અપરાધ

43 હજારનો વિદેશી દારૂ ભરેલ ટેમ્પો સાથે બે ઝડપાયા

Published

on

ટેમ્પોના બોનેટમાં ચોરખાનું બનાવી કરતા વિદેશી દારૂની હેરાફેરી

નવસારી : નેશનલ હાઇવે નં. 48 પરથી મોટા પ્રમાણમાં વિદેશી દારૂની હેરાફેરી થતી હોય છે. ખેપીયાઓ અનેક તિકડમ લગાવી દારૂ એક જગ્યાએથી બીજી જગ્યાએ પહોંચાડતા હોયક છે. ત્યારે ગત મોડી રાતે ગણદેવીના ખારેલ ઓવરબ્રિજ પાસેથી ગણદેવી પોલીસે ટેમ્પોના બોનેટમાં ચોરખાનામાં 43 હજારનો વિદેશી દારૂ સંતાડી હેરાફેરી કરનારા બેની ધરપકડ કરી હતી.

પોલીસે ઘટના સ્થળેથી 2.49 લાખનો મુદ્દામાલ કબ્જે કર્યો

મળતી માહિતી અનુસાર, ગણદેવી પોલીસ મથકના પોલીસ સબ ઇન્સ્પેકટર ડી. એમ. રાઠોડ તેમજ તેમની ટીમ ગત મોડી રાતે પેટ્રોલિંગમાં હતી. દરમિયાન PC કિરણ ભગુ અને PC યોગેશ ઠાકોરને સંયુક્ત રીતે બાતમી મળી હતી કે, વલસાડ તરફથી એક ચોરખાનામાં વિદેશી દારૂ સંતાડીને એક ટેમ્પો સુરત તરફ જઈ રહ્યો છે, જેમાં ચાલક અને ક્લીનર બે લોકો સવાર છે. જેને આધારે પોલીસે નેશનલ હાઈવે નં. 48 પર ગણદેવી તાલુકાના ખારેલ ઓવરબ્રિજના દક્ષિણ છેડે ફિલ્ડીંગ ગોઠવી હતી. દરમિયાન બાતમીવાળો ટેમ્પો આવતા પોલીસે તેને અટકાવી તપાસ કરતા ટેમ્પોના બોનેટમાં ડ્રાઈવર અને ક્લીનરની સીટ નીચે બનાવેલા ચોરખાનામાં 43,200 રૂપિયાની વ્હીસ્કીની 288 બાટલીઓ મળી આવી હતી. જેથી પોલીસે ચાલક અને સુરતના નાના વરાછા સ્થિત રવિ પાર્કમાં રહેતા 28 વર્ષીય લાલુ ધુળા બારૈયા અને ક્લીનર 34 વર્ષીય વિનુ આથીયા નાયકાની ધરપકડ કરી હતી. જયારે ઘટના સ્થળેથી વિદેશી દારૂ સાથે 2 લાખ રૂપિયાનો ટેમ્પો અને 6 હજાર રૂપિયાના બે મોબાઈલ ફોન મળી કુલ 2.49 લાખ રૂપિયાનો મુદ્દામાલ કબ્જે કર્યો હતો. જયારે વિદેશી દારૂ ભરાવી આપનારને વોન્ટેડ જાહેર કરી, ગણદેવી પોલીસ મથકે પ્રોહિબીશન એક્ટ હેઠળ ગુનો નોંધી આગળની તપાસ આરંભી છે.   

Click to comment

Trending

Exit mobile version