અપરાધ
ગણદેવીના અજરાઈ ગામ નજીક પુર ઝડપે દોડતી કાર ત્રણ ઢોર સાથે અથડાઈ
અકસ્માતમાં ત્રણ ઢોરના મોત, કાર ચાલક ઘાયલ
નવસારી : નવસારી-ગણદેવી માર્ગ પર ગણદેવીના અજરાઈ ગામ નજીક આજે વહેલી સવારે પુર ઝડપે નવસારી તરફ દોડી રહેલી કારના ચાલકે રસ્તા પર રખડતા ઢોરને અડફેટે લેતા કારનો ખુરદો બોલી ગયો હતો, અકસ્માતમાં બે પાડા અને એક વાછરડાનું ઘટના સ્થળે જ મોત નીપજ્યા હતા. જયારે કાર ચાલક ગંભીર રીતે ઘવાતા નજીકની ખાનગી હોસ્પિટલમાં ખસેડવામાં આવ્યો હતો.
ગણદેવી પાસે અડીંગો જમાવીને બેસી રહેતા ઢોર અકસ્માત નોતરે છે..!!
મળતી માહિતી અનુસાર, નવસારી ગણદેવી માર્ગ પર ગણદેવી આસપાસના વિસ્તારોમાં અને ખાસ કરીને રાજ્ય ધોરીમાર્ગ પર રખડતા કે રસ્તા પર અડીંગો જમાવીને બેસી રહેતા ઢોર અકસ્માત નોતરે છે. આજે પણ વહેલી સવારે 5 વાગ્યાના સુમારે ગણદેવીથી નવસારી આવી રહેલી એક કારના ચાલકે મળસ્કે અંધારામાં રખડતા ઢોર ન દેખાતા તેમને અડફેટે લીધા હતા. અકસ્માતમાં કારનો ખુરદો બોલી ગયો હતો અને કાર ચાલક ગંભીર રીતે ઘવાયો હતો. જયારે કાર સાથે અથડાતા બે પાડા અને એક વાછરડાનાં ઘટના સ્થળે જ કમકમાટીભર્યા મોત નીપજ્યા હતા. અકસ્માતનો અવાજ સંભાળીને ગ્રામજનો રસ્તા પર દોડી આવ્યા હતા અને કાર ચાલકને ઘાયલ હાલતમાં કારમાંથી બહાર કાઢી, નજીકની ખાનગી હોસ્પિટલમાં સારવાર અર્થે ખસેડ્યો હતો, જ્યાંથી વધુ સારવાર માટે બીલીમોરાની હોસ્પિટલમાં રીફર કરવામાં આવ્યો હતો. સવારે ઘટનાની જાણ થતા ઘટના સ્થળે પહોંચેલી ગણદેવી પોલીસે કાર અને મુર્તક ઢોરને રસ્તા પરથી ખસેડ્યા હતા. જયારે સમગ્ર મુદ્દે ફરિયાદ નોંધવાની તજવીજ હાથ હાથ ધરી હતી.
મૃતક ઢોર પાલતું હોવાનું ખુલ્યું
ગણદેવીના અજરાઈ ગામ નજીક અકસ્માતમાં મોતને ભેટલા ત્રણેય ઢોર પાલતું હોવાનું સામે આવ્યું હતું. ઢોરના કાનમાં ટેગિંગ કરવામાં આવ્યું હોવાથી પોલીસે આસપાસના ગ્રામ્ય વિસ્તારમાં ઢોર માલિકને શોધવાના પ્રયાસો પણ આરંભ્યા હતા. જોકે પાલતું ઢોર વહેલી સવારે રસ્તા પર કેવી રીતે પહોંચ્યા એની સામે પણ સ્થાનિકોમાં સવાલો ઉઠી રહ્યા છે.
અગાઉ પણ અકસ્માતમાં ઢોર મોતને ભેટ્યા હતા
ગણદેવી તાલુકામાં રખડતા ઢોરની મોટી સમસ્યા છે. ગણદેવીથી પસાર થતા રાજ્ય ધોરીમાર્ગ અને આંતરિક રસ્તાઓ પર મોટી સંખ્યામાં રખડતા ઢોર કે રસ્તા પર અડીંગો જમાવીને બેસી રહેતા લાવારીશ ઢોર અકસ્માત સર્જતા રહે છે. જેમાં ઘણા લોકો ઢોર સાથે અથડાઈને ઘાયલ થયા છે, તો કેટલાક જીવન મરણ વચ્ચે પણ પહોંચ્યા હતા. અગાઉ ગણદેવી ચાર રસ્તા પાસે જ ભારે વાહનની અડફટે ચઢતા 7 ઢોર મોતને ભેટ્યા હતા. ત્યારે તંત્ર રખડતા ઢોરને રસ્તા પરથી હટાવવા કોઈ ચોક્કસ નિયમ બનાવે અને તેની કડકાઈથી અમલવારી પણ કરે એવી લોક લાગણી ઉઠવા પામી છે.
પોલીસે દારૂ ભરાવનાર સહિત ત્રણ લોકોને વોન્ટેડ જાહેર કર્યા
નવસારી : નવસારીમાં નેશનલ હાઈવે બાદ હવે એક્સપ્રેસ હાઈવે પરથી પણ રોજના લાખોના વિદેશી દારૂની હેરાફેરી શરૂ થઈ છે. જેમાં નવસારી LCB પોલીસે મળેલી બાતમીને આધારે ગણદેવા ટોલનાકા નજીકથી 2.50 લાખ રૂપિયાનો વિદેશી દારૂ ભરેલ કાર સાથે ચાલકની ધરપકડ કરી હતી. જ્યારે દારૂ ભરાવનાર સહિત ત્રણ લોકોને વોન્ટેડ જાહેર કર્યા હતા.
પોલીસે ઘટના સ્થળેથી કુલ 7.55 લાખનો મુદ્દામાલ કબ્જે કર્યો
મળતી માહિતી અનુસાર, નવસારી લોકલ ક્રાઈમ બ્રાન્ચની ટીમ રવિવારે વહેલી સવારે પેટ્રોલીંગમાં હતી. દરમિયાન PC પ્રશાંત બહાદુરસિંહ અને જયેશ બાબુજીને સંયુક્ત રીતે બાતમી મળી હતી કે, વિદેશી દારૂનો જથ્થો ભરેલ એક સફેદ રંગની કાર એક્સપ્રેસ હાઈવે પરથી પસાર થનાર છે. જેને આધારે પોલીસે નવસારીના ગણદેવા સ્થિતિ એક્સપ્રેસ હાઈવેના ટોલનાકા પાસે ફિલ્ડીંગ ગોઠવી હતી. દરમિયાન બાતમીવાળી કાર આવતા પોલીસે તેને અટકાવી, તપાસ કરતા કારમાંથી 2.50 લાખ રૂપિયાની વ્હિસ્કી બીયરની કુલ 816 બાટલીઓ મળી આવી હતી. જેથી પોલીસે ચાલક અને વલસાડ જિલ્લાના ઉંમરગામમાં શિવશંખ સોસાયટીમાં રહેતા સૌરવ ધનજીત યાદવ (21) ની ધરપકડ કરી હતી. આરોપીની પૂછપરછમાં વિદેશી દારૂનો જથ્થો સુરતના અણવાલના બુટલેગર હુસેન શેખે ભરાવ્યો હતો અને કાર વાપી ઓવરબ્રિજ પાસે આપી ગયો હતો. જ્યારે દારૂનો જથ્થો સુરતના કામરેજ ઓવરબ્રિજ પાસે હુસેનના માણસને આપવાનો હતો. જેથી પોલીસે હુસેન શેખ, તેનો અજાણ્યો માણસ અને કારના માલિકને વોન્ટેડ જાહેર કર્યા હતા. પોલીસે ઘટના સ્થળેથી વિદેશી દારૂ સાથે 5 લાખની કાર અને એક મોબાઈલ ફોન મળી કુલ 7.55 લાખનો મુદ્દામાલ કબ્જે કરી ગણદેવી પોલીસ મથકે પ્રોહીબિશન એક્ટ હેઠળ ગુનો નોંધાવી તપાસને વેગ આપ્યો છે.
નવસારી ગ્રામ્ય પોલીસે અમદાવાદ રાજકોટ હાઇવે પર કલ્યાણગઢ ખાતેથી ઠગને પકડી પાડ્યો
નવસારી : નવસારીમાં વર્ષ 2023 માં રોયલ એગ્રો નામની દુકાન ખોલી, આશ્રમ માટે લાખોના પતરા અને ફર્નિચર ખરીદી તેના રૂપિયા નહીં આપી છેતરપિંડી કરનાર ઠગને નવસારી ગ્રામ્ય પોલીસે અમદાવાદ રાજકોટ હાઇવે પર કલ્યાણ ગઢ ખાતેથી પકડી પાડ્યો હતો. પોલીસે આરોપીની ધરપકડ કરી તપાસ આરંભી છે.
આરોપીએ ઉજ્જીવન સ્મોલ ફાઇનાન્સ બેંકના બંધ ખાતાના ચેક આપી કરી હતી છેતરપિંડી
મળતી માહિતી અનુસાર, નવસારીના કબીલપોર GIDC સ્થિત રુદ્ર કોમ્પલેક્ષમાં કચ્છના હરીશ વેલજી ભાનુશાળી અને યોગેશ ભગવાન પટેલ, અમદાવાદ ખાતે રહેતા રોહિત ઉર્ફે જગત ઉર્ફે જગદીશ તેમજ ખેડા જિલ્લાના નડિયાદ ખાતે રહેતા ભરત મણીલાલ પટેલ, આ ચારેય વ્યક્તિઓએ વર્ષ 2023 માં રોયલ એગ્રો નામની દુકાન શરૂ કરી હતી. ત્યારબાદ જાન્યુઆરી મહિનામાં હરીશ ભાનુશાળીએ વિજલપોર ખાતે આવેલ ખોડીયાર સ્ટીલ ઇન્ડસ્ટ્રીઝમાંથી ફર્નિચર લેવાની વાત કરી હતી. જેથી ખોડીયાર ઇન્ડસ્ટ્રીઝના માલિક દ્વારા તેમને ફર્નિચર બતાવી તેનું કુલ બિલ 1.91 લાખ રૂપિયા થતું હોવાનું કહી 50 ટકા એડવાન્સ આપવાની જણાવ્યું હતું. જેમાં પ્રથમ તેણે 5000 રૂપિયા ઓનલાઇન ટ્રાન્સફર કર્યા હતા. ત્યારબાદ ટેમ્પો સાથે ફર્નિચર લેવા પહોંચેલા હરીશ ભાનુશાળીએ ખોડીયાર ઇન્ડસ્ટ્રીઝના માલિકને વિશ્વાસમાં લઈ, 4 લાકડાના કબાટ, 4 બેડ, 3 ડ્રેસીંગ ટેબલ અને 4 ગાદલા ટેમ્પોમાં ભરાવી 1.85 લાખ રૂપિયાનો ઉજ્જીવન સ્મોલ ફાઇનાન્સ બેંકનો બંધ ખાતાનો ચેક આપી, ત્યાંથી રવાના થઈ ગયો હતો. એજ પ્રમાણે નવસારીની કબીલપોર GIDC માં આવેલ સત્યમ ઇન્ડસ્ટ્રીઝમાંથી આશ્રમમાં પતરા આપવાનું કહીને 3.72 લાખ રૂપિયાના પતરા ખરીદ્યા હતા અને એને પણ એ જ પ્રમાણે ઉજ્જીવન સ્મોલ ફાઇનાન્સ બેન્કનો બંધ ખાતાનો ચેક આપી પતરા ટેમ્પોમાં ભરાવી લઈ ગયા હતા. સમગ્ર પ્રકરણમાં બંને વેપારીઓને ચેક બાઉન્સ થતાં છેતરાયાનો અનુભવ થયો હતો. જેથી ખોડીયાર સ્ટીલ ઇન્ડસ્ટ્રીઝના કિશોર હાપલિયાએ તેમજ સત્યમ ઇન્ડસ્ટ્રીઝના રતિભાઈ ડોલરે નવસારી ગ્રામ્ય પોલીસ મથકે હરીશ ભાનુશાળી તેમજ તેના સાથીદારો સામે છેતરપિંડીની ફરિયાદ નોંધાવી હતી. જેની તપાસમાં હાલ નવસારી ગ્રામ્ય પોલીસને હ્યુમન ઇન્ટેલિજન્સ અને ટેકનિકલ સર્વેલન્સની મદદથી બાતમી મળી હતી કે, આ છેતરપિંડીના ગુનામાં સંડોવાયેલ આરોપી અને નડિયાદની મહાવીર સોસાયટીમાં રહેતો સુરેશ વાલજી ઇટાલીયા (47) હાલ અમદાવાદ રાજકોટ હાઇવે પર આવેલ કલ્યાણગઢ રાજગૃહ તીર્થ પાસે છે. જેથી ગ્રામ્ય પોલીસની એક ટીમ કલ્યાણગઢ ખાતે પહોંચી હતી અને આરોપી સુરેશ ઇટાલીયાને દબોચી લીધો હતો. પોલીસે છેતરપિંડીના ગુનામાં સુરેશ ઇટાલીયાને નવસારી લાવી, તેની ધરપકડ કરી આગળની તપાસને વેગ આપ્યો છે.
નવસારીના નાગધરા ગામેથી કદ્દાવર દીપડો પાંજરે પુરાયો
નવસારીના વોર્ડ નં. 13 માં પરિવારવાદના આક્ષેપ : કાર્યકરોએ ધારાસભ્યને કરી રજૂઆત
NMC ની પ્રથમ ચુંટણી : 1.87 લાખ મતદારો કરશે મતદાન
-
ગુજરાત2 years agoધોડિયા સમાજના તેજસ્વી તારલાઓનો સન્માન સમરોહ યોજાયો
-
ગુજરાત1 year agoઅમદાવાદમાં બુલેટ ટ્રેનની કામગીરી દરમિયાન વિશાળ ક્રેન સરકી જતા પડી, 2 ઘાયલ
-
અવર્ગીકૃત2 years agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
દક્ષિણ-ગુજરાત2 years ago
વિજલપોરમાં 7 તળાવો, બેમાં પાણી, પણ 5 તળાવો ખાલીખમ
-
ગુજરાત2 years agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
ગુજરાત7 months agoવર્ષ 2010 પૂર્વે નિયુક્તિ પામેલા શિક્ષકોને TET માંથી મુકિતની માંગ
-
અપરાધ2 years agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
ગુજરાત1 year agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન