અપરાધ
ચીખલીમાં SMCનો સપાટો : 10.20 લાખના વિદેશી દારૂ ભરેલ લક્ઝરી કાર સાથે બેની ધરપકડ
સુરત દારૂ મંગાવનારા બુટલેગરો અને ફોર્ચ્યુનર માલિક સામે ગુનો દાખલ
નવસારી : નવસારી જિલ્લાના હાઈવે અને આંતરિક માર્ગો પરથી રોજના લાખો રૂપિયાના દારૂની હેરાફેરી થાય છે. ત્યારે જિલ્લામાં દારૂના ગેરકાયદે નેટવર્ક પર સ્ટેટ મોનિટરિંગ સેલ (SMC) ગાંધીનગરે ચીખલીના મલિયાધરા ગામ નજીકથી 10.20 લાખનો વિદેશી દારૂ ભરેલ લક્ઝરી કાર સાથે બે ખેપિયાની ધરપકડ કરી હતી. આ કામગીરીથી દક્ષિણ ગુજરાતના દારૂ માફિયાઓમાં ભારે ફફડાટ વ્યાપી ગયો છે.
મલીયાધારા સીમમાંથી લાખોનો દારૂ અને લકઝરી કાર જપ્ત
{“remix_data”:[],”remix_entry_point”:”challenges”,”source_tags”:[“local”],”origin”:”unknown”,”total_draw_time”:0,”total_draw_actions”:0,”layers_used”:0,”brushes_used”:0,”photos_added”:0,”total_editor_actions”:{},”tools_used”:{“transform”:1},”is_sticker”:false,”edited_since_last_sticker_save”:true,”containsFTESticker”:false}
{“remix_data”:[],”remix_entry_point”:”challenges”,”source_tags”:[“local”],”origin”:”unknown”,”total_draw_time”:0,”total_draw_actions”:0,”layers_used”:0,”brushes_used”:0,”photos_added”:0,”total_editor_actions”:{},”tools_used”:{“transform”:1},”is_sticker”:false,”edited_since_last_sticker_save”:true,”containsFTESticker”:false}
મળતી માહિતી અનુસાર, સ્ટેટ મોનિટરિંગ સેલની ટીમ દક્ષિણ ગુજરાતમાં પેટ્રોલીંગમાં હતી, દરમિયાન મળેલ બાતમીને આધારે મલીયાધારા ગામની સીમમાં, અટગામથી ચીખલી તરફ આવતા મુખ્ય માર્ગ પર વોચ ગોઠવી હતી. આ દરમિયાન ચીખલી તરફ આવતી એક લકઝરી કાર શંકાસ્પદ જણાતા, પોલીસે તેને આંતરીને અટકાવી અને કારને તપાસતા તેમાંથી 10.20 લાખ રૂપિયાની વ્હિસ્કી અને બિયરની કુલ 4,484 બાટલીઓ મળી આવી હતી. વિદેશી દારૂ મળી આવ્યો હતો. પોલીસે ઘટના સ્થળેથી દારૂના આ જથ્થા સાથે 20 લાખની લકઝરી કાર, 20 હજારના બે મોબાઈલ ફોન મળીને કુલ 30.40 લાખ રૂપિયાનો અને મુદ્દામાલ કબજે લઈ કાયદેસરની કાર્યવાહી હાથ ધરી છે.
સ્થળ પરથી બે દબોચાયા, સુરતના બુટલેગરો સહિત 6 વોન્ટેડ
SMC પોલીસે સ્થળ પરથી દારૂની હેરાફેરી કરી રહેલા વાપીના જીતુ ઉર્ફે યતિન રાઠોડ અને પારડીના મીત ઉર્ફે મીતલો માહયાવંસીની ધરપકડ કરી હતી. જ્યારે આરોપીઓની પૂછપરછ દરમિયાન સામે આવ્યું કે આ દારૂનો જથ્થો સુરતમાં સપ્લાય કરવાનો હતો. આ નેટવર્કમાં સંકળાયેલા નસીમુદ્દીન ઉર્ફે આઝાદ લંગડો, વિવેક, શાહબાજ અને પગલો ઉપરાંત સુરતમાં દારૂ મંગાવનાર મુખ્ય સૂત્રધાર અને ટોયોટા ફોર્ચ્યુનર ગાડીના માલિક સહિત કુલ 6 આરોપીઓને વોન્ટેડ જાહેર કરાયા હતા. સમગ્ર મુદ્દે પોલીસે કુલ 8 આરોપીઓ સામે ચીખલી પોલીસ સ્ટેશનમાં પ્રોહિબિશન એક્ટ હેઠળ ગુનો નોંધાવી આગળની તપાસ આરંભી છે.