ગુજરાત
વલસાડના સાંસદની માનવતા : વાંસદાના અત્યાચારી કોન્ટ્રાક્ટરની ચુંગાલમાંથી આદિવાસી મજૂરોને બચાવ્યા
કન્સ્ટ્રક્શન સાઈટ પર મજૂરોને રાખી ભોજન અને મજૂરી નહીં આપી કોન્ટ્રાકટર કરતો હતો અત્યાચાર
નવસારી : માનવને માનવ પ્રત્યેની કરૂણા જ મહાન બનાવતી હોય છે. પરંતુ ઘણીવાર માનવ ક્રૂર બની જાય છે અને પોતાનાથી નબળા ઉપર અત્યાચાર કરે છે. આવી જ ઘટના નવસારીના વાંસદાની એક કન્સ્ટ્રક્શન સાઇટ પર જોવા મળી છે. જ્યાં નિર્દય કોન્ટ્રાક્ટર આદિવાસી મજૂરોને ભોજનની વ્યવસ્થા વિના રાખી તેમની મજૂરી પણ ન આપીને અત્યાચાર કરી રહ્યો હતો. જોકે નિર્દય કોન્ટ્રાક્ટરને વલસાડના સાંસદ ધવલ પટેલે વાંસદા પોલીસની મદદથી પાઠ ભણાવ્યો છે. મજૂરો પ્રત્યેની પીડા ધવલ પટેલની કરૂણા અને પોલીસ કાર્યવાહીને કારણે મજૂરોને ભોજન અને મજૂરી પણ મળી, સાથે વતન મોકલવાની વ્યવસ્થા ગોઠવી માનવતા મહેકાવી છે.
વલસાડના સાંસદ ધવલ પટેલને જાણ થતા જ વાંસદા પોલીસને મોકલી મજૂરોની કરી મદદ
નવસારીના વાંસદા નજીક વઘઈ માર્ગ ઉપર છેલ્લા થોડા મહિનાઓથી સ્વીટ હોમ રેસીડેન્સીની કન્સ્ટ્રકશન સાઈટ ચાલી રહી છે. જેનું કામ રાજસ્થાની કોન્ટ્રાક્ટર પરમાનંદ પ્રજાપતિએ રાખ્યું હતુ અને તેણે પેટા કોન્ટ્રાક્ટ રાજસ્થાનના ધારવાડના અમલી ખેડાના માંગીલાલ નાડને આપ્યો હતો માંગીલાલે રાજસ્થાનના બાસવાડાના આદિવાસી મજૂર ગંગુબેન નીનામા, ગોવિંદ મહિડા અને લક્ષ્મીબેન ડામોર તેમજ ડાંગના જીગ્નેશને કડિયા કામ સહિત અન્ય મજૂરી માટે લાવીને રાખ્યા હતા. પરંતુ છેલ્લા થોડા દિવસોથી માંગીલાલે આ ચારેય મજૂરો પર અત્યાચાર કરવાનું શરૂ કર્યું હતું. ખાસ કરીને રાજસ્થાનના મજૂરો માટે ભોજનની વ્યવસ્થા નહીં કરી, તેમને મજૂરીના રૂપિયા પણ આપતો ન હતો અને કામ કરાવ્યે જતો હતો. જેથી મજૂરોની સ્થિતિ કફોડી બની હતી. દરમિયાન મજૂરોએ સ્થાનિક વ્યક્તિ સામે પોતાની વ્યથા ઠાલવી, તો વાત વલસાડના સાંસદ ધવલ પટેલ સુધી પહોંચી હતી. મજૂરોની પરિસ્થિતિની જાણ થતા જ ધવલ પટેલે મજૂરો પ્રત્યે કરૂણા દાખવી, તાત્કાલિક વાંસદા પોલીસને ઘટનાની જાણ કરી, મજૂરોને બચાવવાની સૂચના આપી હતી. સ્વીટ હોમ રેસીડેન્સી ખાતે પહોંચેલી વાંસદા પોલીસે રાજસ્થાની મજૂરોને મળી તેમની પૂછપરછ કરતા કોન્ટ્રાક્ટર માંગીલાલ ખરેખર અત્યાચાર કરતો હોવાનું સામે આવ્યું હતું. જેમાં ગંગુબેનના મજૂરીના 15 હજાર રૂપિયા, લક્ષ્મીબેનના 6,140 રૂપિયા, ગોવિંદના 2570 રૂપિયા અને જીગ્નેશના 65 હજાર રૂપિયા બાકી નીકળતા હતા. જેથી પોલીસે કોન્ટ્રાક્ટર માંગીલાલ સામે કાર્યવાહી કરી મજૂરોને તેમની મજૂરીના બાકી નીકળતા રૂપિયા અપાવ્યા, સાથે જ તેમના ભોજનની વ્યવસ્થા પણ કરી હતી. જ્યારે મજૂરો પોતાના વતન જવા માંગતા હોય સાંસદ ધવલ પટેલે તેમને વતન મોકલવા માટેની પણ વ્યવસ્થા કરી આપી હતી. મજૂરોને જ્યારે સાંસદ ધવલ પટેલે મદદ કરી હોવાની જાણ થઈ, તો તેમણે સાંસદનો દિલથી આભાર માન્યો હતો.
સાંસદ ધવલ પટેલે વાંસદામાં બીજી વાર નિસ્વાર્થ ભાવે આદિવાસીઓ માટે મદદનો હાથ લંબાવ્યો
વલસાડના સાંસદ ધવલ પટેલ વલસાડ લોકસભામાં આવ્યા બાદ તેમણે સ્થાનિક સમસ્યાનું સમાધાન લાવવા માટેના પ્રયાસો હાથ ધર્યા છે. જેમાં પણ મૂળ વાંસદાના દીકરા હોવાથી વાંસદા તેમના દિલના નજીક રહ્યું છે. થોડા સમય અગાઉ પણ વાંસદાના એક આદિવાસી યુવાનને હોસ્પિટલમાં આર્થિક મદદની જરૂર હતી, જેની ધવલ પટેલને જાણ થતા તેમણે હોસ્પિટલમાં લાખોના બીલમાં માફી અપાવી હતી. જ્યારે આજે વાંસદાની જ કન્સ્ટ્રકશન સાઈટમાં ફસાયેલા આદિવાસી મજૂરો ભોજન મેળવવા માટે વલખા મારતા હોવાની જાણ થતા જ તેમને તરત પોલીસ મોકલી પ્રથમ ભોજનની વ્યવસ્થા કરાવી અને તેમના બાકી નીકળતા મજૂરીના રૂપિયા પણ અપાવ્યા હતા. નિસ્વાર્થ પણે ધવલ પટેલે ત્વરિત કરેલી સેવાએ માનવતાનું ઉત્તમ ઉદાહરણ પુરૂ પાડ્યું છે.
વાંસદાના લોકદરબારમાં સાંસદ ધવલ પટેલે ભગવો ખેસ પહેરાવી આવકાર્યા
નવસારી : વલસાડના ધરમપુર શહેર કોંગ્રેસમાં આજે મોટુ ગાબડું પડ્યુ હતું. કારણ ધરમપુર શહેર કોંગ્રેસ પ્રમુખ આજે પોતાના સમર્થકો સાથે વાંસદા ખાતે સાંસદ અને લોકસભા દંડક ધવલ પટેલના હસ્તે ભગવો ધારણ કરી વિધિવત રીતે ભાજપમાં જોડાયા હતા.
ધરમપુરનાં વિકાસને ધ્યાને રાખી ભાજપમાં જોડાયા – મુકેશ આહીર
રાજકારણમાં પક્ષ પલટો સામાન્ય બનતો જાય છે. જ્યાં વિચારધારાની લડાઇ કહેવામાં આવે છે, પરંતુ ક્યારેક લાંબા સમય સુધી પોતાના વિસ્તારોમાં અટકેલા કાર્યો પૂર્ણ થતા ન હોય અથવા રાષ્ટ્રીય કક્ષાએ પક્ષનાં નિર્ણયથી વિચલિત થઇ ઘણા નાના કાર્યકરો પક્ષ પલટો કરતા હોય છે. ત્યારે આજે વલસાડ જિલ્લાના ધરમપુર શહેર કોંગ્રેસના પ્રમુખ મુકેશ આહીર પોતાના 80 થી વધુ પોતાના સમર્થકો સાથે ભાજપમાં જોડાયા હતા. નવસારીના વાંસદા ખાતે વલસાડના સાંસદ અને લોકસભા દંડક ધવલ પટેલનો લોકદરબાર હતો, જ્યાં ધરમપુર કોંગ્રેસ પ્રમુખ મુકેશ આહિરે સાંસદ ધવલ પટેલના હાથે ભગવો ખેસ ધારણ કરી ભાજપમાં પ્રવેશ કર્યો હતો. મુકેશ આહીર ધરમપુર નગરપાલિકામાં બે ટર્મ નગરસેવક પણ રહ્યા હતા. પરંતુ ગત પાલિકાની ચુંટણીમાં કોંગ્રેસનાં સુપડાસાફ થયા હતા. જેમાં ભાજપના ફાળે 20 બેઠકો અને 4 અપક્ષો ઉપર ધરમપુર શહેરનાં મતદારોએ વિશ્વાસ મુક્યો હતો. બીજી તરફ ધરમપુર શહેરના વિકાસ કાર્યો લાંબા સમયથી અટક્યા હતા, ત્યારે ગુજરાત અને કેન્દ્ર બંનેમાં ભાજપ સરકાર હોય, ધરમપુરના વિકાસને ધ્યાને રાખી ધરમપુર શહેર કોંગ્રેસ પ્રમુખ મુકેશ આહીર પોતાના સમર્થકો સાથે ભાજપમાં જોડાયા હતા. જેમને સાંસદ ધવલ પટેલે સહર્ષ આવકાર્યા હતા.
ઝોમ્બી ઈ સિગારેટ પકડવાનો ગુજરાતનો પ્રથમ કિસ્સો
નવસારી : નવસારીના ચાપલધરા ગામે હાઈબ્રિડ ગાંજો અને ઝોમ્બી ઈ સિગારેટનું વેચાણ થતુ હોવાની બાતમીને આધારે સ્ટેટ મોનીટરીંગ સેલ પોલીસની ટીમે ગત રોજ છાપો મારી બેની ધરપકડ કરી હતી. પોલીસે ઘટના સ્થળેથી 28.15 લાખનો મુદ્દામાલ કબ્જે કર્યો હતો.
SMC પોલીસે વાપીના આતિફને વોન્ટેડ જાહેર કર્યો
મળતી માહિતી અનુસાર, સ્ટેટ મોનીટરીંગ સેલ પોલીસની ટીમને ચોક્કસ બાતમી મળી હતી કે, નવસારી જિલ્લાના વાંસદા તાલુકાના ચાપલધરા ગામે રહેતો મિલન ધનગર હાઈબ્રિડ ગાંજાનું વેચાણ કરે છે. જેને આધારે ગત રોજ SMC ના PI સી. એચ. પનારા અને તેમની ટીમે ચાપલધરા ગામના વચલા ફળિયા, અંબા માતાજી મંદિર પાછળ રહેતા મિલન ધનગરના ઘરે છાપો માર્યો હતો. છાપા દરમિયાન પોલીસને મિલન પાસેથી 8 લાખ રૂપિયાનો 80 ગ્રામ હાઈબ્રિડ ગાંજો જથ્થો મળી આવ્યો હતો. જેની સાથે જ ગાંજાના સક્રિય ઘટકની હાજરીવાળી (THC) 20 લાખ રૂપિયાની 20 ઈ સિગારેટ પણ મળી આવી હતી. પોલીસે ઘટના સ્થળેથી મિલન સાથે તેના સાથીદાર તન્મયકુમાર પટેલની ધરપકડ કરી હતી. આરોપી મિલનની પૂછપરછમાં હાઈબ્રિડ ગાંજો તેને વાપીના આતિફે પહોંચાડી હતી. જેથી પોલીસે આતિફને વોન્ટેડ જાહેર કર્યો હતો. જ્યારે ઝોમ્બી ઈ સિગારેટ ડાર્ક વેબથી મંગાવી હતી. પોલીસે ઘટના સ્થળેથી હાઈબ્રિડ ગાંજો, ઈ સિગારેટ અને મોબાઈલ ફોન મળી કુલ 28.15 લાખ રૂપિયાનો મુદ્દામાલ કબ્જે કર્યો હતો. સાથે જ સમગ્ર મુદ્દે SMC પોલીસ મથકે ધી નાર્કોટિક્સ ડ્રગ્સ એન્ડ સાયકોટ્રોપિક સબસ્ટેન્સ એક્ટ (NDPS) અને ધી પ્રોહીબિશન એક્ટ ઇલેક્ટ્રોનિક સિગારેટ એક્ટ હેઠળ ગુનો નોંધી આગળની તપાસ આરંભી છે. ઉલ્લેખનિય છે કે, ગાંજાના સક્રિય ઘટક ધરાવતી ઝોમ્બી ઈ સિગારેટ પકડાયાનો આ ગુજરાતનો પ્રથમ ગુનો છે.
નવસારી જિલ્લામાં સાર્વત્રિક વરસાદ, 5 તાલુકાઓમાં અડધો ઇંચથી વધુ વરસાદ નોંધાયો
દેવધા સ્થિત દેવસરોવર ડેમના 20 દરવાજા ખોલાયા, 20 બાકી
નવસારીમાં 45 ગ્રામ પંચાયતોમાં સામાન્ય અને 14 ગ્રામ પંચાયતોમાં પેટા ચુંટણી
-
ગુજરાત10 months agoધોડિયા સમાજના તેજસ્વી તારલાઓનો સન્માન સમરોહ યોજાયો
-
ગુજરાત4 months agoઅમદાવાદમાં બુલેટ ટ્રેનની કામગીરી દરમિયાન વિશાળ ક્રેન સરકી જતા પડી, 2 ઘાયલ
-
અવર્ગીકૃત10 months agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
ગુજરાત1 year agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
અપરાધ11 months agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
ગુજરાત6 months agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન
-
અપરાધ10 months agoહાઈવે પર પરથાણ પાટિયા પાસેથી 7.76 લાખના વિદેશી દારૂ ભરેલા ટ્રક સાથે ચાલક પકડાયો
-
અપરાધ6 years ago?????????????????????????????? ????????????????????? 7 ?????????????????? ?????????