ગુજરાત
નવસારી જિલ્લા કલેકટર અમિત પ્રકાશ યાદવની ખેડા જિલ્લામાં બદલી
વલસાડના કલેકટર ક્ષિપ્રા અગ્રે બન્યા નવસારીના નવા કલેકટર
નવસારી : ગુજરાત સરકાર દ્વારા ગત મોડી રાતે રાજ્યાના 50 IAS અધિકારીઓની બદલીનો ગંજીપો ચીપવામાં આવ્યો હતો, જેમાં નવસારી જિલ્લાના કલેકટર અમિત પ્રકાશ યાદવની ખેડા કલેકટર તરીકે બદલી કરવામાં આવી હતી. જયારે વલસાડ કલેકટર ક્ષિપ્રા અગ્રેને નવસારીના નવા કલેકટર તરીકે નિયુક્તિ આપવામાં આવી છે.
ટેક્સટાઇલ પાર્કમાં જમીન સંપાદન અને સ્વચ્છતા અભિયાન રહી મુખ્ય કામગીરી
ભારતમાં લોકસભા ચુંટણીના પડઘમ વાગી રહ્યા છે, ત્યારે ગુજરાત સરકાર દ્વારા ચુંટણી પૂર્વે રાજ્યના 50 સનદી (IAS) અધિકારીઓની બદલીનો ગંજીપો ચીપ્યો છે. જેમાં છેલ્લા 3 વર્ષોથી કાર્યરત નવસારી જિલ્લા કલેકટર અમિત પ્રકાશ યાદવને પણ બદલી આપી, ખેડા – નડિયાડના કલેકટર પદ પર નિયુક્તિ આપી છે. નવસારીનાં કાર્યકાળ દરમિયાન કલેકટર અમિત પ્રકાશ યાદવની નવસારી માટે રોજગારીની મોટી તક ઉભી કરનારા ટેક્સટાઇલ પાર્ક માટે જમીન સંપાદનની ભૂમિકા મહત્વની રહી છે. સાથે જ વર્ષ 2022 માં આવેલા પુર સમયે ડીઝાસ્ટર મેનેજમેન્ટમાં દિવસ રાત એક કરી કલેકટર અમિત પ્રકાશ યાદવે પુરથી ઓછું નુકશાન થાય અને જાનહાની ટાળી શકાય એના માટે સફળ પ્રયાસો કર્યા હતા. કલેકટર યાદવે રાજ્યના તત્કાલીન મહેસુલ મંત્રી રાજેન્દ્ર ત્રિવેદીની અધ્યક્ષતામાં મહેસુલ મેળો યોજીને જિલ્લામાં જમીન વિવાદના કેસોને પણ કાયદાની મર્યાદામાં રહીને સરળતાથી ઉકેલવામાં સફળતા મેળવી હતી. જેમાં બુલેટ ટ્રેન પ્રોજેક્ટમાં સંપાદન દરમિયાન થયેલા વિવાદો અને છેતરપીંડીના કેસો મહત્વના રહ્યા હતા. જયારે હાલમાં સાંસદ દિશા દર્શન અંતર્ગત નવસારીને સ્વચ્છ બનાવવાના ભગીરથ કાર્યમાં જિલ્લા વહીવટી તંત્રના અધિકારીઓ સાથે જ સામાજિક સંસ્થાઓ, ચુંટાયેલા પદાધિકારીઓ અને ભાજપી કાર્યકર્તાઓ સહિત નાગરિકોને જોડીને નવસારીને સ્વચ્છતામાં અલગ ઓળખ અપાવવાના પણ સફળ પ્રયાસો રહ્યા છે. ત્યારે કલેકટર અમિત પ્રકાશ યાદવની બદલી થતા તેમના જીવંત સ્વભાવ અને લોક પ્રશ્નોને સમજી, સમજાવીને ઉકેલવાની તેમની પદ્ધતિ હંમેશા નવસારી જનોને યાદ રહેશે.
વલસાડના કલેકટર શિપ્રા અગ્રે સંભાળશે નવસારી કલેકટરનો ચાર્જ
વલસાડમાં કલેકટર તરીકે ફરજ બજાવતા ક્ષિપ્રા સૂર્યકાંતરાવ અગ્રેની બદલી નવસારી કલેકટર તરીકે થઇ છે. અગાઉ સુરત પ્રાદેશિક કમિશ્નર તરીકે ફરજ બજાવી ચુકેલા ક્ષિપ્રા અગ્રે નવસારીથી વાકેફ છે. સાથે જ નવસારીના અનેક મહત્વના પ્રોજેક્ટને પ્રાદેશિક કમિશ્નર સમયે તેમણે લીલી ઝંડી આપી હતી. ત્યારે જિલ્લા કલેકટર બનતા જ નવસારીના વિકાસને નવી દિશા મળશે એવી આશા નવસારીજનોમાં બંધાઈ છે.
વાંસદાના લોકદરબારમાં સાંસદ ધવલ પટેલે ભગવો ખેસ પહેરાવી આવકાર્યા
નવસારી : વલસાડના ધરમપુર શહેર કોંગ્રેસમાં આજે મોટુ ગાબડું પડ્યુ હતું. કારણ ધરમપુર શહેર કોંગ્રેસ પ્રમુખ આજે પોતાના સમર્થકો સાથે વાંસદા ખાતે સાંસદ અને લોકસભા દંડક ધવલ પટેલના હસ્તે ભગવો ધારણ કરી વિધિવત રીતે ભાજપમાં જોડાયા હતા.
ધરમપુરનાં વિકાસને ધ્યાને રાખી ભાજપમાં જોડાયા – મુકેશ આહીર
રાજકારણમાં પક્ષ પલટો સામાન્ય બનતો જાય છે. જ્યાં વિચારધારાની લડાઇ કહેવામાં આવે છે, પરંતુ ક્યારેક લાંબા સમય સુધી પોતાના વિસ્તારોમાં અટકેલા કાર્યો પૂર્ણ થતા ન હોય અથવા રાષ્ટ્રીય કક્ષાએ પક્ષનાં નિર્ણયથી વિચલિત થઇ ઘણા નાના કાર્યકરો પક્ષ પલટો કરતા હોય છે. ત્યારે આજે વલસાડ જિલ્લાના ધરમપુર શહેર કોંગ્રેસના પ્રમુખ મુકેશ આહીર પોતાના 80 થી વધુ પોતાના સમર્થકો સાથે ભાજપમાં જોડાયા હતા. નવસારીના વાંસદા ખાતે વલસાડના સાંસદ અને લોકસભા દંડક ધવલ પટેલનો લોકદરબાર હતો, જ્યાં ધરમપુર કોંગ્રેસ પ્રમુખ મુકેશ આહિરે સાંસદ ધવલ પટેલના હાથે ભગવો ખેસ ધારણ કરી ભાજપમાં પ્રવેશ કર્યો હતો. મુકેશ આહીર ધરમપુર નગરપાલિકામાં બે ટર્મ નગરસેવક પણ રહ્યા હતા. પરંતુ ગત પાલિકાની ચુંટણીમાં કોંગ્રેસનાં સુપડાસાફ થયા હતા. જેમાં ભાજપના ફાળે 20 બેઠકો અને 4 અપક્ષો ઉપર ધરમપુર શહેરનાં મતદારોએ વિશ્વાસ મુક્યો હતો. બીજી તરફ ધરમપુર શહેરના વિકાસ કાર્યો લાંબા સમયથી અટક્યા હતા, ત્યારે ગુજરાત અને કેન્દ્ર બંનેમાં ભાજપ સરકાર હોય, ધરમપુરના વિકાસને ધ્યાને રાખી ધરમપુર શહેર કોંગ્રેસ પ્રમુખ મુકેશ આહીર પોતાના સમર્થકો સાથે ભાજપમાં જોડાયા હતા. જેમને સાંસદ ધવલ પટેલે સહર્ષ આવકાર્યા હતા.
ઝોમ્બી ઈ સિગારેટ પકડવાનો ગુજરાતનો પ્રથમ કિસ્સો
નવસારી : નવસારીના ચાપલધરા ગામે હાઈબ્રિડ ગાંજો અને ઝોમ્બી ઈ સિગારેટનું વેચાણ થતુ હોવાની બાતમીને આધારે સ્ટેટ મોનીટરીંગ સેલ પોલીસની ટીમે ગત રોજ છાપો મારી બેની ધરપકડ કરી હતી. પોલીસે ઘટના સ્થળેથી 28.15 લાખનો મુદ્દામાલ કબ્જે કર્યો હતો.
SMC પોલીસે વાપીના આતિફને વોન્ટેડ જાહેર કર્યો
મળતી માહિતી અનુસાર, સ્ટેટ મોનીટરીંગ સેલ પોલીસની ટીમને ચોક્કસ બાતમી મળી હતી કે, નવસારી જિલ્લાના વાંસદા તાલુકાના ચાપલધરા ગામે રહેતો મિલન ધનગર હાઈબ્રિડ ગાંજાનું વેચાણ કરે છે. જેને આધારે ગત રોજ SMC ના PI સી. એચ. પનારા અને તેમની ટીમે ચાપલધરા ગામના વચલા ફળિયા, અંબા માતાજી મંદિર પાછળ રહેતા મિલન ધનગરના ઘરે છાપો માર્યો હતો. છાપા દરમિયાન પોલીસને મિલન પાસેથી 8 લાખ રૂપિયાનો 80 ગ્રામ હાઈબ્રિડ ગાંજો જથ્થો મળી આવ્યો હતો. જેની સાથે જ ગાંજાના સક્રિય ઘટકની હાજરીવાળી (THC) 20 લાખ રૂપિયાની 20 ઈ સિગારેટ પણ મળી આવી હતી. પોલીસે ઘટના સ્થળેથી મિલન સાથે તેના સાથીદાર તન્મયકુમાર પટેલની ધરપકડ કરી હતી. આરોપી મિલનની પૂછપરછમાં હાઈબ્રિડ ગાંજો તેને વાપીના આતિફે પહોંચાડી હતી. જેથી પોલીસે આતિફને વોન્ટેડ જાહેર કર્યો હતો. જ્યારે ઝોમ્બી ઈ સિગારેટ ડાર્ક વેબથી મંગાવી હતી. પોલીસે ઘટના સ્થળેથી હાઈબ્રિડ ગાંજો, ઈ સિગારેટ અને મોબાઈલ ફોન મળી કુલ 28.15 લાખ રૂપિયાનો મુદ્દામાલ કબ્જે કર્યો હતો. સાથે જ સમગ્ર મુદ્દે SMC પોલીસ મથકે ધી નાર્કોટિક્સ ડ્રગ્સ એન્ડ સાયકોટ્રોપિક સબસ્ટેન્સ એક્ટ (NDPS) અને ધી પ્રોહીબિશન એક્ટ ઇલેક્ટ્રોનિક સિગારેટ એક્ટ હેઠળ ગુનો નોંધી આગળની તપાસ આરંભી છે. ઉલ્લેખનિય છે કે, ગાંજાના સક્રિય ઘટક ધરાવતી ઝોમ્બી ઈ સિગારેટ પકડાયાનો આ ગુજરાતનો પ્રથમ ગુનો છે.
નવસારી જિલ્લામાં સાર્વત્રિક વરસાદ, 5 તાલુકાઓમાં અડધો ઇંચથી વધુ વરસાદ નોંધાયો
દેવધા સ્થિત દેવસરોવર ડેમના 20 દરવાજા ખોલાયા, 20 બાકી
નવસારીમાં 45 ગ્રામ પંચાયતોમાં સામાન્ય અને 14 ગ્રામ પંચાયતોમાં પેટા ચુંટણી
-
ગુજરાત10 months agoધોડિયા સમાજના તેજસ્વી તારલાઓનો સન્માન સમરોહ યોજાયો
-
ગુજરાત4 months agoઅમદાવાદમાં બુલેટ ટ્રેનની કામગીરી દરમિયાન વિશાળ ક્રેન સરકી જતા પડી, 2 ઘાયલ
-
અવર્ગીકૃત10 months agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
ગુજરાત1 year agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
અપરાધ11 months agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
ગુજરાત6 months agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન
-
અપરાધ10 months agoહાઈવે પર પરથાણ પાટિયા પાસેથી 7.76 લાખના વિદેશી દારૂ ભરેલા ટ્રક સાથે ચાલક પકડાયો
-
અપરાધ6 years ago?????????????????????????????? ????????????????????? 7 ?????????????????? ?????????