કૃષિ
નવસારી જિલ્લામાં મેઘાનો વિરામ, 21 કલાકથી વરસાદ નહીં
વરસાદ રહેતા ખેડૂતો ડાંગરની વાવણીમાં જોડાયા
નવસારી : છેલ્લા ચાર દિવસોથી નવસારીમાં વરસાદી માહોલ બન્યો હતો અને બે દિવસોમાં ભારે વરસાદે જનજીવન પ્રભાવિત કર્યું હતુ. પરંતુ ગતરોજ બપોર બાદથી મેઘાએ વિરામ નવસારીજનોએ રાહત અનુભવી છે. સાથે જ વાવણી લાયક વરસાદ થતાં ખેડૂતો પણ ડાંગરની વાવણીમાં જોડાયા છે.
ભારે વરસાદને કારણે જિલ્લામાં ચાર લોકોએ જીવ ગુમાવ્યો
નવસારી જિલ્લામાં છેલ્લા થોડા દિવસોથી વરસાદી માહોલ જામ્યો છે. જેમાં પણ ગત ચાર દિવસોમાં સારો વરસાદ નોંધાયો હતો. હવામાન વિભાગની આગાહી અનુસાર બે દિવસ ભારે વરસાદ રહેતા જનજીવન પ્રભાવિત થયું હતુ. ભારે વરસાદ સાથે પવનો રહેતા જિલ્લામાં અનેક ઠેકાણે વૃક્ષો ધરાશાયી થયા હતા. જ્યારે રસ્તાઓ ઉપર વરસાદી પાણી ભરાતા વાહન ચાલકોએ હાલાકી વેઠવી પડી હતી. ભારે વરસાદને કારણે જિલ્લામાં ખુલ્લી ગટર અને ખુલ્લા ખાડામાં ભરાયેલા વરસાદી પાણીમાં ડૂબી જવાથી બે માસુમ બાળકોએ જીવ ગુમાવ્યો હતો. ચીખલી તાલુકાના કુકેરી ગામે જર્જર આવાસની દીવાલ પડતા, આધેડ દંપતિનો જીવન દીપ બુઝાયો હતો. જોકે ગત રોજ બપોરે 12 વાગ્યા બાદ મેઘરાજાએ વિરામ લીધો હતો. વરસાદે વિરામ લેતા નવસારીજનોએ પણ રાહત અનુભવી છે. આજે સવારથી વાદળિયા વાતાવરણમાંથી સૂર્યદેવતા પણ દર્શન આપી રહ્યા છે. જેથી નવસારીનું જનજીવન થાળે પડ્યું છે.
જગતનો તાત હરખાયો, વાવણી આરંભી
બીજી તરફ વાવણી લાયક વરસાદ થતાં જિલ્લાના ડાંગર પકાવતા ખેડૂતો હરખાયા છે. ખેડૂતોએ ડાંગરનું ધરૂ તૈયાર કર્યું હતું, પરંતુ વરસાદ હાથતાળી આપતો હોવાથી ચિંતામાં હતા. જોકે છેલ્લા ચાર દિવસમાં પડેલા વરસાદે ખેતરો પાણી પાણી કર્યા છે. જેથી જગતનો તાત પણ ડાંગરની રોપણીમાં હરખભેર જોડાયો છે.
નવસારી જિલ્લામાં આજે સવારે 6 વાગ્યે પુરા થતા 24 કલાકના વરસાદી આંકડા
નવસારી : 1.91 ઈંચ, જલાલપોર : 1.87 ઈંચ
ગણદેવી : 1.08 ઈંચ, ચીખલી : 3.91 ઈંચ
ખેરગામ : 1.87 ઈંચ, વાંસદા : 2.58 ઈંચ
નોંધ : ઉપરોક્ત વરસાદી આંકડા ગત રોજ સવારે 6 થી બપોરે 12 વાગ્યા સુધીનો વરસાદ દર્શાવે છે.
દીપડાએ કરેલ શ્વાનનો શિકાર CCTV કેમેરામાં થયો કેદ
નવસારી : નવસારી જિલ્લામાં દીપડાઓની સંખ્યા વધી છે અને દીપડાઓ ગ્રામ્ય વિસ્તારમાં પાલતુ પ્રાણીઓને પોતાનો શિકાર બનાવતા હોય છે. ત્યારે ચીખલી તાલુકાના કુકેરી ગામે કૉર્પોરેટ ઓફિસના ઓટલે સુતેલા શ્વાનને ધીમે પગલે આવેલા દીપડાએ પોતાનો શિકાર બનાવ્યો હતો. દીપડાએ કરેલ શ્વાનનો શિકાર CCTV કેમેરામાં કેદ થવા સાથે વાયરલ થતા ગ્રામજનોમાં ભયનો માહોલ સર્જાયો હતો.
ચીખલી વન વિભાગે દીપડાને પાંજરે પુરવાની કાર્યવાહી હાથ ધરી
નવસારી જિલ્લાના પૂર્વ તરફના ગામડાઓ અને તાલુકાઓમાં દીપડાઓની સંખ્યા વધી છે અને દીપડાઓ રહેણાંક વિસ્તારોમાં રાત્રિના સમયે આવીને પાલતુ પ્રાણીઓને પોતાનો શિકાર બનાવી જતા રહે છે. ત્યારે ચીખલી તાલુકાના કુકેરી ગામે સરકારી શાળાની પાછળ આવેલ કોર્પોરેટ ઓફિસના ઓટલે શ્વાન સૂતો હતો. દરમિયાન રાતે 12 વાગ્યા આસપાસ એક કદ્દાવર દીપડો ધીમે પગલે શ્વાનની નજીક આવ્યો અને તેને ગળામાંથી દબોચી પોતાનો શિકાર બનાવીને લઈ ગયો હતો. થોડી જ સેકંડોમાં દીપડાએ કરેલ શ્વાનનો શિકાર CCTV કેમેરામાં કેદ થયા હતા. જે CCTV ફૂટેજ ગામમાં વાયરલ થતા ગ્રામજનોમાં ભયનો માહોલ બન્યો હતો. ઘટનાની જાણ ચીખલી વન વિભાગને કરવામાં આવતા, વન વિભાગ દ્વારા મારણ સાથે પાંજરૂ ગોઠવવાની તજવીજ હાથ ધરી છે. ઉલ્લેખનિય છે કે, કુકેરી તેમજ આસપાસના ગામડાઓમાં અગાઉ પણ દિપડા આંટાફેરા મારતા જોવા મળ્યા છે અને પાલતુ પ્રાણીઓના શિકાર પણ થયા છે. જોકે હવે ગ્રામીણોએ દિપડા સાથે રહેવાનું શીખવા પડશે.
જલાલપોર મામલતદારે નેશનલ ગ્રીન ટ્રીબ્યુનલનાં આદેશનો કરાવ્યો અમલ
નવસારી : નવસારી જિલ્લાના કાંઠા વિસ્તારમાં ગેરકાયદેસર રીતે ખાંજણ જમીનમાં બનેલા ઝીંગાના તળાવો ઉપર નેશનલ ગ્રીન ટ્રીબ્યુનલના આદેશાનુસાર જલાલપોર મામલતદારે લાલ આંખ કરી છે. જલાલપોરના કરાડી ગામે પૂર્ણા નદીના કિનારે 4 હેક્ટર જમીનમાં બનેલા 5 ઝીંગા તળાવોને પોલીસ પ્રોટેક્શન સાથે મામલતદારે દૂર કરાવ્યા હતા.
15 JCB મશીનોની મદદથી 5 ઝીંગા તળાવોને તોડી દૂર કરાયા
નવસારી જિલ્લાને 52 કિમી લાંબો દરિયા કિનારો છે. જેની નજીક કાંઠાનાં ગામડાઓની ખાંજણ જમીનમાં મત્સ્યાધ્યોગને પ્રોત્સાહન આપવા ઝીંગાના તળાવો વિકસાવાયા છે. પરંતુ ઘણી જગ્યાએ નિયમોને નેવે મુકીને આડેધડ બનાવી દેવાયેલા ઝીંગાના તળાવો ભરતીનાં પાણી, કે ચોમાસામાં દરિયાને મળતા પાણીને અવરોધે છે અને તેના કારણે કાંઠાના ગામડાઓને મુશ્કેલી વેઠવાનો વારો આવે છે. જલાલપોર તાલુકાના કરાડી ગામે પૂર્ણા નદીના કિનારે CRZ ના નિયમોનું ઉલ્લંઘન કરીને 4 હેક્ટર જમીનમાં બનાવેલા 5 ઝીંગા તળાવો દૂર કરવા નેશનલ ગ્રીન ટ્રીબ્યુનલનાં આદેશની જલાલપોર મામલતદારે અમલવારી કરી, ગેરકાયદે બનેલા પાંચેય ઝીંગા તળાવોને દૂર કરાવ્યા હતા. જલાલપોર મામલતદાર મૃણાલદાન ગઢવી આજે પોલીસ પ્રોટેક્શન સાથે 15 JCB મશીનો લઇ કરાડી પહોંચ્યા હતા. જ્યાં તેમણે NGT ના આદેશાનુસાર પૂર્ણા નદી કિનારે ગેરકાયદેસર રીતે નિયમોને નેવે મુકીને બનાવેલા પાંચેય ઝીંગા તળાવોને JCB મશીનની મદદથી તોડીને દૂર કર્યા હતા. આગામી દિવસોમાં પણ જલાલપોર તાલુકાના કાંઠાના ગામોમાં ગેરકાયદેસર રીતે બનેલા ઝીંગા તળાવોને પણ દૂર કરવાની કાર્યવાહી કરવાની તૈયારી પણ તેમણે દર્શાવી હતી.
નવસારી જિલ્લામાં સાર્વત્રિક વરસાદ, 5 તાલુકાઓમાં અડધો ઇંચથી વધુ વરસાદ નોંધાયો
દેવધા સ્થિત દેવસરોવર ડેમના 20 દરવાજા ખોલાયા, 20 બાકી
નવસારીમાં 45 ગ્રામ પંચાયતોમાં સામાન્ય અને 14 ગ્રામ પંચાયતોમાં પેટા ચુંટણી
-
ગુજરાત10 months agoધોડિયા સમાજના તેજસ્વી તારલાઓનો સન્માન સમરોહ યોજાયો
-
ગુજરાત4 months agoઅમદાવાદમાં બુલેટ ટ્રેનની કામગીરી દરમિયાન વિશાળ ક્રેન સરકી જતા પડી, 2 ઘાયલ
-
અવર્ગીકૃત10 months agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
ગુજરાત1 year agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
અપરાધ11 months agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
ગુજરાત6 months agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન
-
અપરાધ10 months agoહાઈવે પર પરથાણ પાટિયા પાસેથી 7.76 લાખના વિદેશી દારૂ ભરેલા ટ્રક સાથે ચાલક પકડાયો
-
અપરાધ6 years ago?????????????????????????????? ????????????????????? 7 ?????????????????? ?????????