દક્ષિણ-ગુજરાત
નવસારી જિલ્લા ચેમ્બર ઓફ કોમર્સ એન્ડ ઇન્ડસ્ટ્રીઝના નવનિયુક્ત પ્રમુખ અને ટીમે પદભાર સંભાળ્યો
કેન્દ્રના જળશક્તિ મંત્રી અને નવસારીના સાંસદ સી.આર. પાટીલ ખાસ ઉપસ્થિત રહ્યા
નવસારી : નવસારી જિલ્લા ચેમ્બર ઓફ કોમર્સ એન્ડ ઇન્ડસ્ટ્રીઝના નવનિયુક્ત પ્રમુખ અને તેમની ટીમે કેન્દ્ર સરકારના જળ શક્તિ મંત્રાલયના કેબીનેટ મંત્રી અને નવસારીના સાંસદ સી. આર. પાટીલની વિશેષ ઉપસ્થિતિમાં આગામી બે વર્ષના કાર્યકાળ માટે પદભાર સંભાળ્યો હતો.
10 વર્ષ બાદ યોજાયેલી ચૂંટણીમાં જીત મેળવ્યાના છ મહિના પછી યોજાયો પદગ્રહણ સમારોહ
નવસારી જિલ્લા ચેમ્બર ઓફ કોમર્સ એન્ડ ઇન્ડસ્ટ્રીઝની ચૂંટણી છ મહિના અગાઉ યોજાઇ હતી. જેમાં મહાજન પેનલ સામે વિકાસ પેનલે મેદાનમાં ઉતરી ટક્કર આપતા 10 વર્ષ બાદ ચૂંટણીનો રંગ જામ્યો હતો. ગત 25 ફેબ્રુઆરીના રોજ યોજાયેલી ચૂંટણીમાં મહાજન પેનલના સાતેય ઉમેદવારોની જીત થઈ હતી. પરંતુ નવસારી જિલ્લા ચેમ્બર ઓફ કોમર્સ એન્ડ ઇન્ડસ્ટ્રીઝના હોદ્દેદારો ચૂંટાયા બાદ લોકસભા ચૂંટણી જાહેર થતા, નવનિયુક્ત પ્રમુખ રાજેન્દ્ર દેરાસરિયા અને તેમની ટીમનો પદગ્રહણ અટકી ગયો હતો. જોકે છ મહિના બાદ આજે નવસારીના સાંસદ, ગુજરાત પ્રદેશ પ્રમુખ અને કેન્દ્ર સરકારમાં જળશક્તિ મંત્રાલયના કેબીનેટ મંત્રી સી. આર. પાટીલની ઉપસ્થિતિમાં પદગ્રહણ સમારોહ યોજાયો હતો. જેમાં ગુજરાત સરકારના નાણા અને ઊર્જા મંત્રી કનુ દેસાઈ પણ ખાસ ઉપસ્થિત રહ્યા હતા. સમારોહમાં કેન્દ્રીય મંત્રી સી. આર. પાટીલના હસ્તે ઔદ્યોગિક ક્ષેત્રે શ્રેષ્ઠ કામગીરી કરનારા નવસારીના ઉદ્યોગકારોને શાલ અને મોમેન્ટો આપી સન્માનિત કરાયા હતા. જેની સાથે જ નવસારી જિલ્લા ચેમ્બર ઓફ કોમર્સ એન્ડ ઇન્ડસ્ટ્રીઝની નવનિયુક્ત ઉત્સાહિત ટીમના પ્રમુખ રાજેન્દ્ર દેરાસરિયાને કેન્દ્રીય મંત્રી સી. આર. પાટીલના હસ્તે પદગ્રહણ કરાવવામાં આવ્યુ હતુ. સાથે જ સમારોહમાં ઉપસ્થિત નાણામંત્રી સહિત ધારાસભ્યો અને મહાનુભાવોના હસ્તે ચેમ્બરના અન્ય હોદ્દેદારોને પણ પદગ્રહણ કરાવવામાં આવ્યા હતા.
ઉદ્યોગ ન હોવાને કારણે નવસારીનો ગ્રોથ નથીની વાત પોકળ, નવસારીના ઉદ્યોગકારો આપી રહ્યા છે હજારો રોજગાર – સી. આર. પાટીલ
આ પ્રસંગે કેન્દ્રીય મંત્રી સી. આર. પાટીલે નવસારી જિલ્લાનો ઉદ્યોગ નહીં હોવાને કારણે ગ્રોથ નહીં થતો હોવાની ચર્ચાઓને નિરર્થક ગણાવી હતી. કારણ નવસારીમાં એવા ઘણા ઉદ્યોગો આવ્યા છે અને નવસારીના સાહસી ઉદ્યોગકારો હજારો લોકોને નોકરી આપી રહ્યા છે. સાથે જ આ ઉદ્યોગકારો નવસારી અને ગુજરાત જ નહીં, પરંતુ દેશ અને દુનિયામાં પોતાનો ડંકો વગાડી રહ્યા છે. જ્યારે નવસારીના કાંઠા વિસ્તારમાં નિર્માણ થવા જઇ રહેલા PM મિત્રા પાર્કના કાર્યરત થતા જ નવસારીમાં રોજગારીની મોટી તકો ઊભી થશે. જ્યારે નવસારી મહાનગરપાલિકા બની છે, જેથી શહેરના વિકાસ સાથે પણ નવી તકો નવસારીજનો માટે ઊભી થશે અને તેના થકી નવસારી વિકાસના પંથે ડગ માંડતું થશે, એવી આશા વ્યક્ત કરી હતી. જ્યારે નવસારીજનો વરસાદી પાણીના સંગ્રહને ગંભીરતાથી લેતા થાય અને પાણીના બચાવ સાથે તેનો સંગ્રહ પણ કરે એ માટે હાંકલ કરી હતી.
મંત્રી, ધારાસભ્યો અને ઉદ્યોગકારો રહ્યા ઉપસ્થિત
નવસારી જિલ્લા ચેમ્બર ઓફ કોમર્સ એન્ડ ઇન્ડસ્ટ્રીઝના પદગ્રહણ સમારોહમાં કેન્દ્રીય મંત્રી સી. આર. પાટીલ, ગુજરાતના નાણામંત્રી કનુ દેસાઈ, નવસારીના ધારાસભ્ય રાકેશ દેસાઈ, ગણદેવીના ધારાસભ્ય નરેશ પટેલ, જિલ્લા ભાજપ પ્રમુખ ભુરાલાલ શાહ, વરાછા કો. ઓપરેટિવ બેન્કના ચેરમેન કાનજી ભાલાળા, યુરો ફૂડ્સ લિમિટેડના ચેરમેન મનહર સાસપરા, NJ ગ્રુપના કો. ફાઉન્ડર જીગ્નેશ દેસાઈ, ચેમ્બર્સ ઓફ કોમર્સના પૂર્વ પ્રમુખ ભરત સુખડિયા, પૂર્વ ધારાસભ્ય પિયુષ દેસાઈ સહિતના મહાનુભાવો, ચેમ્બરના પદાધિકારીઓ અને મોટી સંખ્યામાં નવસારીના ઉદ્યોગકારો ઉપસ્થિત રહ્યા હતા.
નવસારી
વાયરલ રીલનો ક્રેઝ કે અકસ્માતને આમંત્રણ?નવસારીના રેલ્વે ઓવરબ્રિજ પર યુવાનોનો જોખમી ‘બાહુબલી’ સ્ટંટ
ચીરપાડા ફળિયામાં બે દિવસથી ચાલતા ‘દીપડા રાજ’નો વન વિભાગની ત્વરિત કામગીરીથી આવ્યો અંત
નવસારી : નવસારી જિલ્લાના ચીખલી તાલુકા સ્થિત રૂમાલા ગામના ચીરપાડા ફળિયામાં પાછલા બે દિવસથી ભયનો માહોલ સર્જનાર કદ્દાવર દીપડો આખરે વન વિભાગના પાંજરે પુરાતા જ સ્થાનિક ગ્રામજનોએ ભારે રાહત અનુભવી છે.
શિકારની શોધમાં નીકળેલો વનરાજ પાંજરે પુરાયો, ગ્રામજનોના ટોળા ઉમટ્યા
છેલ્લા બે દિવસથી નવસારીના ચીખલી તાલુકાના રૂમાલા ગામના ચીરપાડા ફળિયા આસપાસ દીપડાની સક્રિય હિલચાલ જોવા મળતા સ્થાનિકોમાં ગભરાટ વ્યાપી ગયો હતો. માનવ-વન્યજીવ સંઘર્ષની શક્યતાને ધ્યાને રાખી ગ્રામજનોએ તુરંત ચીખલી વન વિભાગને જાણ કરી હતી. વન વિભાગની ટીમે ત્વરિત પગલાં ભરીને સ્થાનિક નીલેશ દેશમુખના વાડામાં વ્યૂહાત્મક રીતે પાંજરૂ ગોઠવ્યું હતું. મોડી રાત્રે ખોરાક અને શિકારની શોધમાં આવેલો આ કદ્દાવર દીપડો પાંજરામાં કેદ થઈ ગયો હતો. સવારે દીપડો પાંજરે પુરાયાના સમાચાર ફેલાતા જ આ અદભૂત વન્યજીવને જોવા માટે ગ્રામજનોના ટોળાં ઉમટી પડ્યા હતા. વન વિભાગે સ્થળ પર પહોંચીને દીપડાનો સુરક્ષિત કબજો મેળવી તેને ચીખલી ખાતે ખસેડ્યો હતો. વન્યજીવ તબીબો દ્વારા દીપડાનું પ્રાથમિક આરોગ્ય પરીક્ષણ કર્યા બાદ તેને તેના પ્રાકૃતિક નિવાસસ્થાન એવા ઊંડા જંગલ વિસ્તારમાં મુક્ત કરવાની તજવીજ હાથ ધરવામાં આવશે .
મુખ્ય ચૂંટણી કમિશ્નર જ્ઞાનેશકુમારના રાજીનામાની માંગ, જિલ્લા કોંગ્રેસ પ્રમુખ શૈલેષ પટેલ સહિતના કાર્યકરો ડિટેન
નવસારી : ભારતના મુખ્ય ચૂંટણી કમિશ્નર જ્ઞાનેશકુમારની કામગીરી સામે આયોગના જ અન્ય બે કમિશ્નરો દ્વારા ગંભીર આરોપો મુકાતાં સમગ્ર દેશમાં રાજકીય ગરમાવો વ્યાપી ગયો છે. દેશભરમાં વિપક્ષો દ્વારા EVM અને ચૂંટણી પંચની નિષ્પક્ષતા સામે સવાલો ઉઠાવીને વિરોધ પ્રદર્શન કરવામાં આવી રહ્યા છે, જેમાં આજે નવસારી કોંગ્રેસ દ્વારા નવસારી કલેક્ટર કચેરી નજીક ઉગ્ર સૂત્રોચ્ચાર સાથે વિરોધ પ્રદર્શન કર્યુ હતું. જોકે કોંગ્રેસીઓ રસ્તા પર પહોંચતા જ પોલીસે જિલ્લા પ્રમુખ શૈલેષ પટેલ સહિતના કાર્યકરોને ડિટેન કર્યા હતા.
મુખ્ય ચૂંટણી કમિશ્નરના રાજીનામા અને પુનઃ ચૂંટણીની માંગ સાથે વિરોધ
પ્રદર્શન દરમિયાન કોંગ્રેસી કાર્યકરોએ મુખ્ય ચૂંટણી કમિશ્નર જ્ઞાનેશકુમારના ફોટા સળગાવીને અને પ્લેકાર્ડ દર્શાવીને પોતાનો આક્રોશ વ્યક્ત કર્યો હતો. આ તકે આગેવાનોએ આરોપ લગાવ્યો હતો કે ચૂંટણી આયોગ વર્તમાન મોદી સરકાર સાથે મળીને બંધારણીય મર્યાદાઓનું ઉલ્લંઘન કરી રહ્યું છે. જ્ઞાનેશકુમાર તાત્કાલિક ધોરણે પોતાના પદ પરથી રાજીનામું આપે તેમજ તેમના કાર્યકાળ દરમિયાન યોજાયેલી ચૂંટણીઓની તટસ્થ સમીક્ષા કરવામાં આવે તેવી માંગ કરવામાં આવી હતી. આ ઉપરાંત, કોંગ્રેસે પશ્ચિમ બંગાળ અને બિહારમાં ફરીથી ચૂંટણીઓ યોજવાની સ્પષ્ટ માંગણી રજૂ કરી હતી.
રસ્તા પર ચક્કાજામના પ્રયાસ બાદ પોલીસ કાર્યવાહી : તમામ અગ્રણીઓ ડિટેન
કલેક્ટર કચેરીથી થોડે દૂર હાથ ધરાયેલા આ વિરોધ પ્રદર્શન દરમિયાન કાર્યકરો આવેશમાં આવીને રસ્તા પર પહોંચી ગયા હતા અને વાહનવ્યવહાર ઠપ્પ કરવાનો (ચક્કાજામ) પ્રયાસ કર્યો હતો. સ્થિતિ વણસતી જોઈને ઘટનાસ્થળે હાજર પોલીસે ત્વરિત પગલાં ભરી, પરમિશન વિના વિરોધ કરી રહેલા કોંગી કાર્યકરોની અટકાયત કરી હતી. પોલીસે નવસારી જિલ્લા કોંગ્રેસ પ્રમુખ શૈલેષ પટેલ, શહેર કોંગ્રેસ પ્રમુખ દીપક બારોટ, કાર્યકારી પ્રમુખ રાજન જોષી, મહિલા કોંગ્રેસ પ્રમુખ સમીરા શેખ, પ્રભા વલસાડીયા, યુથ કોંગ્રેસ પ્રમુખ આદિલ શાહ સહિત મનીષ બારોટ, એ.ડી. પટેલ અને વીરેન્દ્રભાઈ દેસાઈ જેવા વરિષ્ઠ નેતાઓ અને કાર્યકરોને ડિટેન કરીને પરિસ્થિતિ પર કાબૂ મેળવ્યો હતો.
વાયરલ રીલનો ક્રેઝ કે અકસ્માતને આમંત્રણ?નવસારીના રેલ્વે ઓવરબ્રિજ પર યુવાનોનો જોખમી ‘બાહુબલી’ સ્ટંટ
નવસારીના રૂમાલામાં દીપડો પાંજરે પુરાયો : ગ્રામજનોએ રાહતનો શ્વાસ લીધો
કોંગ્રેસનો હલ્લાબોલ: નવસારી કલેક્ટર કચેરી નજીક ચૂંટણી પંચ વિરૂદ્ધ ઉગ્ર પ્રદર્શન
-
ગુજરાત2 years agoધોડિયા સમાજના તેજસ્વી તારલાઓનો સન્માન સમરોહ યોજાયો
-
ગુજરાત2 years agoઅમદાવાદમાં બુલેટ ટ્રેનની કામગીરી દરમિયાન વિશાળ ક્રેન સરકી જતા પડી, 2 ઘાયલ
-
અવર્ગીકૃત2 years agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
દક્ષિણ-ગુજરાત2 years ago
વિજલપોરમાં 7 તળાવો, બેમાં પાણી, પણ 5 તળાવો ખાલીખમ
-
ગુજરાત3 years agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
ગુજરાત1 year agoવર્ષ 2010 પૂર્વે નિયુક્તિ પામેલા શિક્ષકોને TET માંથી મુકિતની માંગ
-
અપરાધ2 years agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
ગુજરાત2 years agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન