અપરાધ
નવસારીના ખારેલ નજીકથી 5 લાખનો વિદેશી દારૂ ભરેલી ટ્રક સાથે ચાલકની ધરપકડ
પોલીસે દમણના બુટલેગરને વોન્ટેડ જાહેર કર્યો
નવસારી : નવસારી જિલ્લામાંથી પસાર થતા નેશનલ હાઇવે નં. 48 પરથી વિદેશી દારૂની હેરાફેરી થતી રહે છે. જેમાં આજે નવસારી LCB પોલીસે હાઈવે પર ગણદેવીનાં ખારેલ ઓવર બ્રીજ પાસેથી 5 લાખ રૂપિયાનો વિદેશી દારૂ ભરેલા ટેમ્પો સાથે ચાલકની ધરપકડ કરી હતી. સાથે જ દમણના બુટલેગરને વોન્ટેડ જાહેર કરી, તપાસને વેગ આપ્યો છે.
પોલીસે વિદેશી દારૂ સાથે કુલ 15 લાખથી વધુનો મુદ્દામાલ કબ્જે કર્યો
મળતી માહિતી અનુસાર, નવસારી જિલ્લામાંથી રોજના લાખો રૂપિયાના વિદેશી દારૂની હેરાફેરી થતી હોય છે. જેને નવસારી પોલીસ અટકાવાનો પ્રયાસ કરે છે, પણ વિદેશી દારૂના ખેપીયાઓ અવનવી રીતે દારૂનું વહન કરતા હોય છે. દરમિયાન આજે નવસારી લોકલ ક્રાઈમ બ્રાંચ પોલીસના HC વિપુલ નાનું અને PC ગોવિંદ રાજાને સંયુક્ત રીતે બાતમી મળી હતી કે, વલસાડ તરફથી વિદેશી દારૂનો જથ્થો ભરેલ એક ટેમ્પો સુરત તરફ જનાર છે. જેના આધારે પોલીસે નેશનલ હાઈવે નં. 48 પર ગણદેવીના ખારેલ નજીકના ઓવર બ્રીજના ઉત્તરી છેડે ફિલ્ડીંગ ગોઠવી હતી. દરમિયાન બાતમી વાળો ટેમ્પો આવતા જ પોલીસે તેને અટકાવી, તપાસ કરતા તેમાંથી પ્લાસ્ટિકની થેલીઓની પાછળ 93 પુઠાના બોક્ષમાં ભરેલ 5,05,200 રૂપિયાની વ્હીસ્કી બીયરની કુલ 2700 બાટલીઓ મળી આવી હતી. જેથી પોલીસે ટેમ્પો ચાલક અને દાદરા નગર હવેલીના દાદરા સ્થિત ડેમલી રોડ ખાતે કલ્પના કંપનીની સામે રહેતા 38 વર્ષીય આશિષ કિરીટ ભંડારીની ધરપકડ કરી હતી. આરોપી આશિષની પૂછપરછમાં વિદેશી દારૂ ભરેલો ટેમ્પો દમણના રણજીત પટેલે આપ્યો હોવાનું જણાવતા પોલીસે રણજીતને વોન્ટેડ જાહેર કરી, ઘટના સ્થળેથી વિદેશી દારૂ સાથે 10 લાખ રૂપિયાનો ટેમ્પો, 5500 રૂપિયાના બે મોબાઈલ ફોન, 350 પ્લાસ્ટિકની કોઠળીઓ મળી કુલ 15.10 લાખ રૂપિયાના મુદ્દામાલને કબ્જે કરી, ગણદેવી પોલીસ મથકમાં પ્રોહીબીશન એક્ટ હેઠળ ગુનો નોંધાવી તપાસને વેગ આપ્યો છે.
પોલીસે દારૂ ભરાવનાર સહિત ત્રણ લોકોને વોન્ટેડ જાહેર કર્યા
નવસારી : નવસારીમાં નેશનલ હાઈવે બાદ હવે એક્સપ્રેસ હાઈવે પરથી પણ રોજના લાખોના વિદેશી દારૂની હેરાફેરી શરૂ થઈ છે. જેમાં નવસારી LCB પોલીસે મળેલી બાતમીને આધારે ગણદેવા ટોલનાકા નજીકથી 2.50 લાખ રૂપિયાનો વિદેશી દારૂ ભરેલ કાર સાથે ચાલકની ધરપકડ કરી હતી. જ્યારે દારૂ ભરાવનાર સહિત ત્રણ લોકોને વોન્ટેડ જાહેર કર્યા હતા.
પોલીસે ઘટના સ્થળેથી કુલ 7.55 લાખનો મુદ્દામાલ કબ્જે કર્યો
મળતી માહિતી અનુસાર, નવસારી લોકલ ક્રાઈમ બ્રાન્ચની ટીમ રવિવારે વહેલી સવારે પેટ્રોલીંગમાં હતી. દરમિયાન PC પ્રશાંત બહાદુરસિંહ અને જયેશ બાબુજીને સંયુક્ત રીતે બાતમી મળી હતી કે, વિદેશી દારૂનો જથ્થો ભરેલ એક સફેદ રંગની કાર એક્સપ્રેસ હાઈવે પરથી પસાર થનાર છે. જેને આધારે પોલીસે નવસારીના ગણદેવા સ્થિતિ એક્સપ્રેસ હાઈવેના ટોલનાકા પાસે ફિલ્ડીંગ ગોઠવી હતી. દરમિયાન બાતમીવાળી કાર આવતા પોલીસે તેને અટકાવી, તપાસ કરતા કારમાંથી 2.50 લાખ રૂપિયાની વ્હિસ્કી બીયરની કુલ 816 બાટલીઓ મળી આવી હતી. જેથી પોલીસે ચાલક અને વલસાડ જિલ્લાના ઉંમરગામમાં શિવશંખ સોસાયટીમાં રહેતા સૌરવ ધનજીત યાદવ (21) ની ધરપકડ કરી હતી. આરોપીની પૂછપરછમાં વિદેશી દારૂનો જથ્થો સુરતના અણવાલના બુટલેગર હુસેન શેખે ભરાવ્યો હતો અને કાર વાપી ઓવરબ્રિજ પાસે આપી ગયો હતો. જ્યારે દારૂનો જથ્થો સુરતના કામરેજ ઓવરબ્રિજ પાસે હુસેનના માણસને આપવાનો હતો. જેથી પોલીસે હુસેન શેખ, તેનો અજાણ્યો માણસ અને કારના માલિકને વોન્ટેડ જાહેર કર્યા હતા. પોલીસે ઘટના સ્થળેથી વિદેશી દારૂ સાથે 5 લાખની કાર અને એક મોબાઈલ ફોન મળી કુલ 7.55 લાખનો મુદ્દામાલ કબ્જે કરી ગણદેવી પોલીસ મથકે પ્રોહીબિશન એક્ટ હેઠળ ગુનો નોંધાવી તપાસને વેગ આપ્યો છે.
નવસારી ગ્રામ્ય પોલીસે અમદાવાદ રાજકોટ હાઇવે પર કલ્યાણગઢ ખાતેથી ઠગને પકડી પાડ્યો
નવસારી : નવસારીમાં વર્ષ 2023 માં રોયલ એગ્રો નામની દુકાન ખોલી, આશ્રમ માટે લાખોના પતરા અને ફર્નિચર ખરીદી તેના રૂપિયા નહીં આપી છેતરપિંડી કરનાર ઠગને નવસારી ગ્રામ્ય પોલીસે અમદાવાદ રાજકોટ હાઇવે પર કલ્યાણ ગઢ ખાતેથી પકડી પાડ્યો હતો. પોલીસે આરોપીની ધરપકડ કરી તપાસ આરંભી છે.
આરોપીએ ઉજ્જીવન સ્મોલ ફાઇનાન્સ બેંકના બંધ ખાતાના ચેક આપી કરી હતી છેતરપિંડી
મળતી માહિતી અનુસાર, નવસારીના કબીલપોર GIDC સ્થિત રુદ્ર કોમ્પલેક્ષમાં કચ્છના હરીશ વેલજી ભાનુશાળી અને યોગેશ ભગવાન પટેલ, અમદાવાદ ખાતે રહેતા રોહિત ઉર્ફે જગત ઉર્ફે જગદીશ તેમજ ખેડા જિલ્લાના નડિયાદ ખાતે રહેતા ભરત મણીલાલ પટેલ, આ ચારેય વ્યક્તિઓએ વર્ષ 2023 માં રોયલ એગ્રો નામની દુકાન શરૂ કરી હતી. ત્યારબાદ જાન્યુઆરી મહિનામાં હરીશ ભાનુશાળીએ વિજલપોર ખાતે આવેલ ખોડીયાર સ્ટીલ ઇન્ડસ્ટ્રીઝમાંથી ફર્નિચર લેવાની વાત કરી હતી. જેથી ખોડીયાર ઇન્ડસ્ટ્રીઝના માલિક દ્વારા તેમને ફર્નિચર બતાવી તેનું કુલ બિલ 1.91 લાખ રૂપિયા થતું હોવાનું કહી 50 ટકા એડવાન્સ આપવાની જણાવ્યું હતું. જેમાં પ્રથમ તેણે 5000 રૂપિયા ઓનલાઇન ટ્રાન્સફર કર્યા હતા. ત્યારબાદ ટેમ્પો સાથે ફર્નિચર લેવા પહોંચેલા હરીશ ભાનુશાળીએ ખોડીયાર ઇન્ડસ્ટ્રીઝના માલિકને વિશ્વાસમાં લઈ, 4 લાકડાના કબાટ, 4 બેડ, 3 ડ્રેસીંગ ટેબલ અને 4 ગાદલા ટેમ્પોમાં ભરાવી 1.85 લાખ રૂપિયાનો ઉજ્જીવન સ્મોલ ફાઇનાન્સ બેંકનો બંધ ખાતાનો ચેક આપી, ત્યાંથી રવાના થઈ ગયો હતો. એજ પ્રમાણે નવસારીની કબીલપોર GIDC માં આવેલ સત્યમ ઇન્ડસ્ટ્રીઝમાંથી આશ્રમમાં પતરા આપવાનું કહીને 3.72 લાખ રૂપિયાના પતરા ખરીદ્યા હતા અને એને પણ એ જ પ્રમાણે ઉજ્જીવન સ્મોલ ફાઇનાન્સ બેન્કનો બંધ ખાતાનો ચેક આપી પતરા ટેમ્પોમાં ભરાવી લઈ ગયા હતા. સમગ્ર પ્રકરણમાં બંને વેપારીઓને ચેક બાઉન્સ થતાં છેતરાયાનો અનુભવ થયો હતો. જેથી ખોડીયાર સ્ટીલ ઇન્ડસ્ટ્રીઝના કિશોર હાપલિયાએ તેમજ સત્યમ ઇન્ડસ્ટ્રીઝના રતિભાઈ ડોલરે નવસારી ગ્રામ્ય પોલીસ મથકે હરીશ ભાનુશાળી તેમજ તેના સાથીદારો સામે છેતરપિંડીની ફરિયાદ નોંધાવી હતી. જેની તપાસમાં હાલ નવસારી ગ્રામ્ય પોલીસને હ્યુમન ઇન્ટેલિજન્સ અને ટેકનિકલ સર્વેલન્સની મદદથી બાતમી મળી હતી કે, આ છેતરપિંડીના ગુનામાં સંડોવાયેલ આરોપી અને નડિયાદની મહાવીર સોસાયટીમાં રહેતો સુરેશ વાલજી ઇટાલીયા (47) હાલ અમદાવાદ રાજકોટ હાઇવે પર આવેલ કલ્યાણગઢ રાજગૃહ તીર્થ પાસે છે. જેથી ગ્રામ્ય પોલીસની એક ટીમ કલ્યાણગઢ ખાતે પહોંચી હતી અને આરોપી સુરેશ ઇટાલીયાને દબોચી લીધો હતો. પોલીસે છેતરપિંડીના ગુનામાં સુરેશ ઇટાલીયાને નવસારી લાવી, તેની ધરપકડ કરી આગળની તપાસને વેગ આપ્યો છે.
નવસારીના નાગધરા ગામેથી કદ્દાવર દીપડો પાંજરે પુરાયો
નવસારીના વોર્ડ નં. 13 માં પરિવારવાદના આક્ષેપ : કાર્યકરોએ ધારાસભ્યને કરી રજૂઆત
NMC ની પ્રથમ ચુંટણી : 1.87 લાખ મતદારો કરશે મતદાન
-
ગુજરાત2 years agoધોડિયા સમાજના તેજસ્વી તારલાઓનો સન્માન સમરોહ યોજાયો
-
ગુજરાત1 year agoઅમદાવાદમાં બુલેટ ટ્રેનની કામગીરી દરમિયાન વિશાળ ક્રેન સરકી જતા પડી, 2 ઘાયલ
-
અવર્ગીકૃત2 years agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
દક્ષિણ-ગુજરાત2 years ago
વિજલપોરમાં 7 તળાવો, બેમાં પાણી, પણ 5 તળાવો ખાલીખમ
-
ગુજરાત2 years agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
ગુજરાત7 months agoવર્ષ 2010 પૂર્વે નિયુક્તિ પામેલા શિક્ષકોને TET માંથી મુકિતની માંગ
-
અપરાધ2 years agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
ગુજરાત1 year agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન