નવસારી વિહિપ અને બજરંગદળ દ્વારા કલેકટરને અપાયુ આવેદનપત્ર

નવસારી : નવસારીમાં નવરાત્રીના મોટા અને કોમર્શિયલ આયોજનોમાં વિધર્મીઓ હિન્દુ યુવતીઓને હિન્દુ તરીકેની ઓળખ આપી લવ જેહાદ છેડતા હોવાની આશંકા રાખી આજે નવસારી વિશ્વ હિન્દુ પરિષદ અને બજરંગદળ દ્વારા જિલ્લા કલેકટરને આવેદનપત્ર આપી ગરબા આયોજનોમાં આવતા દરેકને તિલક અને પંચગવ્યના છંટકાવ સાથે ID તપાસ્યા બાદ જ પ્રવેશ આપવાની માંગ કરવામાં આવી છે.

નવરાત્રમાં ભાતિગઢ ગરબા જ ગવાય, હિન્દી ફિલ્મી ગીતો ન ગાવામાં કે વગાડવામાં ન આવે

આસો મહિનાની નવરાત્રી હિન્દુઓ માટે ગરબાનો ઉત્સાહ લઇને આવે છે. જેમાં બાળકીઓ, યુવતીઓ અવનવા પરિધાન પહેરીને ગરબા રમવા જતી હોય છે. ત્યારે વિધર્મી યુવાનો હિન્દુ નામ રાખીને ગરબા રમવા જાય છે અને યુવતીઓને ફસાવી લવ જેહાદ ફેલાવતા હોય છે. ત્યારે નવસારી વિશ્વ હિન્દુ પરિષદ અને બજરંગદળના કાર્યકરોએ નવસારી જિલ્લા કલેકટર અમિત પ્રકાશ યાદવને આવેદનપત્ર આપી ગરબાના કોમર્શિયલ આયોજનોમાં વિધર્મી યુવાનો પ્રવેશ કરી, હિન્દુ યુવતીઓને ફસાવીને લવ જેહાદ ચલાવે છે. જ્યારે ઘણા આયોજકો વિધર્મીઓને ફોટોગ્રાફર તરીકે પણ રાખતા હોય છે, જ્યારે આયોજનમાં અન્ય કામોમાં પણ રાખે છે. જેથી આવા નવસારી જિલ્લાના આયોજકોની સાથે જિલ્લા પોલીસ અધિક્ષક એક બેઠક કરી, તેમને વિધર્મીઓ ગરબામાં ન આવે એની તકેદારી રાખવા સૂચન કરે એની માંગ કરી છે. સાથે જ ગરબામાં આવતા દરેક વ્યક્તિને માથે તિલક અને પંચગવ્યનો છંટકાવ કરી, સાથે જ ID તપાસીને પ્રવેશ આપવામાં આવે એવી માંગ કરવામાં આવી છે. જેની સાથે જ ગરબામાં માતાજીના ભાતીગઢ ગરબાઓ જ ગાવામાં આવે, ફિલ્મી ગીતો ગાવામાં આવે તો ધાર્મિક લાગણી દુભાવવાની ધારા 295 A હેઠળ ગુનો નોંધી કાર્યવાહી કરવામાં આવે એવી માંગણી કરવામાં આવી હતી. આયોજકો સક્ષમ ન હોય, તો વિહિપ અને બજરંગદળના કાર્યકરોએ તેમની મદદ કરશે અને જો યુક્ત માંગણીઓ ન પૂર્ણ ન કરી શકે, તો તેમને આપેલ પરવાનગી રદ્દ કરવાની પણ માંગ કરી છે.