ચુંટણી

નવસારી ચેમ્બર ઓફ કોમર્સની 10 વર્ષ બાદ ચુંટણી : મહાજન પેનલ સામે વિકાસ પેનલ

Published

1 year ago

February 24, 2024

Navsari

મહાજન પેનલની વિકાસની વાતો સામે વિકાસ પેનલની ઉદ્યોગોને વૈશ્વિક કક્ષાએ લઇ જવાની તમન્ના

નવસારી : નવસારીના વેપારી અને ઉદ્યોગકારો માટે મહત્વની સંસ્થા એટલે નવસારી ચેમ્બર ઓફ કોમર્સ એન્ડ ઇન્ડસ્ટ્રીઝના નવા પ્રમુખ અને તેમની ટીમ માટેની ચુંટણી આવતી કાલે યોજાશે. 10 વર્ષો બાદ યોજાવા જઈ રહેલી ચેમ્બર ઓફ કોમર્સની ચુંટણી ભારે રસાકસી પૂર્ણ રહેવાની છે. ત્યારે અંતિમ દિવસોમાં ચુંટણી લડવા જઈ રહેલી બંને પેનલોના ઉમેદવારોએ મતદારોને રીઝવવાના પ્રયાસો આરંભ્યા છે.

વર્ષોથી સુમેળ સાધી ટાળવામાં આવતી હતી ચુંટણી, આ વખતે જામશે રસાકસીનો જંગ

નવસારી ચેમ્બર ઓફ કોમર્સ એન્ડ ઇન્ડસ્ટ્રીઝમાં વર્ષોથી પોતાના સભાસદો વચ્ચે સુમેળ સાધીને ચુંટણી ટાળવામાં આવતી હતી. ચેમ્બરના પૂર્વ પ્રમુખો અને આગેવાનો દ્વારા પેનલના નામ નક્કી કરી, બિનહરીફ ઉમેદવારો ઘોષિત કરવામાં આવતા હતા. પરંતુ વર્ષોથી નવસારી ચેમ્બર ઓફ કોમર્સ હોવા છતાં નિષ્ક્રિય હોય એવી સ્થિતિ બની હતી. શહેરમાં વર્ષોથી વેપાર ધંધો કરતા વેપારીઓ, ઉદ્યોગપતિઓ પણ ચેમ્બરના નવા સભાસદ બન્યા ન હોય એવી પણ સ્થિતિ છે. જોકે ગત બે વર્ષોમાં બિલ્ડર ભરત સુખડીયાની ચેમ્બરના પ્રમુખ પદે નિયુક્તિ થતા ચેમ્બર ઓફ કોમર્સને જીવંત કરવાનો પ્રયાસ થયો હતો, સાથે જ ચેમ્બરનાં નવા ભવન માટે જમીન લેવાની તૈયારી પણ કરી લીધી હતી. જોકે કાર્યકાળ પૂર્ણ થતા ચેમ્બરના નવા પ્રમુખ અને તેમની ટીમ પરંપરા મુજબ તમામ સભાસદો વચ્ચે સુમેળ સાધીને જાહેર કરવાના પ્રયાસો થયા. પરંતુ ચુંટણી ટાળવાના પ્રયાસો નિષ્ફળ રહેતા અંતે આ વર્ષે હીરા ઉદ્યમી રાજેન્દ્ર દેરાસરિયાની મહાજન પેનલ અને સીએ વિનોદ દેસાઈની વિકાસ પેનલ વચ્ચે રસાકસી ભર્યો ચુંટણી જંગ જામશે.

મહાનગર બનવા ઉત્સુક નવસારીમાં વેપારીઓ અને ઉદ્યમીઓની સંખ્યા વધી, પણ ચેમ્બરમાં સભાસદ ઓછા

નવસારી ચેમ્બર ઓફ કોમર્સ એન્ડ ઇન્ડસ્ટ્રીઝ વર્ષોથી કાર્યરત છે. પરંતુ ચેમ્બર દ્વારા વેપારીઓના પ્રશ્નો મુદ્દે કોઈ મહત્વપૂણ કામગીરી કરી ન હોવાની વેપારી આલમમાં ફરિયાદો રહી છે. ખુદ ચેમ્બર ઓફ કોમર્સનું વ્યવસ્થિત મકાન પણ ચેમ્બરના કર્તાધર્તાઓ વર્ષોના પ્રયાસો બાદ પણ બનાવી શક્યા નથી. નવસારી શહેર અને જિલ્લામાં વેપારીઓ, ધંધાર્થીઓ, ઉદ્યોગપતિઓ, એન્ત્રોપીન્યોર સહિત અન્ય પ્રોફેશનલ્સની સંખ્યા પણ વધી છે, પરંતુ ચેમ્બરમાં ફક્ત 1800 જ સભાસદો છે, જેથી નવસારી મહાનગરપાલિકા બનવા જઈ રહી છે, સાથે જ વાસી ગામે PM મિત્રા પાર્ક સ્થપાવા જઈ રહ્યો છે, ત્યારે ચેમ્બર ઓફ કોમર્સના નવા સત્તાધીશો નવસારીને વેપાર ઉદ્યોગમાં નવી દિશા તેમજ ઉંચાઈ અપાવે એવી આશા સેવાઈ રહી છે.

મહાજન પેનલે વેપારીઓ અને ઉદ્યોગકારોના પ્રશ્નોને સંભાળી નિરાકણ લાવવાની દાખવી તત્પરતા

ચુંટણી મેદાનમાં ઉતરેલી મહાજન પેનલમાં પ્રમુખ પદ માટે હીરા ઉદ્યમી રાજેન્દ્ર દેરાસરીયાએ ઉમેદવારી કરી છે. જેમની સાથે પૂર્વ પ્રમુખ ભરત સુખડીયા અને અન્ય આગેવાનોની ટીમનો સપોર્ટ છે. મહાજન પેનલ દ્વારા ચુંટણીના એજન્ડામાં મુખ્ય કામ ચેમ્બરના નવા ભવનના નિર્માણનું રાખવામાં આવ્યુ છે. જેની સાથે હીરા ઉદ્યોગ સાથે સંકળાયેલા વેપારીઓને નવસારી રેલ્વે સ્ટેશને એક્સપ્રેસ ટ્રેનના સ્ટોપેજ મુદ્દે પડતી મુશ્કેલીને ધ્યાને રાખી ટ્રેન કનેક્ટીવીટી વધુ મળે તેમજ વેપારીઓની સમસ્યા, રજૂઆતોને યોગ્ય સ્થાને મુકી સફળ કામગીરીની બાંહેધરી આપી છે. જોકે ભાજપ સામે ભાજપની જંગની ચર્ચાઓને મહાજન પેનલે રદિયો આપી, વેપારીઓના વિકાસ માટે જ પૂર્વ પ્રમુખો અને આગેવાનોના સહયોગથી બનેલી પેનલ ચુંટણીમાં જીત મેળવશેનો આશાવાદ વ્યકત કરાયો હતો.

વિકાસ પેનલ ચેમ્બરના સંગઠનને મજબૂત બનાવી, વેપારીઓની ક્ષમતા વધારવાનો કરશે પ્રયાસ

ચેમ્બર ઓફ કોમર્સની ચુંટણીમાં સામે પક્ષે વિકાસ પેનલ શહેરના વેપારીઓ, દુકાનદારો, ઉદ્યોગપતિઓને રૂબરૂ મળીને તેમના વિઝનને દર્શાવી મત માંગી રહી છે. સાથે જ વિકાસ પેનલે તેમના એજન્ડામાં પ્રથમ સભાસદોની સંખ્યા વધારી સંગઠનને મજબૂત કરવાના પ્રયાસો કરવાનો મુદ્દો રાખ્યો છે. સાથે જ યુવા, મહિલા અને NRI વિંગ બનાવી નવસારીના વેપારી અને ઉદ્યોગકારોને દેશ અને દુનિયામાં સફળતા મળે એવા પ્રયાસો, ઓદ્યોગિક ટૂર થકી નવા ઉદ્યોગોને પ્રોત્સાહન, સરકારી યોજનાઓ સભાસદો સુધી પહોંચાડી એમના ઉદ્યોગનો વિકાસ કરવાના પ્રયાસ, ચેમ્બરના મુખપત્ર સુરક્ષાના નિયમત પ્રકાશન, વન ડીસ્ટ્રીકટ વન પ્રોડક્ટ હેઠળ વિવિધ પ્રોડક્ટનો અભ્યાસ કરી, બજાર આપવાનો પ્રયાસને પ્રાધાન્ય આપશે. જયારે નવસારી મહાનગરપાલિકા બની રહી છે, ત્યારે સઘન ગુજરાત ચેમ્બર ઓફ કોમર્સની તર્જ પર સરકારમાંથી યોગ્ય ગ્રાન્ટ મેળવી વેપારીઓના વિકાસ માટેના સફળ પ્રયાસો કરશે. સાથે જ વેપારીઓની ટેક્ષ, GST વગેરેની સમસ્યામાં પણ યોગ્ય સ્તરે રજૂઆતો કરીને ટેક્ષ ભરવામાં પડતી મુશ્કેલીઓને નિવારવા માટેના પ્રયાસો કરવાની પણ તૈયારી દર્શાવી છે.

નવસારી ચેમ્બર ઓફ કોમર્સ એન્ડ ઇન્ડસ્ટ્રીઝને મજબૂત કરવાની જરૂર

નવસારી વેપાર, ઉદ્યોગ માટે યોગ્ય ન હોવાના ટોણા સામે નવસારી ચેમ્બર ઓફ કોમર્સ એન્ડ ઇન્ડસ્ટ્રીઝ સંસ્થા મજબૂત બને એના પ્રયાસો થવા જરૂરી છે. ત્યારે વર્ષો બાદ થઇ રહેલી ચુંટણીમાં સભાસદો મહાજન પેનલ કે વિકાસ પેનલ ઉપર વિશ્વાસ મુકે છે એ કાલે ચુંટણી પરિણામ બાદ જ ખબર પડશે.

નવસારી ચેમ્બર ઓફ કોમર્સની ચુંટણીમાં રસાકસી

Post Views: 276

Up Next

નવસારી ચેમ્બર ઓફ કોમર્સ એન્ડ ઇન્ડસ્ટ્રીઝની ચુંટણીમાં રસાકસી

Don't Miss

NH 48 પરથી ગેરકાયદે વહન થતા 12.50 લાખના સાગ અને સીસમના લાકડા પકડાયા

Click to comment

ગુજરાત

નવસારીમાં 45 ગ્રામ પંચાયતોમાં સામાન્ય અને 14 ગ્રામ પંચાયતોમાં પેટા ચુંટણી

Published

1 month ago

June 14, 2025

Teamhexilon

જિલ્લામાં 1.08 લાખ મતદારો 22 જૂને મતદાન કરી ચુંટશે ગ્રામ્ય સરકાર

નવસારી : ગુજરાતમાં ગ્રામ પંચાયતોની ચુંટણીનું બ્યુગલ વાગી ચુક્યુ છે અને ચુંટણી મેદાનમાં ઉતરનારા મહારથીઓ પણ સજ્જ થઇ ચુક્યા છે. ત્યારે નવસારી જિલ્લામાં પણ 56 માંથી 11 ગ્રામ પંચાયતો સમરસ થતા હવે 45 ગ્રામ પંચાયતોમાં સામાન્ય ચુંટણી, જયારે 82 ગ્રામ પંચાયતોમાંથી 14 ગ્રામ પંચાયતોમાં પેટા ચુંટણી, આગામી 22 જૂન, 2025 ના રોજ યોજાશે.

સામાન્ય ચુંટણીમાં 126 ઉમ્દેવારો સરપંચ અને 433 ઉમેદવારો સભ્યની ચુંટણી લડશે

નવસારી જિલ્લામાં છેલ્લા કેટલાક વર્ષોથી ગ્રામ પંચાયતોમાં વહીવટદારોનું શાસન હતુ. પરંતુ હવે ગ્રામ પંચાયતોની ચુંટણી બાદ ગામ સરકાર રચાશે. ગ્રામ પંચાયતોની જાહેરાત થયા બાદ જ ભાજપ અને કોંગ્રેસ બંને પક્ષો પોતાના સમર્પિત ઉમેદવારોને ચુંટણી મેદાનમાં ઉતારવા થનગની રહ્યા હતા. જેમાં જિલ્લાના 5 તાલુકાઓની 56 ગ્રામ પંચાયતોમાં સામાન્ય ચુંટણી, જયારે 82 ગ્રામ પંચાયતોમાં પેટા ચુંટણી યોજવાની ઘોષણા થઇ હતી. ઉમેદવારીપત્રો ભરાયા બાદ અનેક કારણોમાં સામાન્ય ચુંટણીમાં સરપંચ માટે 183 ઉમેદવારોએ 184 ફોર્મ ભર્યા હતા. જયારે સભ્ય પદ માટે 700 ઉમેદવારોએ ઉમેદવારી નોંધાવી હતી. જેમાંથી સરપંચમાં 1 અને સભ્યમાં 16 ફોર્મ અમાન્ય ઠર્યા હતા અને 45 સરપંચ ઉમેદવારોએ અને 23 સભ્ય ઉમેદવારોએ પોતાના ફોર્મ પરત ખેંચ્યા હતા. જયારે 11 ગ્રામ પંચાયતો સમરસ જાહેર થઇ છે. જેથી હવે જિલ્લામાં 45 ગ્રામ પંચાયતોમાં સરપંચ પદ માટે 126 ઉમેદવારો અને સભ્ય પદ માટે 433 ઉમેદવારો ચુંટણી મેદાનમાં ઉતર્યા છે. આગામી 22 જૂને, 45 ગામોના 53,410 પુરૂષ અને 55,276 મહિલા મતદારો મળીને કુલ 108686 મતદારો પોતાના ભાવી સરપંચ અને વોર્ડ સભ્યોને ચુંટશે.

14 ગ્રામ પંચાયતની પેટા ચુંટણીમાં 26,441 મતદારો કરશે મતદાન

બીજી તરફ જિલ્લામાં 82 ગ્રામ પંચાયતોમાં પેટા ચુંટણી પણ જાહેર થઇ હતી. જેમાં પણ મોટી સંખ્યામાં ઉમેદવારો ચુંટણી જંગ લડવા તૈયાર થયા હતા. જેમાં સરપંચ માટે 28 ઉમેદવારો અને સભ્ય માટે 85 ઉમેદવારોએ ચુંટણી જંગમાં ઝંપલાવવા કમર કસી હતી. પરંતુ 2 સભ્ય પદ માટેના ઉમેદવારોના ફોર્મ અમાન્ય ઠર્યા હતા અને સરપંચના 8 અને સભ્યના 8 ઉમેદવારીપત્રો પરત ખેંચાયા હતા. જેમાં 1 સરપંચ અને 42 સભ્યો બિનહરીફ જાહેર થયા છે. જેથી હવે 14 ગ્રામ પંચાયતોમાં 19 ઉમેદારો સરપંચ પદ માટે અને ૩૩ ઉમેદવારો સભ્ય પદ માટે ચુંટણી જંગ ખેલશે. પેટા ચુંટણીમાં 13,241 પુરૂષ અને 13,200 મહિલા મતદારો મળીને કુલ 26,441 મતદારો પોતાના મતાધિકારનો ઉપયોગ કરશે.

જે ગામોમાં સામાન્ય ચુંટણી યોજાવાની છે, એ ગામોની તાલુકા અનુસાર યાદી

નવસારી ગ્રામ્ય : દંડેશ્વર અને નવા તળાવ

જલાલપોર : સિસોદ્રા પારડી (આરક) જૂથ, પનાર, કણીયેટ ચોરમલા ભાઠા, માછીવાડ, માછીવાડ (દીવાદાંડી), આસણા, દાંતી, કૃષ્ણપુર અને ઓન્જલ

ગણદેવી : પીપલધરા, સરીબુજરંગ, તલોધ, અંચેલી, તોરણ ગામ, એંધલ, પીંજરા, વેગામ અને અમલસાડ

ચીખલી : કણભઈ, સતાડીયા, રૂમલા, આંબાપાડા, સ્યાદા, તલાવચોરા, બારોલીયા મંદિર ફળિયા,

વાંસદા : મહુવાસ, અંકલાછ/કામળઝરી જૂથ, લાકડબારી, ગંગપુર, ઉમરકુઇ, મીંઢાબારી, કુકડા, કુરેલિયા, ગોધાબારી, ચોંઢા, કાવડેજ, પીપલખેડ, રવાણીયા, વાઘાબારી, પાલગભાણ, કંબોયા, પ્રતાપનગર અને વાંદરવેલા

જે ગામોમાં પેટા ચુંટણી યોજાવાની છે, એ ગામોની તાલુકા અનુસાર યાદી

નવસારી ગ્રામ્ય : નસીલપોર/વીરવાડી જૂથ, વાડા (અદડા) અને પરતાપોર

જલાલપોર : સાગરા

ગણદેવી : આંતલિયા, માસા, ઉંડાચ લુહાર ફળિયા અને વડસાંગળ

ચીખલી : ઘેકટી, નોગામા, સાદકપોર, ઢોલુમ્બર, સોલધરા અને આમધરા

Post Views: 40

ચુંટણી

વાંસદા કોંગ્રેસને ફરી ઝટકો, વાસકુઈ કોંગી કાર્યકરો ભાજપમાં જોડાયા

Published

5 months ago

February 11, 2025

Vansda

ધારાસભ્ય નરેશ પટેલે 17 કોંગ્રેસી કાર્યકરોને ભગવો પહેરાવી આવકાર્યા

નવસારી : નવસારીના વાંસદા તાલુકા પંચાયતની કંડોલપાડા બેઠકની પેટા ચુંટણીમાં રાજકારણમાં ઠંડીમાં પણ ગરમાટો જોવા મળી રહ્યો છે. જેમાં કોંગ્રેસને ભાજપે ફરી ઝટકો આપ્યો છે, આજે વાસકુઈ ગામે આયોજિત ચુંટણી સભામાં 17 કોંગ્રેસી કાર્યકરોએ ધારાસભ્ય નરેશ પટેલના હસ્તે ભગવો ધારણ કરી, કોંગ્રેસનો હાથ છોડ્યો હતો.

છેલ્લા ત્રણ દિવસમાં 40 થી વધુ કોંગ્રેસીઓ ભાજપમાં જોડાયા

નવસારી જિલ્લામાં સ્થાનિક સ્વરાજ્યની સંસ્થાઓની ચુંટણીને લઈ રાજકારણમાં ગરમાટો જોવા મળ્યો છે. ખાસ કરીને વાંસદા તાલુકા પંચાયતની કંડોલપાડા બેઠકની પેટા ચુંટણીમાં ભાજપ અને કોંગ્રેસ વચ્ચે વિધાનસભા જેવી ટક્કર જોવા મળી છે, જેમાં કાર્યકરોએ પક્ષ પલટા પણ કર્યા છે. કંડોલપાડા બેઠક અંતર્ગત આવતા ગામડાઓમાં ભાજપ અને કોંગ્રેસ બંને ચુંટણી સભાઓ કરી રહ્યા છે. જેમાં ભાજપની સભામાં કોંગ્રેસી કાર્યકર્તાઓ કોંગ્રેસનો હાથ છોડી ભગવા રંગે રંગાઈ રહ્યા છે. બે દિવસ અગાઉ લીંબારપાડાન 30 કોંગ્રેસી કાર્યકરોએ વલસાડના સાંસદ ધવલ પટેલને હાથે ભગવો ખેસ ધારણ કર્યો હતો. ત્યારે આજે વાસકુઈ ગામમાં ગણદેવી ધારાસભ્ય અને પૂર્વ કેબીનેટ મંત્રી નરેશ પટેલની ઉપસ્થિતિમાં યોજાયેલી ચુંટણી સભામાં 17 કોંગ્રેસી કાર્યકરો ભાજપમાં જોડાયા હતા. ધારાસભ્ય નરેશ પટેલે કોંગી કાર્યકરોને ભગવો ખેસ પહેરાવી ભાજપમાં આવકાર્યા હતા.

Post Views: 781

ગુજરાત

ગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન

Published

6 months ago

January 21, 2025

Teamhexilon

1 મહાનગર પાલિકા, 66 પાલિકા અને ત્રણ તાલુકા પંચાયતોની સામાન્ય ચુંટણી

નવસારી : ગુજરાત રાજ્ય ચુંટણી આયોગ દ્વારા લાંબા સમયથી અટકેલી સ્થાનિક સ્વરાજની સંસ્થાઓનો કાર્યક્રમ આજે જાહેર કર્યો છે. જેમાં રાજ્યની 1 મહાનગર પાલિકા, 66 નગર પાલિકા અને 3 તાલુકા પંચાયતોની સામાન્ય ચુંટણી તેમજ અન્ય મહાનગર પાલિકાઓની 3, નગર પાલિકાઓની 21, જિલ્લા પંચાયતની 9 અને તાલુકા પંચાયતની 91 ખાલી પડેલી બેઠકો ઉપર પેટા ચુંટણી આગામી 16 ફેબ્રુઆરીનાં રોજ યોજાશે, જેનું પરિણામ 18 ફેબ્રુઆરીના રોજ જાહેર થશે.

27 જાન્યુઆરીએ જાહેરનામુ, 16 ફેબ્રુઆરીએ મતદાન, 18 ફેબ્રુઆરીએ પરિણામ

ગુજરાત રાજ્ય ચુંટણી આયોગ દ્વારા રાજ્યની વિવિધ સ્થાનિક સ્વરાજની સંસ્થાઓની સામાન્ય અને પેટા ચુંટણી આજે જાહેર કરી છે. ચુંટણી જાહેર થતા જ જેતે વિસ્તારોમાં આજથી આદર્શ આચાર સંહિતા લાગુ થઇ છે. જેની સાથે જ 27 જાન્યુઆરી, સોમવારે ચુંટણીનું જાહેરનામું પ્રસિદ્ધ થતાની સાથે ચુંટણી લડવા ઈચ્છુક ઉમેદવારો ઉમેદવારીપત્રો ભરી શકશે. 1 ફેબ્રુઆરી, શનિવાર ઉમેદવારી પત્રો ભરવાની છેલ્લી તારીખ છે અને 3 ફેબ્રુઆરી, સોમવારે ઉમેદવારી પત્રોની ચકાસણી થશે. 4 ફેબ્રુઆરી, મંગળવારે ઉમેદવારીપત્રો પરત ખેંચવાની અંતિમ તારીખ છે. ત્યારબાદ 16 ફેબ્રુઆરી, રવિવારે સવારે 7 વાગ્યાથી સાંજે 6 વાગ્યા સુધીના 11 કલાક સુધીમાં મતદાન યોજાશે. જો કોઈક જગ્યાએ ફરી મતદાન કરાવાની જરૂર જણાય, તો બીજા દિવસે 17 ફેબ્રુઆરી, સોમવારે ફરી મતદાન થશે. જયારે 18 ફેબ્રુઆરી, મંગળવારે મત ગણતરીની સાથે જ પરિણામ સ્પષ્ટ થશે.

70 સ્થાનિક સ્વરાજની સંસ્થાઓની સમાન્ય ચુંટણી, 124 બેઠકો ઉપર પેટા ચુંટણી

1 જુનાગઢ મહાનગર પાલિકા સહિત કઠલાલ, કપડવંજ અને ગાંધીનગર તાલુકા પંચાયતની સામાન્ય ચુંટણી યોજાશે, જેમાં રાજ્યના 25 જિલ્લાની 66 નગર પાલિકાઓની પણ સામાન્ય ચુંટણી યોજાશે. જેમાં 1. અમદાવાદ જિલ્લાની બાવળા, સાણંદ અને ધંધુકા, 2. ગાંધીનગર જિલ્લાની માણસા, 3. ખેડા જિલ્લાની મહેમદાવાદ, ડાકોર, ચકલાસી, મહુધા, ખેડા, 4. આણંદ જિલ્લાની આંકલાવ, બીર્યાવી, ઓડ, 5. મહીસાગર જિલ્લાની લુણાવાડા, સંતરામપુર, બાલાસિનોર, 6. સાબરકાંઠા જીલ્લાની ખેડબ્રહ્મા, પ્રાંતિજ, તલોદ, 7. પાટણ જિલ્લાની હારીજ, ચાણસ્મા, રાધનપુર, 8. મહેસાણા જિલ્લાની ખેરાલુ, વડનગર, 9. વડોદરા જિલ્લાની કરજણ, 10. છોટા ઉદેપુર જિલ્લાની છોટા ઉદેપુર, 11. દાહોદ જિલ્લાની ઝાલોદ, દેવગઢ બારિયા, 12. પંચમહાલ જિલ્લાની કાલોલ, હાલોલ, 13. નવસારી જિલ્લાની બીલીમોરા, 14. વલસાડ જિલ્લાની વલસાડ, પારડી, ધરમપુર, 15. તાપી જિલ્લાની સોનગઢ, 16. જામનગર જિલ્લાની જામજોધપુર, ધ્રોલ, કાલાવાડ, 17. દેવભૂમિ દ્વારકા જિલ્લાની સલાયા, દ્વારકા, ભાણવડ, 18. જુનાગઢ જિલ્લાની બાંટવા, માણાવદર, માંગરોળ, વિસાવદર, વંથલી, ચોરવાડ, 19. ગીર સોમનાથ જિલ્લાની કોડીનાર, 20. કચ્છ જિલ્લાની રાપર, ભચાઉ, 21. અમરેલી જિલ્લાની લાઠી, જાફરાબાદ, રાજુલા, ચલાલા, 22. ભાવનગર જિલ્લાની શિહોર, ગારીયાધાર, તળાજા, 23. બોટાદ જિલ્લાની ગઢડા, 24. રાજકોટ જિલ્લાની જસદણ, જેતપુર-નવાગઢ, ધોરાજી, ભાયાવદર, ઉપલેટા, 25. મોરબી જિલ્લાની હળવદ, 26. સુરેન્દ્રનગર જિલ્લાની થાનગઢ અને 27. પોરબંદર જિલ્લાની કુતીયાણા તેજ રાણાવાવ નગર પાલિકાની સામાન્ય ચુંટણી યોજાશે.

Post Views: 106,509