દક્ષિણ-ગુજરાત
નવસારી કલેક્ટરાલય ખાતે આવેદનપત્ર આપવા આવેલ જૈન સમાજ મૌન ધરણા પર બેઠો
અધિક કલેકટરે નીચે આવીને જૈન આચાર્યના હસ્તે આવેદન ન સ્વિકારતા જૈનોમાં આક્રોશ
નવસારી : પાવાગઢમાં જૈન મૂર્તિઓને નુકસાન પહોંચાડી અને તોડી નાંખવાના વિરોધમાં નવસારી સમસ્ત જૈન સંઘ આચાર્ય રાજહંસસુરીશ્વરજીની આગેવાનીમાં જિલ્લા કલેકટરાલય ખાતે આવેદનપત્ર આપવા પહોંચ્યો, જ્યાં અધિક કલેકટર નીચે આવીને આવેદન સ્વિકારેનો આગ્રહ કર્યો, જેની સામે અધિક કલેકટરે નીચે આવવાની ના પાડી, આવેદનપત્ર સ્વિકાર્યા વિના જ કચેરીએથી જતા રહેતા જૈનોમાં આક્રોશ ફેલાયો છે. સાથે જ જ્યાં સુધી આવેદનપત્ર ન લેવાય, ત્યાં સુધી મૌન ધરણા પર બેસી જતા વિવાદ સર્જાયો છે.
હું નીચે આશિર્વાદ લેવા આવું, પણ આવેદન અહીં કેબીનમાં જ આપો – અધિક કલેકટર
પાવાગઢમાં જૈન સમાજની પૌરાણિક પ્રતિમાઓને કોઈકે તોડી નાંખતા સમગ્ર ગુજરાતના જૈન સમાજની લાગણી દુભાઈ છે. જેમાં નવસારીના સમસ્ત જૈન સંઘ દ્વારા ઘટનાને વખોડી દોષિતો સામે કડક કાર્યવાહી કરવામાં આવે એવી માંગ સાથે આજે સાંજે જિલ્લા કલેકટર કચેરી પહોંચી અધિક કલેકટરને આવેદનપત્ર આપવાનું આયોજન કર્યુ હતું. જેમાં આજે રજા હોવા છતાં અધિક કલેકટર કેતન જોશી ખાસ આવેદનપત્ર લેવા કચેરીએ આવ્યા હતા. દરમિયાન કલેકટર કચેરીએ જૈન સમાજ આચાર્ય રાજહંસસૂરીશ્વરજી મહારાજ તેમજ અન્ય સાધુ સાધ્વીજીઓ સાથે કલેકટર કચેરીએ પહોંચ્યો હતો. શરૂઆતમાં આચાર્ય રાજહંસસુરીશ્વરજી મહારાજે જૈનોને ધર્મના રક્ષણ કાજે ગંભીર થવા અને જૈન સાધુ સાધ્વીઓ ઉપર થતા હુમલાઓ સંદર્ભે એકસંપ થવા આહ્વાન કર્યું હતું. ત્યારબાદ જિલ્લા અધિક કલેકટર કેતન જોશીને આવેદનપત્ર આપવા જવાની તૈયારી થઈ, જૈનાચાર્ય પણ આગેવાનો સાથે જવાના હોવાથી અધિક કલેકટરને વિનંતી કરી ઓફિસના AC અને પંખા બંધ કરાવવામાં આવ્યા હતા. પરંતુ જૈન યુવાનોએ આદિક કલેકટર નીચે આવે એવી જીદ પકડતા આગેવાનો પણ તેમની વાતોમાં આવી ગયા હતા. સાથે જ ત્રણ ત્રણ વાર અધિક કલેકટરને નીચે આવી આવેદન સ્વિકારવા આગ્રહ કર્યો હતો. પરંતુ આદિક કલેક્ટરે ગુરુદેવના આશિર્વાદ લેવા નીચે આવું, પણ આવેદન અહીં કેબિનમાં જ આપોની વાત કરી હતી. પરંતુ જૈનોએ અધિક કલેકટર નીચે આવેની જીદ પકડતા અધિક કલેકટર કેતન જોશી પાછલા દરવાજેથી જતા રહ્યા હતા.
જ્યાં સુધી આવેદન લેવા નહીં આવે, ત્યાં સુધી કલેકટર કચેરીમાં મૌન ધરણા – જૈનાચાર્ય
અધિક કલેકટર નીચે આવેદન સ્વીકારવા નહીં આવી, કચેરી છોડીને જતા રહેતા જૈનોમાં આક્રોશ ફેલાયો હતો. જેમાં જૈનાચાર્ય રાજહંસ સૂરીશ્વરજી મહારાજે પણ કલેટકર જ્યાં સુધી આવેદન લેવા નહીં, આવે ત્યાં સુધી કચેરીમાં જ જેનો મૌન ધરણા ઉપર બેસવાનો આદેશ કરતા, જૈનોએ કલેકટર કચેરીમાં જ જાહેરનામાનો ભંગ કરીને કલેકટર કચેરીમાં જ મૌન ધરણા શરૂ કર્યા હતા. બીજી તરફ જૈન આગેવાનોએ જાહેરનામા સાથે જ આચાર સંહિંતાનો હવાલો આપી મામલો થાળે પાડવાનો પ્રયાસ કર્યો હતો. જેની સાથે જ રાજકીય અને સામાજિક આગેવાનોની મદદથી કલેકટરને આવેદન લેવા પરત આવવા મજબૂર કર્યા હતા. લગભગ એક કલાક બાદ અધિક કલેકટર કેતન જોષીએ પરત કલેકટર કચેરીએ પહોંચી જૈન આગેવાનોના હસ્તે આવેદનપત્ર સ્વિકાર્યું હતું. સાથે જ જતી વખતે જૈનાચાર્ય રાજહંસ સૂરીશ્વરજી મહારાજને વંદન કરી, આશિર્વાદ મેળવ્યા હતા. જ્યારે જૈનાચાર્યએ અધિક કલેકટરને તેમની ત્રણ માંગો સાથેના આવેદનપત્ર ઉપર ગંભીરતાથી વિચારવાની રજૂઆતો કરી હતી. જોકે અધિક કલેકટર જોશીને એમાની માંગણીઓ સરકાર સુધી પહોંચાડવા અને મૂર્તિઓ તોડનારને પકડી પાડી સખત નસિયત કરવાની માંગ પણ કરી હતી.
આવેદન પત્યુ, તો FIR દાખલ થાય ત્યાં સુધી મૌન ધરણા કરી આવેદન ચાલુ રાખવાનો આદેશ
પાવાગઢમાં ઘટેલી ઘટનાને વખોડી જિલ્લા અધિક કલેકટરને આવેદનપત્ર આપવા પહોંચ્યા હતા. જ્યાં કલેકટરને નીચે બોલાવવાની જૈન યુવાનોની જીદ સામે કલેકટર કચેરી છોડી જતા રહ્યા હતા. જેમાં જ્યાં સુધી આવેદન ન સ્વિકારે ત્યાં સુધી કલેક્ટરાલય ખાતે મૌન ધરણા ઉપર બેસી ગયા હતા. જેમાં અનેક રજૂઆતો બાદ અધિક કલેકટરે ફરી આવી આવેદનપત્ર સ્વિકાર્યું હતું. જોકે આવેદન લેવાય ગયા પછી પણ જૈનાચાર્યએ કલેકટર કચેરી ખાતે જ્યાં સુધી સબંધિત આરોપી સામે FIR ન નોંધાય અને આરોપી સામે કડકમાં કડક પગલાં લેવામાં આવે ત્યાં સુધી મૌન ધરણા પર બેસી આંદોલન ચાલુ રાખવાનો આગ્રહ રાખ્યો હતો. સાથે જ મંગળવારે સવારે 9 વાગ્યે રેલી યોજી, ક્લેક્ટર કચેરી નજીક જ સભા અને ધરણા કરવાની તૈયારી આરંભી હતી. જેમાં સકળ જૈન સંઘ પણ આંદોલનમાં જોડાયો હતો, પરંતુ જૈનોને સમજાવતા જિલ્લા પોલીસ તેમજ આગેવાનોને નવનેજા પાણી ઉતર્યા હતા. જેમાં બે જૈન સાધુઓ અને બેથી ત્રણ તેમના શિષ્યો ઘટના કલેકટર કચેરીમાં આખી રાત ધરણા કરેનો આગ્રહ રાખ્યો હતો. સાથે જ બીજે દિવસે સવારે ચિંતામણી દેરાસર ખાતેથી વિશાળ સંખ્યામાં જૈનોને ભેગા કરી રેલી કાઢી, કલેકટર કચેરી પાસે સભા કરી આંદોલનની રણનીતિ ઘડી હતી.
અપરાધ
નવસારીમાં ખનન માફિયાઓ પર ભૂસ્તર વિભાગની સર્જિકલ સ્ટ્રાઈક : અંબિકા નદીમાં ડ્રોનથી ગેરકાયદે રેતી ચોરી પકડી
જિલ્લામાં પ્રથમવાર આધુનિક ટેકનોલોજીથી મેગા ઓપરેશન : 2.25 કરોડનો મુદ્દામાલ જપ્ત
નવસારી : નવસારી જિલ્લામાં કુદરતી સંપત્તિની લૂંટ ચલાવતા ખનન માફિયાઓ સામે ખાણ ખનીજ વિભાગે અત્યાર સુધીની સૌથી મોટી અને અભૂતપૂર્વ કાર્યવાહી કરી હતી. જિલ્લા કલેક્ટરના સીધા માર્ગદર્શન હેઠળ ભૂસ્તર વિભાગે નવસારીમાં પ્રથમ વખત ડ્રોન કેમેરા ટેકનોલોજીનો ઉપયોગ કરી અંબિકા નદીના પેટાળમાં ચાલતા કાળા કારોબારનો પર્દાફાશ કર્યો છે. ગણદેવી તાલુકાના બીલીમોરા સ્મશાન નજીકથી બાજની મદદથી ગેરકાયદે થતા રેતી ખનનને પકડી 2.25 કરોડનો મુદ્દામાલ જપ્ત કર્યો હતો. ખાણ ખનીજ વિભાગની સર્જિકલ સ્ટ્રાઇકથી ખનન માફિયાઓમાં ભારે ફફડાટ વ્યાપી ગયો છે.
બીલીમોરા સ્મશાન ભૂમિ પાછળથી ચાલતા કાળા કારોબાર પર ડ્રોનનું ‘હવાઈ સર્વેલન્સ’
નવસારી ભૂસ્તરશાસ્ત્રી પી. આર. ખાંભલાના માર્ગદર્શન હેઠળ ભૂસ્તરવિજ્ઞાન અને ખનિજ વિભાગની ક્ષેત્રીય ટીમ દ્વારા અંબિકા નદીપટ્ટમાં એક ગુપ્ત સર્ચ ઓપરેશન ગોઠવવામાં આવ્યું હતું. રોયલ્ટી ઇન્સ્પેક્ટર દિવ્યાંત શિરોયા, માઇન્સ સુપરવાઇઝર સંદીપ રાઉત અને સ્પેશિયલ ડ્રોન ટીમે ગણદેવી તાલુકાના બીલીમોરા ગામની સ્મશાન ભૂમિ પાછળથી પસાર થતી અંબિકા નદીના દુર્ગમ વિસ્તારમાં દરોડો પાડ્યો હતો. ટીમે આધુનિક ડ્રોન સર્વેલન્સની મદદથી નદીના પેટાળમાંથી યાંત્રિક બાજ (બોટ) વડે ચાલી રહેલા ગેરકાયદેસર રેતી ખનન પદ્ધતિને રંગેહાથ ઝડપી પાડીને માફિયાઓના મનસુબા પર પાણી ફેરવી દીધું હતું.
ગેરકાયદે ખનન કરનારા માફીયાઓ સામે ધોલાઈ મરીન પોલીસ સ્ટેશનમાં નોંધાવી ફરિયાદ
આ હાઇ-ટેક દરોડા દરમિયાન ખાણ ખનીજ વિભાગની ટીમે સ્થળ પરથી ગેરકાયદેસર રેતી ખનનમાં વપરાતા 2 અત્યાધુનિક યાંત્રિક બાજ અને રેતીની હેરાફેરીમાં સંકળાયેલા 11 ટ્રકો મળીને કુલ 2.25 કરોડ રૂપિયાનો મુદ્દામાલ જપ્ત કર્યો હતો. સાથે જ જપ્ત કરાયેલા તમામ વાહનો અને સાધનોને આગળની કાનૂની કાર્યવાહી માટે ધોલાઈ મરીન પોલીસ સ્ટેશનના હવાલે કરી દેવામાં આવ્યા છે. તંત્ર દ્વારા કસૂરદારો સામે ‘ગુજરાત મિનરલ (પ્રિવેન્શન ઓફ ઇલ્લીગલ માઇનિંગ, ટ્રાન્સપોર્ટેશન એન્ડ સ્ટોરેજ) રૂલ્સ 2017’ હેઠળ ગુનો નોંધાવી, ગેરકાયદે ખનન નેટવર્કના મૂળ સુધી પહોંચવાની કવાયત તેજ કરવામાં આવી છે.
નવસારી
વાયરલ રીલનો ક્રેઝ કે અકસ્માતને આમંત્રણ?નવસારીના રેલ્વે ઓવરબ્રિજ પર યુવાનોનો જોખમી ‘બાહુબલી’ સ્ટંટ
ચીરપાડા ફળિયામાં બે દિવસથી ચાલતા ‘દીપડા રાજ’નો વન વિભાગની ત્વરિત કામગીરીથી આવ્યો અંત
નવસારી : નવસારી જિલ્લાના ચીખલી તાલુકા સ્થિત રૂમાલા ગામના ચીરપાડા ફળિયામાં પાછલા બે દિવસથી ભયનો માહોલ સર્જનાર કદ્દાવર દીપડો આખરે વન વિભાગના પાંજરે પુરાતા જ સ્થાનિક ગ્રામજનોએ ભારે રાહત અનુભવી છે.
શિકારની શોધમાં નીકળેલો વનરાજ પાંજરે પુરાયો, ગ્રામજનોના ટોળા ઉમટ્યા
છેલ્લા બે દિવસથી નવસારીના ચીખલી તાલુકાના રૂમાલા ગામના ચીરપાડા ફળિયા આસપાસ દીપડાની સક્રિય હિલચાલ જોવા મળતા સ્થાનિકોમાં ગભરાટ વ્યાપી ગયો હતો. માનવ-વન્યજીવ સંઘર્ષની શક્યતાને ધ્યાને રાખી ગ્રામજનોએ તુરંત ચીખલી વન વિભાગને જાણ કરી હતી. વન વિભાગની ટીમે ત્વરિત પગલાં ભરીને સ્થાનિક નીલેશ દેશમુખના વાડામાં વ્યૂહાત્મક રીતે પાંજરૂ ગોઠવ્યું હતું. મોડી રાત્રે ખોરાક અને શિકારની શોધમાં આવેલો આ કદ્દાવર દીપડો પાંજરામાં કેદ થઈ ગયો હતો. સવારે દીપડો પાંજરે પુરાયાના સમાચાર ફેલાતા જ આ અદભૂત વન્યજીવને જોવા માટે ગ્રામજનોના ટોળાં ઉમટી પડ્યા હતા. વન વિભાગે સ્થળ પર પહોંચીને દીપડાનો સુરક્ષિત કબજો મેળવી તેને ચીખલી ખાતે ખસેડ્યો હતો. વન્યજીવ તબીબો દ્વારા દીપડાનું પ્રાથમિક આરોગ્ય પરીક્ષણ કર્યા બાદ તેને તેના પ્રાકૃતિક નિવાસસ્થાન એવા ઊંડા જંગલ વિસ્તારમાં મુક્ત કરવાની તજવીજ હાથ ધરવામાં આવશે .
નવસારીમાં ખનન માફિયાઓ પર ભૂસ્તર વિભાગની સર્જિકલ સ્ટ્રાઈક : અંબિકા નદીમાં ડ્રોનથી ગેરકાયદે રેતી ચોરી પકડી
વાયરલ રીલનો ક્રેઝ કે અકસ્માતને આમંત્રણ?નવસારીના રેલ્વે ઓવરબ્રિજ પર યુવાનોનો જોખમી ‘બાહુબલી’ સ્ટંટ
નવસારીના રૂમાલામાં દીપડો પાંજરે પુરાયો : ગ્રામજનોએ રાહતનો શ્વાસ લીધો
-
ગુજરાત2 years agoધોડિયા સમાજના તેજસ્વી તારલાઓનો સન્માન સમરોહ યોજાયો
-
ગુજરાત2 years agoઅમદાવાદમાં બુલેટ ટ્રેનની કામગીરી દરમિયાન વિશાળ ક્રેન સરકી જતા પડી, 2 ઘાયલ
-
અવર્ગીકૃત2 years agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
દક્ષિણ-ગુજરાત2 years ago
વિજલપોરમાં 7 તળાવો, બેમાં પાણી, પણ 5 તળાવો ખાલીખમ
-
ગુજરાત3 years agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
ગુજરાત1 year agoવર્ષ 2010 પૂર્વે નિયુક્તિ પામેલા શિક્ષકોને TET માંથી મુકિતની માંગ
-
અપરાધ2 years agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
ગુજરાત2 years agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન