ગુજરાત
નવસારી દરિયામાં બિપરજોયની અસર શરૂ, દરિયમાં ઓટના સમયે ભરતી જેવી સ્થિતિ
દરિયા કિનારે સહેલાણીઓ પર પ્રતિબંધ છતાં દરિયે સેલ્ફી લેતા જણાયા
નવસારી : અરબ સાગરમાં ઉઠેલા બિપરજોય વાવઝોડાની આજથી અસર જોવા મળી રહી છે. દરિયામાં સવારે ઓટ હોય છે, જેથી દરિયો અંદર તરફ વધુ હોય છે. પરંતુ વાવાઝોડાની અસરને કારણે દરિયામાં કરંટ સાથે ઉંચા મોજા ઉછળ્યા હતા અને દરિયામાં ભરતી હોય એવી સ્થિતિ જણાઈ હતી. બીજી તરફ સંભવિત વાવાઝોડુ કિનારે અથડાવાની સંભાવના જોતા સહેલાણીઓ માટે દરિયા કિનારે પ્રતિબંધ હોવા છતાં દાંડીના દરિયે સહેલાણીઓ આરામથી બેઠા હતા અને સેલ્ફી લેતા જણાયા હતા.
બિપરજોય વાવાઝોડાની 10, 11 અને 12 જૂન સુધીમાં દરિયા કાંઠે અથડાવાની વકી
અરબ સાગરમાં બનેલું ડીપ ડિપ્રેશન હવે વાવાઝોડામાં ફેરવાયું છે. વાવાઝોડાને બિપરજોય નામ આપવામાં આવ્યું છે અને ઝડપથી વાવાઝોડુ ગુજરાતના દરિયા કિનારા તરફ આગળ વધી રહ્યું હોવાની આગાહી કરવામાં આવી હતી. ખાસ કરીને 10, 11 અને 12 જૂન દરમિયાન બિપરજોય ગુજરાતના દરિયા કાંઠે અથડાઈ એવી ભીતિ સેવવામાં આવી હતી. પરંતુ વાવાઝોડુ પાકિસ્તાન તરફ ફંટાય એવી પણ શક્યતાઓ જોવાઈ રહી છે. જોકે આજે નવસારીના 52 કિમીના દરિયા કાંઠે સંભવિત વાવાઝોડાની અસર જોવા મળી હતી. દરિયામાં કરંટ હતો અને ઉંચા ઉછળતા મોજા જોતા દરિયામાં ઓટ નહીં, પણ ભરતી હોય એવી સ્થિતિ જોવાઈ હતી.
દરિયા કાંઠે જવા સહેલાણીઓ પર પ્રતિબંધ, પણ દરિયે સહેલાણીઓ જોવા મળ્યા
વાવાઝોડાની સંભાવનાને જોતા ગત રોજ નવસારી જિલ્લા અધિક કલેકટર કેતન જોશીએ જિલ્લાના પ્રવાસન સ્થળ ઐતિહાસિક દાંડી અને ઉભરાટ દરિયા કિનારે સહેલાણીઓ પર પ્રતિબંધ મૂકવામાં આવ્યો હતો. પ્રતિબંધના અમલ માટે પૂરતો પોલીસ બંદોબસ્ત પણ રાખવાની વ્યવસ્થા કરવા સૂચના આપી હતી. પરંતુ આજે સવારે ઐતિહાસિક દાંડીના દરિયા કિનારે સહેલાણીઓ આરામથી કિનારે બેઠા જણાયા હતા. ઘણા સહેલાણીઓ દરિયામાં ઠંડા પવનો અને ઉંચા ઉછળતા મોજાની મજા સાથે સેલ્ફી લેતા પણ જોવા મળ્યા હતા. જોકે દરિયા કિનારે પહોંચેલા હોમગાર્ડ જવાનોએ સહેલાણીઓને કિનારેથી બહાર કાઢ્યા હતા.
વાવાઝોડાને પગલે જિલ્લા તંત્ર એલર્ટ
સંભવિત બિપરજોય વાવઝોડાની આગાહીને પગલે નવસારી જિલ્લા વહીવટી તંત્ર પણ સાબદુ થયુ છે. ગત દિવસોમાં માછીમારોને દરિયો ન ખેડવાની સૂચના સાથે જ દરિયામાં ગયેલી બોટને પણ પરત બોલાવી લેવામાં આવી હતી. જ્યારે જિલ્લાના વર્ગ 1 ના અધિકારીને યાલઝનિંગ ઓફિસર તરીકે નિયુક્ત કરી તાલુકા હેડકવાર્ટ્સ પર સ્ટેન્ડ બાય કરાયા છે. જેની સાથે ગામના તલાટીઓને પણ દરિયાની સ્થિતિ પર નજર અને લોકોને દરિયાથી દૂર રાખવા સૂચના આપવામાં આવી છે. કદાચ વાવાઝોડાને કારણે ભારે પવન ફૂંકાય, વરસાદ પડે અને સ્થળાંતરની જરૂર પડે, તો આશ્રય સ્થાનો પણ નક્કી કરાયા છે. જોકે વાવાઝોડુ આવે એવી સંભાવના નહીવત જોવાઈ રહી છે.
ઝોમ્બી ઈ સિગારેટ પકડવાનો ગુજરાતનો પ્રથમ કિસ્સો
નવસારી : નવસારીના ચાપલધરા ગામે હાઈબ્રિડ ગાંજો અને ઝોમ્બી ઈ સિગારેટનું વેચાણ થતુ હોવાની બાતમીને આધારે સ્ટેટ મોનીટરીંગ સેલ પોલીસની ટીમે ગત રોજ છાપો મારી બેની ધરપકડ કરી હતી. પોલીસે ઘટના સ્થળેથી 28.15 લાખનો મુદ્દામાલ કબ્જે કર્યો હતો.
SMC પોલીસે વાપીના આતિફને વોન્ટેડ જાહેર કર્યો
મળતી માહિતી અનુસાર, સ્ટેટ મોનીટરીંગ સેલ પોલીસની ટીમને ચોક્કસ બાતમી મળી હતી કે, નવસારી જિલ્લાના વાંસદા તાલુકાના ચાપલધરા ગામે રહેતો મિલન ધનગર હાઈબ્રિડ ગાંજાનું વેચાણ કરે છે. જેને આધારે ગત રોજ SMC ના PI સી. એચ. પનારા અને તેમની ટીમે ચાપલધરા ગામના વચલા ફળિયા, અંબા માતાજી મંદિર પાછળ રહેતા મિલન ધનગરના ઘરે છાપો માર્યો હતો. છાપા દરમિયાન પોલીસને મિલન પાસેથી 8 લાખ રૂપિયાનો 80 ગ્રામ હાઈબ્રિડ ગાંજો જથ્થો મળી આવ્યો હતો. જેની સાથે જ ગાંજાના સક્રિય ઘટકની હાજરીવાળી (THC) 20 લાખ રૂપિયાની 20 ઈ સિગારેટ પણ મળી આવી હતી. પોલીસે ઘટના સ્થળેથી મિલન સાથે તેના સાથીદાર તન્મયકુમાર પટેલની ધરપકડ કરી હતી. આરોપી મિલનની પૂછપરછમાં હાઈબ્રિડ ગાંજો તેને વાપીના આતિફે પહોંચાડી હતી. જેથી પોલીસે આતિફને વોન્ટેડ જાહેર કર્યો હતો. જ્યારે ઝોમ્બી ઈ સિગારેટ ડાર્ક વેબથી મંગાવી હતી. પોલીસે ઘટના સ્થળેથી હાઈબ્રિડ ગાંજો, ઈ સિગારેટ અને મોબાઈલ ફોન મળી કુલ 28.15 લાખ રૂપિયાનો મુદ્દામાલ કબ્જે કર્યો હતો. સાથે જ સમગ્ર મુદ્દે SMC પોલીસ મથકે ધી નાર્કોટિક્સ ડ્રગ્સ એન્ડ સાયકોટ્રોપિક સબસ્ટેન્સ એક્ટ (NDPS) અને ધી પ્રોહીબિશન એક્ટ ઇલેક્ટ્રોનિક સિગારેટ એક્ટ હેઠળ ગુનો નોંધી આગળની તપાસ આરંભી છે. ઉલ્લેખનિય છે કે, ગાંજાના સક્રિય ઘટક ધરાવતી ઝોમ્બી ઈ સિગારેટ પકડાયાનો આ ગુજરાતનો પ્રથમ ગુનો છે.
નેશનલ હેરાલ્ડ કૌભાંડમાં રાહુલ – સોનિયા ગાંધી સામે ED એ ચાર્જશીટમાં લગાવ્યા આરોપ
નવસારી : નેશનલ હેરાલ્ડ કૌભાંડમાં ED દ્વારા ચાર્જશીટમાં કોંગ્રેસના દિગ્ગજ નેતા સોનિયા ગાંધી અને લોકસભાના વિપક્ષી નેતા રાહુલ ગાંધીના ઉપર આરોપ મઢતા, કોંગ્રેસે ષડયંત્રના આક્ષેપ સાથે ED કાર્યાલય સામે કરેલા વિરોધને ભાજપે વખોડી સામે વિરોધ નોંધાવ્યો હતો. નવસારી જિલ્લા ભાજપ યુવા મોર્ચાએ પણ શહેરના જુનાથાણા સર્કલ પાસે કોંગ્રેસના વિરોધને ખોટો ગણાવી, તેની સામે સૂત્રોચ્ચાર સાથે વિરોધ પ્રદર્શન કર્યુ હતુ.
કોંગ્રેસે ન્યાયતંત્ર ઉપર વિશ્વાસ રાખી તપાસમાં સહયોગ કરવો જોઈએ – ભાજપ
નેશનલ હેરાલ્ડ કૌભાંડ પ્રકરણમાં ED દ્વારા કોંગ્રેસના પૂર્વ અધ્યક્ષા સોનિયા ગાંધી અને લોકસભાના વિપક્ષી નેતા રાહુલ ગાંધી સામે આરોપ મઢેલી ચાર્જશીટ કોર્ટમાં રજૂ કરતા, કોર્ટે આગામી 25 એપ્રિલે સુનવણી આપી છે. ED એ સોનિયા અને રાહુલ ગાંધી સામે આરોપ મઢતા કોંગ્રેસમાં ભૂકંપ જેવી સ્થિતિ બની છે, કોંગ્રેસે ઉગ્રતાથી સમગ્ર પ્રકરણમાં બદલાની ભાવનાથી કાર્યવાહી થતી હોવાના આક્ષેપ સાથે ED કાર્યાલય સામે વિરોધ પ્રદર્શન કર્યુ હતુ. જેની સામે ભાજપે પણ ન્યાયતંત્રમાં વિશ્વાસ રાખો સૂર સાથે કોંગ્રેસના વિરોધને વખોડી સામે વિરોધ નોંધાવ્યો હતો. જેમાં નવસારી જિલ્લા યુવા મોર્ચાએ જિલ્લા ભાજપ પ્રમુખ ભુરાલાલ શાહની આગેવાનીમાં નવસારી શહેરના જુનાથાણા સર્કલ પાસે ભેગા થઈ સૂત્રોચ્ચાર કરી, વિરોધ પ્રદર્શન કર્યુ હતુ. સાથે જ કોંગ્રેસે ન્યાયતંત્ર ઉપર વિશ્વાસ રાખી તપાસમાં સહકાર આપવો જોઈએની વાત કરી કોંગ્રેસના વિરોધને વખોડી કાઢ્યો હતો.
DGVCL દ્વારા જબરદસ્તી સ્માર્ટ મીટર લગાવવામાં આવતા હોવાના આક્ષેપો
નવસારી : દક્ષિણ ગુજરાત વીજ કંપની દ્વારા નવસારી જિલ્લાના ગ્રાહકોને ત્યાં સ્માર્ટ મીટર લગાવવાની કામગીરી હાથ ધરવામાં આવી છે, પરંતુ ગ્રાહકોની જાણ બહાર સ્માર્ટ મીટર લગાવવામાં આવતા લોકોમાં રોષ ફેલાયો છે. નવસારીના ઘેલખડીમાં વિરોધ થયા બાદ બીલીમોરા શહેરના વાલ્મિકી વાસમાં પણ જબરદસ્તી સ્માર્ટ મીટર લગાવતા વીજ કંપનીના કર્મચારીઓનો સ્થાનિકોએ વિરોધ કરી કામગીરી અટકાવી હતી.
બીલીમોરા શહેરમાં અંદાજે 1500 સ્માર્ટ મીટર લાગી ગયા
ડિજીટલ યુગમાં દરેક વસ્તુઓ સ્માર્ટ થઈ રહી છે. જેમાં સરકારો પણ સ્માર્ટ થવાનો પ્રયાસ કરી રહી છે, ત્યારે ગુજરાત સરકાર હસ્તકની વીજ કંપનીઓ દ્વારા બીલની ઝંઝટમાંથી બહાર નીકળવા અને વીજ વપરાશ ઘટાડવા માટે ડીજીટલ એટલે કે સ્માર્ટ મીટર લગાવવાની શરૂઆત કરી છે. જેમાં સ્માર્ટ મીટરમાં વધારે યુનિટ ફરી જતા ગ્રાહકોને બે મહિનાના બીલના રૂપિયા થોડા દિવસોમાં જ વપરાય જતા હોવાની ફરિયાદો ઉઠી હતી. દરમિયાન છેલ્લા થોડા દિવસોથી નવસારી જિલ્લામાં પણ દક્ષિણ ગુજરાત વીજ કંપની દ્વારા સ્માર્ટ મીટર લગાવવાની શરૂઆત કરી છે. જેમાં ગત રોજ નવસારી શહેરના ઘેલખડી વિસ્તારમાં આવેલ ચોકલેટ હાઉસિંગ સોસાયટીમાં જબરદસ્તી લગાવવામાં આવેલા સ્માર્ટ મીટર દૂર કરવાની સ્થાનિકોએ માંગ કરી હતી. ત્યારે આજે બીલીમોરા શહેરના વાલ્મિકી વાસમાં પણ DGVCL ના અધિકારીઓ કર્મચારીઓએ કોઈપણ પ્રકારની જાણ કર્યા વિના જબરદસ્તીથી ગ્રાહકોના જૂના મીટર કાઢી નવા સ્માર્ટ મીટર લગાવી દીધાના આક્ષેપો સાથે સ્થાનિકોએ વિરોધ નોંધાવ્યો હતો. જેમાં DGVCL ના અધિકારીઓ અને કર્મીઓ સાથે સ્થાનિકોની ઉગ્ર બોલાચાલી પણ થઈ હતી અને લોકોએ સ્માર્ટ મીટર લગાવવાની કામગીરીને અટકાવી દીધી હતી. સાથે જ વાલ્મિકી વાસના જે 15 થી 20 ઘરોમાં સ્માર્ટ મીટર લગાવવામાં આવ્યા હતા એને પણ કાઢી લેવાની માંગ કરી હતી. જોકે DGVCL ના અધિકારીએ તેમની પાસે સ્માર્ટ મીટર લગાવવા ભારત સરકારનો રાજપત્ર હોવાની વાત કરી, દરેક ગ્રાહકને ત્યાં સ્માર્ટ મીટર લગાવવા તૈયારી દર્શાવી હતી. જયારે બીલીમોરા શહેરમાં અત્યાર સુધીમાં અંદાજે 1500 ગ્રાહકોને ત્યાં સ્માર્ટ મીટર લાગી ગયા હોવાની માહિતી આપી હતી. પરંતુ લોકોના વિરોધને પગલે હાલ વીજ કંપનીના અધિકારીઓ કર્મચારીઓએ પણ કામગીરી રોકવાની ફરજ પડી હતી.
વાંસદાના ચાપલધરા ગામેથી હાઈબ્રિડ ગાંજા અને ઝોમ્બી ઈ સિગારેટ સાથે બે ઝડપાયા
નવસારીના આશાપુરી માતાજી મંદિર પાછળ ઉભેલી કારમાં લાગી આગ
ED સામેના કોંગ્રેસના વિરોધને ભાજપે વખોડી, સૂત્રોચ્ચાર સાથે નોંધાવ્યો વિરોધ
-
ગુજરાત7 months agoધોડિયા સમાજના તેજસ્વી તારલાઓનો સન્માન સમરોહ યોજાયો
-
અવર્ગીકૃત7 months agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
ગુજરાત1 year agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
અપરાધ8 months agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
અપરાધ7 months agoહાઈવે પર પરથાણ પાટિયા પાસેથી 7.76 લાખના વિદેશી દારૂ ભરેલા ટ્રક સાથે ચાલક પકડાયો
-
ગુજરાત3 months agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન
-
અપરાધ6 years ago?????????????????????????????? ????????????????????? 7 ?????????????????? ?????????
-
અપરાધ2 months agoનવસારી અને બીલીમોરામાં ગુનાખોરીને ડામવા જિલ્લા પોલીસનું કોમ્બિંગ