અપરાધ

ઇકો કારની પેટ્રોલ ટેંક નીચે ચોરખાનું બનાવી વિદેશી દારૂની ખેપ મારતા બે આધેડ પકડાયા

Published

1 year ago

May 21, 2024

Navsari

નવસારી LCB પોલીસે ચોરખાનામાંથી 14 હજારથી વધુનો દારૂ શોધી કાઢ્યો

નવસારી : પોલીસથી બચવા બુટલેગરો અને ખેપિયાઓ અનેક તરકીબ અપનાવતા હોય છે, જેમાં ઘણીવાર સફળ થાય, તો ઘણીવાર પોલીસના હાથે પકડાઇ પણ જાય છે. નવસારીના પારસી આધેડ પોતાના મિત્ર સાથે ઇકો કારની પેટ્રોલ ટેંકની નીચે ચોરખાનું બનાવી, તેમાં 14 હજારથી વિદેશી દારૂ લાવવા જતા નવસારી LCB ના હાથે પકડાઇ ગયો હતો.

પોલીસે વિદેશી દારૂ અને કાર સહિત કુલ 2.20 લાખનો મુદ્દામાલ કર્યો કબ્જે

મળતી માહિતી અનુસાર, નવસારી જિલ્લામાંથી રોજના લાખો રૂપિયાના વિદેશી દારૂની હેરાફેરી થાય છે. જેમાં પોલીસની નજરથી બચવા બુટલેગરો અને ખેપિયાઓ વાહનોમાં ચોરખાના બનાવવા સાથે જિલ્લાના આંતરિક રૂટનો પણ ઉપયોગ કરે છે અથવા ઘણીવાર વાહનો બદલી બદલીને વિદેશી દારૂને ગંતવ્ય સુધી પહોંચાડે છે. જોકે પોલીસ પણ બાતમીદારોના નેટવર્કને એક્ટિવ રાખી, દારૂની હેરાફેરી રોકવાના પ્રયાસમાં હોય છે, ત્યારે આજે નવસારી LCB પોલીસના કોન્સ્ટેબલ મનોજ સમાધાનને બાતમી મળી હતી કે, સફેદ રંગની ઇકો કારમાં વિદેશી દારૂનો જથ્થો નવસારી શહેરમાં આવનાર છે. જેને આધારે પોલીસે નવસારીના ગ્રીડથી મામલતદાર કચેરી નજીકથી લુન્સીકુઈ તરફ જતા માર્ગ પર દશેરા ટેકરીના ગણેશ ચોક પાસે ફિલ્ડીંગ ગોઠવી હતી. દરમિયાન બાતમીવાળી કાર આવતા જ પોલીસે તેને અટકાવી હતી અને તપાસ કરતા પોલીસને કારમાં કંઈ મળ્યુ ન હતુ. પરંતુ બાતમી પાક્કી હોય, પોલીસે બારીકાઇથી તપાસતા કારનાં નીચેના ભાગે પેટ્રોલ ટેંકની નીચે પતરાથી બનાવેલા ચોરખાનામાંથી 14,625 રૂપિયાની નાની-મોટી વ્હીસ્કીની 59 બાટલી મળી આવી હતી. જેથી પોલીસે કાર ચાલક અને નવસારી એસ. ટી. ડેપો નજીક આવેલ આવાબાગમાં રહેતા 64 વર્ષીય યઝદી કેક્સરૂ પાતરાવાલા તેમજ તેના મિત્ર અને શહેરના દશેરા ટેકરીમાં રહેતા નરેશ નાથુ પટેલની ધરપકડ કરી હતી. સાથે જ ઘટના સ્થળેથી વિદેશી દારૂ સાથે 5500 રૂપિયાના બે મોબાઇલ ફોન અને 2 લાખ રૂપિયાની કાર મળી કુલ 2.20 લાખ રૂપિયાનો મુદ્દામાલ કબ્જે કરી, નવસારી ટાઉન પોલીસ મથકે પ્રોહિબીશન એક્ટ હેઠળ ગુનો નોંધાવ્યો હતો. સમગ્ર મુદ્દે નવસારી ટાઉન પોલીસે તપાસને વેગ આપ્યો છે.

Post Views: 131

Up Next

1.13 લાખની લોખંડની એંગલ ભરેલ ટેમ્પો સાથે બેની ધરપકડ, ત્રણ વોન્ટેડ

Don't Miss

વિદેશી દારૂની હેરાફેરીના ગુનામાં 7 વર્ષથી વોન્ટેડ આરોપી કચ્છથી પકડાયો

Click to comment

અપરાધ

6.23 લાખના વિદેશી દારૂ સાથે ટેમ્પો ચાલકની ધરપકડ

Published

1 month ago

June 14, 2025

Navsari

નવસારી ગ્રામ્ય પોલીસે બોરીયાચ ટોલનાકા પાસેથી પકડ્યો દારૂનો જથ્થો

નવસારી : નેશનલ હાઈવે નં. 48 પર નવસારીના બોરીયાચ ટોલનાકા પાસેથી નવસારી ગ્રામ્ય પોલીસે બાતમીને આધારે 6.23 લાખ રૂપિયાનો વિદેશી દારૂ ભરેલ ટેમ્પો સાથે ચાલકની ધરપકડ કરી હતી. જયારે એકને વોન્ટેડ જાહેર કરીને તપાસને વેગ આપ્યો છે.

પોલીસે ઘટના સ્થળેથી 16.28 લાખનો મુદ્દામાલ કર્યો કબ્જે

મળતી માહિતી અનુસાર, નવસારી જિલ્લામાંથી રોજના લાખોના વિદેશી દારૂની હેરાફેરી થાય છે. ત્યારે નવસારી ગ્રામ્ય પોલીસના HC નજુ જીલુ અને HC અજય રમેશને ખાનગી રાહે બાતમી મળી હતી કે, એક કથ્થાઈ રંગના ટેમ્પોમાં વિદેશી દારૂનો જથ્થો દમણથી વાપી, વલસાડથી નેશનલ હાઈવે પર નવસારી થઇને આગળ સુરત તરફ જનાર છે. જેને આધારે ગ્રામ્ય પોલીસની ટીમે નેશનલ હાઈવે નં. 48 પર નવસારીના બોરીયાચ ટોલનાકા પાસે ફિલ્ડીંગ ગોઠવી હતી. દરમિયાન બાતમીવાળો ટેમ્પો આવતા પોલીસે તેને અટકાવી તપાસ કરતા, ટેમ્પોમાં આગળના ભાગે દોરા ધાગાનાં બોબીનનાં બોક્ષની પાછળ વિદેશી દારૂનો જથ્થો ભર્યો હતો. જેમાં 6,23,760 રૂપિયાની વ્હીસ્કી બીયરની કુલ 2136 બાટલીઓ મળી આવી હતી. જેથી પોલીસે ટેમ્પો ચાલક અને મહારાષ્ટ્રના નાશિક જિલ્લાના નિફાડ તાલુકાના પીમપ્લસ રામાયે ગામના આનંદનગરમાં રહેતા 31 વર્ષીય કાનીફનાથ પુરીની ધરપકડ કરી હતી. જેની પૂછપરછમાં વિદેશી દારૂનો જથ્થો અશ્વિન નામના વ્યક્તિએ ભરાવી આપ્યો હતો, જેથી પોલીસે અશ્વિનને વોન્ટેડ જાહેર કર્યો હતો. જયારે ઘટના સ્થળેથી વિદેશી દારૂ સાથે 10 લાખ રૂપિયાનો ટેમ્પો અને 5 હજાર રૂપિયાના મોબાઈલ ફોન સાથે કુલ 16.28 લાખ રૂપિયાનો મુદ્દામાલ કબ્જે કરી, નવસારી ગ્રામ્ય પોલીસ મથકમાં પ્રોહીબીશન એક્ટ હેઠળ ગુનો નોંધી તપાસને વેગ આપ્યો છે.

Post Views: 60

અપરાધ

ઇટાળવા નહેર પાસેથી 3 જુગારીઓ પકડાયા, 6 ભાગવામાં સફળ

Published

1 month ago

June 14, 2025

Navsari

નવસારી ગ્રામ્ય પોલીસે 2.૩૩ લાખનો મુદ્દામાલ કર્યો કબ્જે

નવસારી : નવસારી શહેરના ઇટાળવા સ્થિત નહેર નજીકની ખુલ્લી જગ્યામાં તીનપત્તીનો જુગાર રમતા 3 શકુનિઓને નવસારી ગ્રામ્ય પોલીસે પકડી પાડ્યા હતા. જયારે પોલીસને જોઈ 6 જુગારીઓ ભાગવામાં સફળ રહ્યા હતા.

જુગારીઓ બેખોફ જુગાર રમી રહ્યા હતા અને પોલીસ ત્રાટકી

મળતી માહિતી અનુસાર, નવસારીના ઇટાળવા વિસ્તારમાં આવેલ લેક પાલ્મ વિલાની સામે નહેર નજીકમાં આવેલ ખુલ્લી જગ્યામાં કેટલાક લોકો રૂપિયા ઉપર હારજીતનો તીનપત્તીનો જુગાર રમી રહ્યા હતા. જેની બાતમી મળતા જ નવસારી ગ્રામ્ય પોલીસે ઘટના સ્થળે છાપો માર્યો હતો. પોલીસને જોઈ નહેર જુગારિયાઓમાં નાસભાગ મચી જવા પામી હતી. જોકે પોલીસે તરત તરાપ મારીને કાલીયાવાડીના તલાવડી ફળિયાના જતીન પટેલ, નવસારીના ભેંસતખાડા માછીવાડના મહેશ દંતાણી અને તીઘરા નવી વસાહતમાં રહેતા યોગેશ કુંકણાને દબોચી લીધા હતા. જયારે ઘટના સ્થળેથી નવસારીના કસ્બાપાર ગામના વિવેક ઉર્ફે વાણીયો નિર્વાણ, નવસારીના કબીલપોરના જામપીર મોહલ્લાના અમિત જોગી, નવસારીના તિઘરા નવી વસાહતના ભાવિન પટેલ, નવસારીના ઝવેરી સડકના સલીમ મંગેરા, નવસારીના ભેંસતખાડા માછીવાડના હિમાંશુ ઢીમ્મર અને દશેરા ટેકરીના અલ્પેશ ઉર્ફે અપ્પુ ભાગવામાં સફળ રહ્યા હતા, જે 6 જુગારીઓને પોલીસે વોન્ટેડ જાહેર કર્યા હતા. જયારે ઘટના સ્થળેથી દાંવમાં મુકેલા તેમજ આરોપીઓની અંગ ઝડતીમાંથી 10,500 રૂપિયા રોકડા, 13 હજાર રૂપિયાના ત્રણ મોબાઈલ ફોન, 2.10 લાખ રૂપિયાની 4 બાઇક મળીને કુલ 2.૩૩ લાખ રૂપિયાનો મુદ્દામાલ કબ્જે કરી, નવસારી ગ્રામ્ય પોલીસ મથકે જુગાર ધારા હેઠળ ગુનો નોંધી તપાસને વેગ આપ્યો છે.

Post Views: 161

અપરાધ

4.07 લાખનો વિદેશી દારૂ ભરેલ પીકઅપ ટેમ્પો સાથે એક પકડાયો

Published

1 month ago

June 12, 2025

Navsari

પોલીસે સેલવાસના રમેશ અને દારૂ મંગાવનારને વોન્ટેડ જાહેર કર્યા

નવસારી : નેશનલ હાઈવે નં. 48 પર નવસારીના બોરીયાચ ટોલનાકા પાસેથી નવસારી LCB પોલીસે બાતમીને આધારે 4.07 લાખના વિદેશી દારૂ ભરેલા પીકઅપ ટેમ્પો સાથે ચાલકની ધરપકડ કરી હતી. જયારે દારૂ ભરાવનાર સેલવાસના રમેશ અને દારૂ મંગાવનાર અજાણ્યાને વોન્ટેડ જાહેર કર્યા હતા.

LCB પોલીસે ઘટના સ્થળેથી 9.16 લાખનો મુદ્દામાલ કર્યો કબ્જે

મળતી માહિતી અનુસાર, નવસારી લોકલ ક્રાઈમ બ્રાંચની ટીમ નેશનલ હાઈવે નં. 48 પર પેટ્રોલિંગમાં હતી. દરમિયાન LCB ના HC નયન હનુભા અને HC દિગ્વિજયસિંહ રવજીભાઇની સંયુક્ત બાતમી હતી કે, એક પીકઅપ ટેમ્પોમાં વિદેશી દારૂનો જથ્થો સુરત તરફ જઈ રહ્યો છે. જેથી પોલીસે હાઈવે પર નવસારીના બોરીયાચ ટોલનાકા પાસે વોચ ગોઠવી હતી. ત્યારે જ બાતમીવાળો ટેમ્પો આવતા પોલીસે તેને અટકાવી, તપાસ કરતા ટેમ્પોમાં 35 પૂઠાનાં બોક્ષમાંથી 4,06,800 રૂપિયાની વ્હીસ્કી અને બીયરની 972 બોટલો મળી આવી હતી. જેથી પોલીસે ટેમ્પો ચાલક અને સેલવાસના આમલી ગામે રહેતા અને મુળ ઉત્તરપ્રદેશના રાજારામ બનવારી હરીજનની ધરપકડ કરી હતી. જયારે તેની પૂછપરછમાં દારૂનો જથ્થો સેલવાસના રમેશે ભરાવી આપ્યો હતો, જયારે તેને અજાણ્યાને પહોચાડવાનો હતો. જેથી પોલીસે બંનેને વોન્ટેડ જાહેર કરી, નવસારી ગ્રામ્ય પોલીસ મથકે પ્રોહીબીશન એક્ટ હેઠળ ગુનો નોંધી આગળની તપાસ આરંભી છે. ઉલ્લેખનિય છે કે, પોલીસે ઘટના સ્થળેથી વિદેશી દારૂ, ટેમ્પો અને મોબાઈલ ફોન મળી કુલ 9.16 લાખ રૂપિયાનો મુદ્દામાલ ક્બ્જે કર્યો હતો.

Post Views: 23