના બુટલેગર પ્રકાશ (મરાઠી) એ વિદેશી દારૂનો જથ્થો ભરાવી આપ્યો હતો. જેને સુરતના કામરેજ નજીક બુટલેગર મનોજને આપવાનો હતો. પોલીસે ઘટના સ્થળેથી વિદેશી દારૂ સાથે જ 7 લાખ રૂપિયાનો ટ્રક અને 500 રૂપિયા રોકડા મળી કુલ 9.82 લાખ રૂપિયાનો મુદ્દામાલ કબજે કરી બંને બુટલેગરોને વોન્ટેડ જાહેર કર્યા હતા. જયારે નવસારી ગ્રામ્ય પોલીસ મથકે પ્રોહીબીશન એક્ટ હેઠળ ગુનો નોંધાવી આગળની તપાસ આરંભી છે.
ઝોમ્બી ઈ સિગારેટ પકડવાનો ગુજરાતનો પ્રથમ કિસ્સો
નવસારી : નવસારીના ચાપલધરા ગામે હાઈબ્રિડ ગાંજો અને ઝોમ્બી ઈ સિગારેટનું વેચાણ થતુ હોવાની બાતમીને આધારે સ્ટેટ મોનીટરીંગ સેલ પોલીસની ટીમે ગત રોજ છાપો મારી બેની ધરપકડ કરી હતી. પોલીસે ઘટના સ્થળેથી 28.15 લાખનો મુદ્દામાલ કબ્જે કર્યો હતો.
SMC પોલીસે વાપીના આતિફને વોન્ટેડ જાહેર કર્યો
મળતી માહિતી અનુસાર, સ્ટેટ મોનીટરીંગ સેલ પોલીસની ટીમને ચોક્કસ બાતમી મળી હતી કે, નવસારી જિલ્લાના વાંસદા તાલુકાના ચાપલધરા ગામે રહેતો મિલન ધનગર હાઈબ્રિડ ગાંજાનું વેચાણ કરે છે. જેને આધારે ગત રોજ SMC ના PI સી. એચ. પનારા અને તેમની ટીમે ચાપલધરા ગામના વચલા ફળિયા, અંબા માતાજી મંદિર પાછળ રહેતા મિલન ધનગરના ઘરે છાપો માર્યો હતો. છાપા દરમિયાન પોલીસને મિલન પાસેથી 8 લાખ રૂપિયાનો 80 ગ્રામ હાઈબ્રિડ ગાંજો જથ્થો મળી આવ્યો હતો. જેની સાથે જ ગાંજાના સક્રિય ઘટકની હાજરીવાળી (THC) 20 લાખ રૂપિયાની 20 ઈ સિગારેટ પણ મળી આવી હતી. પોલીસે ઘટના સ્થળેથી મિલન સાથે તેના સાથીદાર તન્મયકુમાર પટેલની ધરપકડ કરી હતી. આરોપી મિલનની પૂછપરછમાં હાઈબ્રિડ ગાંજો તેને વાપીના આતિફે પહોંચાડી હતી. જેથી પોલીસે આતિફને વોન્ટેડ જાહેર કર્યો હતો. જ્યારે ઝોમ્બી ઈ સિગારેટ ડાર્ક વેબથી મંગાવી હતી. પોલીસે ઘટના સ્થળેથી હાઈબ્રિડ ગાંજો, ઈ સિગારેટ અને મોબાઈલ ફોન મળી કુલ 28.15 લાખ રૂપિયાનો મુદ્દામાલ કબ્જે કર્યો હતો. સાથે જ સમગ્ર મુદ્દે SMC પોલીસ મથકે ધી નાર્કોટિક્સ ડ્રગ્સ એન્ડ સાયકોટ્રોપિક સબસ્ટેન્સ એક્ટ (NDPS) અને ધી પ્રોહીબિશન એક્ટ ઇલેક્ટ્રોનિક સિગારેટ એક્ટ હેઠળ ગુનો નોંધી આગળની તપાસ આરંભી છે. ઉલ્લેખનિય છે કે, ગાંજાના સક્રિય ઘટક ધરાવતી ઝોમ્બી ઈ સિગારેટ પકડાયાનો આ ગુજરાતનો પ્રથમ ગુનો છે.
18 વર્ષોથી બંને લૂટારૂ નાસતા ફરતા હતા, LCB પોલીસે ભરૂચથી દબોચ્યા
નવસારી : નવસારીના ચીખલી તાલુકાના ચાસા ગામે 18 વર્ષો અગાઉ 15 હજારની લૂટ ચલાવી ભાગી છૂટેલા મધ્યપ્રદેશની કુખ્યાત મેડા ગેંગના બે સાગરીતોને નવસારી LCB પોલીસે ભરૂચ ખાતેથી દબોચી ધરપકડ કરી હતી. જેની સાથે જ ભરૂચ ગ્રામ્ય પોલીસ મથકનો ગુનો પણ ઉકેલવામાં પોલીસને સફળતા મળી છે.
18 વર્ષોથી પોલીસને હંફાવતા બંને લૂટારૂઓ ચીખલી પોલીસને સોંપ્યા
મળતી માહિતી અનુસાર, નવસારી લોકલ ક્રાઈમ બ્રાન્ચની પેરોલ ફર્લો સ્ક્વોડની ટીમ નાસતા ફરતા આરોપીઓને પકડવાના પ્રયાસમાં હતી. દરમિયાન PI ડી. એમ. રાઠોડ અને તેમની ટીમના ASI સુનિલસિંહ દેવીસિંહ, PC સંદીપ પીઠા અને PC અર્જુન પ્રભાકરને ટેકનિકલ સર્વેલન્સ અને હ્યુમન ઇન્ટેલિજન્સની મદદથી 18 વર્ષોથી ચીખલીની ક્વોરી લૂટના આરોપી અને મધ્યપ્રદેશના જાંબુઆ જિલ્લાની કુખ્યાત મેડા ગેંગના સાગરિત દિનુ મેડા અને બદીયા નિનામા ભરૂચ જિલ્લાના હાઈવે નજીકના વિસ્તારમાં મજૂરી કરે છે. જેને આધારે નવસારી LCB પોલીસે તાત્કાલિક ભરૂચ LCB ની મદદથી આરોપી લૂટારૂ દીનુ મેડા અને બદીયા નિનામાને દબોચી લીધા હતા. બાદમાં બંને આરોપીઓને નવસારી લાવી, તેમની પૂછપરછ કરતા 18 વર્ષ અગાઉ ગત 31 માર્ચ, 2007 ની રાતે ચીખલી તાલુકાના ચાસા ગામે આવેલી શિવ શક્તિ સ્ટોન ક્વોરીમાંથી 15 હજાર રૂપિયાની લૂટ ચલાવી ફરાર થયા હતા. એજ અરસામાં બંનેએ પોતાની ટોળકી સાથે મળી ભરૂચના અંકલેશ્વર પાસે પણ લૂટ ચલાવી હતી. જેથી પોલીસે બંને લૂટારૂ દીનુ મેડા અને બદીયા નિનામાની ધરપકડ કરી આગળની તપાસ અર્થે ચીખલી પોલીસને સોંપ્યા છે.
વાંસદાના ચાપલધરા ગામેથી હાઈબ્રિડ ગાંજા અને ઝોમ્બી ઈ સિગારેટ સાથે બે ઝડપાયા
નવસારીના આશાપુરી માતાજી મંદિર પાછળ ઉભેલી કારમાં લાગી આગ
ED સામેના કોંગ્રેસના વિરોધને ભાજપે વખોડી, સૂત્રોચ્ચાર સાથે નોંધાવ્યો વિરોધ
-
ગુજરાત7 months agoધોડિયા સમાજના તેજસ્વી તારલાઓનો સન્માન સમરોહ યોજાયો
-
અવર્ગીકૃત7 months agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
ગુજરાત1 year agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
અપરાધ8 months agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
અપરાધ7 months agoહાઈવે પર પરથાણ પાટિયા પાસેથી 7.76 લાખના વિદેશી દારૂ ભરેલા ટ્રક સાથે ચાલક પકડાયો
-
ગુજરાત3 months agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન
-
અપરાધ6 years ago?????????????????????????????? ????????????????????? 7 ?????????????????? ?????????
-
અપરાધ2 months agoનવસારી અને બીલીમોરામાં ગુનાખોરીને ડામવા જિલ્લા પોલીસનું કોમ્બિંગ