ગુજરાત
નવસારી લોકસભા બેઠક ઉપર સી. આર. પાટીલની સામે મુમતાઝ પટેલ લડી શકે છે ચુંટણી
નવસારી લોકસભામાં સ્કાય લેબ આવવાની સંભાવના જોતા કોંગી કાર્યકરોમાં વિરોધના સૂર
નવસારી : સમગ્ર રાજ્યમાં 25 નવસારી લોકસભા બેઠક ઉપર સૌની નજર છે. ગત ટર્મમાં કોંગી ઉમેદવારને 6.89 લાખ મતોની લીડથી હરાવનારા ભાજપના સી. આર. પાટીલ ફરી ચુંટણી મેદાનમાં છે, જેમની સામે મજબૂત ઉમેદવાર ઉતારવાની મથામણમાં હજી કોંગ્રેસ તેના ઉમેદવારનું નામ જાહેર કરી શકી નથી. જોકે છેલ્લા બેથી ત્રણ દિવસોમાં કોંગ્રેસના દિગ્ગજ નેતા સ્વ. અહેમદ પટેલનાં દિકરી મુમતાઝ પટેલ નવસારી લોકસભા બેઠક ઉપર કોંગ્રેસના ઉમેદવાર બની શકેની ચર્ચાઓ વહેતી થતા, સ્થાનિક આગેવાનોમાં કચવાટ ઉઠવા પામ્યો છે. સાથે જ નવસારી ઉપર સ્થાનિક અને સંગઠનના મજબૂત ચહેરા ઉપર મોવડી મંડળ પસંદગી ઉતારે એવી વાતો સાથે મુમતાઝ પટેલ માટે વિરોધના સૂર છેડાયા છે.
નવસારી જિલ્લા કોંગ્રેસ પ્રમુખે આડકતરી રીતે વિરોધ દર્શાવી, પાર્ટીના આદેશની વાતને આગળ ધરી
લોકસભા ચુંટણીની જાહેરાત થઇ ચુકી છે. ભાજપે ગુજરાતની ગણતરીની બેઠકો છોડી તમામ લોકસભા બેઠકો ઉપર પોતાના ઉમેદવારો જાહેર કરી દીધા છે. પરંતુ કોંગ્રેસમાં હજી પણ મડાગાંઠ છૂટી નથી. ખાસ કરીને 25 નવસારી લોકસભા બેઠક ઉપર ભાજપ પ્રદેશ અધ્યક્ષ અને વર્તમાન સાંસદ સી. આર. પાટીલની સામે સક્ષમ ઉમેદવારની શોધ ચાલી રહી છે. ભાજપી ઉમેદવાર સી. આર. પાટીલ સતત ત્રણ ટર્મથી નવસારીના સાંસદ રહ્યા છે અને ત્રણેય ટર્મમાં કોંગી ઉમેદવારને પછડાટ આપવામાં સફળ રહ્યા છે. ગત 2019 ની લોકસભા ચુંટણીમાં કોંગ્રેસના ધર્મેશ પટેલને 6.89 લાખ મતોથી કારમી હાર આપી હતી. જેથી આ વખતે કોગ્રેસ તેમને મજબૂત ટક્કર આપી શકે એવો મુરતિયો ઉતારવાના પ્રયાસમાં છે, સુરત અને નવસારીના કોંગ્રેસી આગેવાનોની અનેક બેઠકો બાદ પણ નવસારી લોકસભાના ઉમેદવારનું નામ નક્કી નથી થયુ. ત્યારે ગત બે ત્રણ દિવસોથી કોંગ્રેસના દિગ્ગજ નેતા સ્વ. એહમદ પટેલના દિકરી મુમતાઝ પટેલ નવસારીથી ચુંટણી મેદાનમાં ઉતરે એવી ચર્ચાઓએ વેગ પકડ્યો છે. જ્યાં મુમતાઝ પટેલ ભરૂચ બેઠક આપના ચૈતર વસાવાને ફાળે જતા નારાજ હતા, ત્યાં નવસારી બેઠક ઉપર તેમનું નામ ચર્ચામાં આવતા સ્થાનિક કાર્યકરોમાં વિરોધ વ્યાપ્યો છે.
પાર્ટીનો આદેશ હશે તો મુમતાઝ પટેલની આગેવાનીમાં ખભેથી ખભા મેળવીને ચુંટણી લડીશું, જોકે સ્થાનિક સંગઠનમાંથી પસંદગી ઉતારવામાં આવે એવી રજૂઆત – શૈલેશ પટેલ
નવસારી જિલ્લા કોંગ્રેસ પ્રમુખ શૈલેશ પટેલ સાથે નવસારી લોકસભા બેઠક ઉપર મુમતાઝ પટેલની પસંદગી મુદ્દે hexilon.in ની વાતચીત દરમિયાન તેમણે આડકતરી રીતે વિરોધ દર્શાવ્યો હતો. શૈલેશ પટેલે કહ્યુ કે, મુમતાઝ પટેલનું ભવિષ્ય ઉજળુ છે, તેમને રાષ્ટ્રીય લેવલે નવી જવાબદારીઓ મળી શકે છે, ત્યારે નવસારીમાંથી ચુંટણી લડવું કે નહીં, એ તેઓ વિચારશે. જોકે મોવડી મંડળ કહેશે કે, મુમતાઝ પટેલની આગેવાનીમાં ચુંટણી લડવાની છે, તો અમે ખભેથી ખભા મેળવીને સી. આર. પાટીલને હરાવવા ચુંટણી લડીશું. પરંતુ સુરત અને નવસારીના કોંગી આગેવાનોની બેઠકમાં સ્થાનિક અને મજબૂત કાર્યકરને ચુંટણી મેદાનમાં ઉતારવામાં આવે એવી રજૂઆત મોવડી મંડળ સુધી થઇ છે. જયારે શૈલેશ પટેલને ઉમેદવાર બનાવવામાં આવે તો…? પ્રશ્નના જવાબમાં તેમણે પાર્ટી જે જવાબદારી આપશે એને નિભાવવાની તૈયારી દર્શાવી હતી.
વાંસદાના લોકદરબારમાં સાંસદ ધવલ પટેલે ભગવો ખેસ પહેરાવી આવકાર્યા
નવસારી : વલસાડના ધરમપુર શહેર કોંગ્રેસમાં આજે મોટુ ગાબડું પડ્યુ હતું. કારણ ધરમપુર શહેર કોંગ્રેસ પ્રમુખ આજે પોતાના સમર્થકો સાથે વાંસદા ખાતે સાંસદ અને લોકસભા દંડક ધવલ પટેલના હસ્તે ભગવો ધારણ કરી વિધિવત રીતે ભાજપમાં જોડાયા હતા.
ધરમપુરનાં વિકાસને ધ્યાને રાખી ભાજપમાં જોડાયા – મુકેશ આહીર
રાજકારણમાં પક્ષ પલટો સામાન્ય બનતો જાય છે. જ્યાં વિચારધારાની લડાઇ કહેવામાં આવે છે, પરંતુ ક્યારેક લાંબા સમય સુધી પોતાના વિસ્તારોમાં અટકેલા કાર્યો પૂર્ણ થતા ન હોય અથવા રાષ્ટ્રીય કક્ષાએ પક્ષનાં નિર્ણયથી વિચલિત થઇ ઘણા નાના કાર્યકરો પક્ષ પલટો કરતા હોય છે. ત્યારે આજે વલસાડ જિલ્લાના ધરમપુર શહેર કોંગ્રેસના પ્રમુખ મુકેશ આહીર પોતાના 80 થી વધુ પોતાના સમર્થકો સાથે ભાજપમાં જોડાયા હતા. નવસારીના વાંસદા ખાતે વલસાડના સાંસદ અને લોકસભા દંડક ધવલ પટેલનો લોકદરબાર હતો, જ્યાં ધરમપુર કોંગ્રેસ પ્રમુખ મુકેશ આહિરે સાંસદ ધવલ પટેલના હાથે ભગવો ખેસ ધારણ કરી ભાજપમાં પ્રવેશ કર્યો હતો. મુકેશ આહીર ધરમપુર નગરપાલિકામાં બે ટર્મ નગરસેવક પણ રહ્યા હતા. પરંતુ ગત પાલિકાની ચુંટણીમાં કોંગ્રેસનાં સુપડાસાફ થયા હતા. જેમાં ભાજપના ફાળે 20 બેઠકો અને 4 અપક્ષો ઉપર ધરમપુર શહેરનાં મતદારોએ વિશ્વાસ મુક્યો હતો. બીજી તરફ ધરમપુર શહેરના વિકાસ કાર્યો લાંબા સમયથી અટક્યા હતા, ત્યારે ગુજરાત અને કેન્દ્ર બંનેમાં ભાજપ સરકાર હોય, ધરમપુરના વિકાસને ધ્યાને રાખી ધરમપુર શહેર કોંગ્રેસ પ્રમુખ મુકેશ આહીર પોતાના સમર્થકો સાથે ભાજપમાં જોડાયા હતા. જેમને સાંસદ ધવલ પટેલે સહર્ષ આવકાર્યા હતા.
ઝોમ્બી ઈ સિગારેટ પકડવાનો ગુજરાતનો પ્રથમ કિસ્સો
નવસારી : નવસારીના ચાપલધરા ગામે હાઈબ્રિડ ગાંજો અને ઝોમ્બી ઈ સિગારેટનું વેચાણ થતુ હોવાની બાતમીને આધારે સ્ટેટ મોનીટરીંગ સેલ પોલીસની ટીમે ગત રોજ છાપો મારી બેની ધરપકડ કરી હતી. પોલીસે ઘટના સ્થળેથી 28.15 લાખનો મુદ્દામાલ કબ્જે કર્યો હતો.
SMC પોલીસે વાપીના આતિફને વોન્ટેડ જાહેર કર્યો
મળતી માહિતી અનુસાર, સ્ટેટ મોનીટરીંગ સેલ પોલીસની ટીમને ચોક્કસ બાતમી મળી હતી કે, નવસારી જિલ્લાના વાંસદા તાલુકાના ચાપલધરા ગામે રહેતો મિલન ધનગર હાઈબ્રિડ ગાંજાનું વેચાણ કરે છે. જેને આધારે ગત રોજ SMC ના PI સી. એચ. પનારા અને તેમની ટીમે ચાપલધરા ગામના વચલા ફળિયા, અંબા માતાજી મંદિર પાછળ રહેતા મિલન ધનગરના ઘરે છાપો માર્યો હતો. છાપા દરમિયાન પોલીસને મિલન પાસેથી 8 લાખ રૂપિયાનો 80 ગ્રામ હાઈબ્રિડ ગાંજો જથ્થો મળી આવ્યો હતો. જેની સાથે જ ગાંજાના સક્રિય ઘટકની હાજરીવાળી (THC) 20 લાખ રૂપિયાની 20 ઈ સિગારેટ પણ મળી આવી હતી. પોલીસે ઘટના સ્થળેથી મિલન સાથે તેના સાથીદાર તન્મયકુમાર પટેલની ધરપકડ કરી હતી. આરોપી મિલનની પૂછપરછમાં હાઈબ્રિડ ગાંજો તેને વાપીના આતિફે પહોંચાડી હતી. જેથી પોલીસે આતિફને વોન્ટેડ જાહેર કર્યો હતો. જ્યારે ઝોમ્બી ઈ સિગારેટ ડાર્ક વેબથી મંગાવી હતી. પોલીસે ઘટના સ્થળેથી હાઈબ્રિડ ગાંજો, ઈ સિગારેટ અને મોબાઈલ ફોન મળી કુલ 28.15 લાખ રૂપિયાનો મુદ્દામાલ કબ્જે કર્યો હતો. સાથે જ સમગ્ર મુદ્દે SMC પોલીસ મથકે ધી નાર્કોટિક્સ ડ્રગ્સ એન્ડ સાયકોટ્રોપિક સબસ્ટેન્સ એક્ટ (NDPS) અને ધી પ્રોહીબિશન એક્ટ ઇલેક્ટ્રોનિક સિગારેટ એક્ટ હેઠળ ગુનો નોંધી આગળની તપાસ આરંભી છે. ઉલ્લેખનિય છે કે, ગાંજાના સક્રિય ઘટક ધરાવતી ઝોમ્બી ઈ સિગારેટ પકડાયાનો આ ગુજરાતનો પ્રથમ ગુનો છે.
નવસારી જિલ્લામાં સાર્વત્રિક વરસાદ, 5 તાલુકાઓમાં અડધો ઇંચથી વધુ વરસાદ નોંધાયો
દેવધા સ્થિત દેવસરોવર ડેમના 20 દરવાજા ખોલાયા, 20 બાકી
નવસારીમાં 45 ગ્રામ પંચાયતોમાં સામાન્ય અને 14 ગ્રામ પંચાયતોમાં પેટા ચુંટણી
-
ગુજરાત10 months agoધોડિયા સમાજના તેજસ્વી તારલાઓનો સન્માન સમરોહ યોજાયો
-
ગુજરાત4 months agoઅમદાવાદમાં બુલેટ ટ્રેનની કામગીરી દરમિયાન વિશાળ ક્રેન સરકી જતા પડી, 2 ઘાયલ
-
અવર્ગીકૃત10 months agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
ગુજરાત1 year agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
અપરાધ11 months agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
ગુજરાત6 months agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન
-
અપરાધ10 months agoહાઈવે પર પરથાણ પાટિયા પાસેથી 7.76 લાખના વિદેશી દારૂ ભરેલા ટ્રક સાથે ચાલક પકડાયો
-
અપરાધ6 years ago?????????????????????????????? ????????????????????? 7 ?????????????????? ?????????