Connect with us

કૃષિ

ગણદેવી સુગર ફેકટરીના નિયમમાં કરાયો સુધારો, કાર્યકારી પ્રમુખ અને ઉપપ્રમુખ નિમવાનો ઠરાવ બહુમતીએ પાસ

Published

on

ગણદેવી સુગર ફેકટરીની 66 મી વાર્ષિક સાધારણ સભા મળી

નવસારી : ગુજરાતમાં મોખરે રહેનારી ગણદેવી સુગર ફેકટરીમાં કાર્યકારી પ્રમુખ અને ઉપપ્રમુખની નિમણૂક કરવાના નિયમોમાં સુધારો કરીને કરેલા નિર્ણયને આજે મળેલી 66 મી વાર્ષિક સાધારણ સભામાં સભાસદોએ બહુમતીએ બહાલી આપી હતી. સાથે જ સભામાં ચાલુ વર્ષે ગણદેવી સુગર ફેકટરીની પિલાણ, ખાંડ ઉત્પાદન થકી રિકવરી તેમજ અન્ય મૂલ્યવર્ધિત ઉત્પાદનો દ્વારા મેળવેલી સિદ્ધિના લેખા જોખા સભાસદો સામે રજૂ કરાયા હતા.

ગણદેવી સુગર ફેકટરીના નિયમમાં ફેરફાર સાથે એજન્ડાના 7 કામોને અપાઈ બહાલી

ગુજરાતમાં એટલુજ નહીં પણ ભારતમાં ખાંડ ઉદ્યોગમાં ગણદેવી સુગર ફેકટરી ખેડૂતોને અપાતા પ્રતિ ટન શેરડીના ભાવ અને રિકવરીમાં જાણિતી છે. ત્યારે 66 વર્ષોની મજલ કાપનારી ગણદેવી સુગર ફેકટરીની આજે 66 મી વાર્ષિક સાધારણ સભા ફેક્ટરી પ્રાંગણમાં યોજાઈ હતી. જોકે ગણદેવી સુગરના ઇતિહાસમાં પ્રથમવાર પ્રમુખ, ઉપપ્રમુખ અને કાર્યકારી પ્રમુખ વિના વાર્ષિક સાધારણ સભા મળી હતી. જોકે સભા ફેક્ટરીના ડિરેક્ટર રણજીત પટેલની અધ્યક્ષતામાં મળી હતી, જેમાં વર્ષ 2022-23 ના વાર્ષિક હિસાબ સભાસદો સામે મૂકવામાં આવ્યો હતો. જેની સાથે જ એજન્ડાના 7 કામોને સભા સમક્ષ મુકતા એક કાર્યને છોડીને સર્વાનુમતે મંજૂર કરાયા હતા. ત્રણ કલાક સુધી ચાલેલી ગણદેવી સુગર ફેકટરીની સભામાં ફેક્ટરીના નિયમમાં સુધારો કરી પ્રમુખ ઉપપ્રમુખની વરણી જ્યુડિશ્યલ મેટર હોવાને કારણે ફેકટરીના વહીવટમાં સરળતા રહે અને કોઈ નિર્ણય માટે બોર્ડ ઓફ ડિરેક્ટરની બેઠક માટે રાહ જોવા ન પડે, એ માટે નવો નિયમમાં ફેરફાર કરી કામચલાઉ કાર્યકારી પ્રમુખ અને ઉપરપમુખ નિમવા માટે ઠરાવ કરી, બહુમતીએ બહાલી આપવામાં આવી હતી.

વિષેશ સિદ્ધિ મેળવનારા ડિરેક્ટર અને ખેડૂતોને કરાયા સન્માનિત

સભામાં 40 વર્ષોથી ગણદેવી સુગરને ઉંચાઈએ પહોંચાડનારા સહકારી પીઢ આગેવાન અને પથદર્શક જયંતિલાલ બાવજીભાઈ પટેલે પોતાના કાર્યકાળ દરમિયાનના સંસ્મરણો વાગોળી ભારે હૈયે વિદાય લીધી હતી. સભામાં પૂર્વ પ્રભારી કાર્યકારી પ્રમુખ રતિલાલ પટેલને ગાંધીનગર રાજ્ય સહકારી ખાંડ ઉદ્યોગ સંઘ તરફથી લાઈફ ટાઈમ એચીવમેન્ટ એવોર્ડ મળતા, તેમની સિદ્ધિને બિરદાવી અભિનંદન પાઠવ્યા હતા. સાથે વિશષ્ટ સિદ્ધિ પ્રાપ્ત કરનારા ડિરેક્ટરો અને સૌથી વધુ શેરડીનું ઉત્પાદન કરનારા ચીખલીના ઘેજ ગામનાં ખેડૂત હિતેશ પટેલ અને શીયાદા ગામના રણછોડ પટેલને તેમજ મુખ્ય આંતરપાક તરીકે શેરડી કરનારા ચીખલીના ઘેજ બીડનાં ખેડૂત જેનિશ પટેલનું સન્માન કરાયું હતું. કેટલાક સભાસદોએ કાર્યકારી પ્રમુખ રણજીત પટેલના રાજીનામાં અંગે સવાલો કરતા સભાપતિ રણજીત પટેલ અને અભિષેક પટેલ યોગ્ય ઉત્તર આપી વિવાદને ઠાળ્યો હતો.

આ વર્ષે ગણદેવી સુગર ફેકટરીએ 11.59 ટકા રિકવરી મેળવી

ગણદેવી સુગર ફેકટરીએ વર્ષ 2022-23 ના વર્ષમાં 10,03,775 મે. ટન શેરડીનું પિલાણ કરી 11,64,050 ક્વિન્ટલ ખાંડ ઉત્પાદન કરી, 11.59 ટકા રીકવરી પ્રાપ્ત કરી હતી. તેમજ ડીસ્ટીલરીક્ષેત્રે 1,41,66,173 લીટર રેકટીફાઇડ સ્પિરીટ અને 92,29970 લીટર ઇથેનોલનું ઉત્પાદન, 26,739 મે. ટન સેન્દ્રીય ખાતર, અને 3905 કોથળી વર્મી કંપોસ્ટ ખાતર તૈયાર કરાયું હતું. ફેકટરી માં કાર્યરત 45 Klpd ઇથેનોલ પ્લાન્ટનું આધુનિકરણ કરી 95 Klpd (કિલો લીટર પર ડે) ક્ષમતાનો કરાયો છે.

ગણદેવી સુગર ફેકટરીની સભા મળી

કૃષિ

નવસારીના રૂમાલામાં દીપડો પાંજરે પુરાયો : ગ્રામજનોએ રાહતનો શ્વાસ લીધો

Published

on

By

ચીરપાડા ફળિયામાં બે દિવસથી ચાલતા ‘દીપડા રાજ’નો વન વિભાગની ત્વરિત કામગીરીથી આવ્યો અંત

નવસારી : નવસારી જિલ્લાના ચીખલી તાલુકા સ્થિત રૂમાલા ગામના ચીરપાડા ફળિયામાં પાછલા બે દિવસથી ભયનો માહોલ સર્જનાર કદ્દાવર દીપડો આખરે વન વિભાગના પાંજરે પુરાતા જ સ્થાનિક ગ્રામજનોએ ભારે રાહત અનુભવી છે.

શિકારની શોધમાં નીકળેલો વનરાજ પાંજરે પુરાયો, ગ્રામજનોના ટોળા ઉમટ્યા

છેલ્લા બે દિવસથી નવસારીના ચીખલી તાલુકાના રૂમાલા ગામના ચીરપાડા ફળિયા આસપાસ દીપડાની સક્રિય હિલચાલ જોવા મળતા સ્થાનિકોમાં ગભરાટ વ્યાપી ગયો હતો. માનવ-વન્યજીવ સંઘર્ષની શક્યતાને ધ્યાને રાખી ગ્રામજનોએ તુરંત ચીખલી વન વિભાગને જાણ કરી હતી. વન વિભાગની ટીમે ત્વરિત પગલાં ભરીને સ્થાનિક નીલેશ દેશમુખના વાડામાં વ્યૂહાત્મક રીતે પાંજરૂ ગોઠવ્યું હતું. મોડી રાત્રે ખોરાક અને શિકારની શોધમાં આવેલો આ કદ્દાવર દીપડો પાંજરામાં કેદ થઈ ગયો હતો. સવારે દીપડો પાંજરે પુરાયાના સમાચાર ફેલાતા જ આ અદભૂત વન્યજીવને જોવા માટે ગ્રામજનોના ટોળાં ઉમટી પડ્યા હતા. વન વિભાગે સ્થળ પર પહોંચીને દીપડાનો સુરક્ષિત કબજો મેળવી તેને ચીખલી ખાતે ખસેડ્યો હતો. વન્યજીવ તબીબો દ્વારા દીપડાનું પ્રાથમિક આરોગ્ય પરીક્ષણ કર્યા બાદ તેને તેના પ્રાકૃતિક નિવાસસ્થાન એવા ઊંડા જંગલ વિસ્તારમાં મુક્ત કરવાની તજવીજ હાથ ધરવામાં આવશે .

Continue Reading

સમસ્યા

વાંસદામાં રાહતનો શ્વાસ : બે માનવ હુમલા બાદ વન વિભાગના ઓપરેશનમાં દીપડાને બેભાન કરી પકડ્યો

Published

on

By

ઉપસળમાં ઝાડીઓમાં છુપાયેલા દીપડાને તંત્રના સંયુક્ત ઓપરેશનમાં સુરક્ષિત રીતે રેસ્ક્યુ કરાયો

નવસારી : નવસારીના વાંસદા તાલુકાના ગામડાઓમાં છેલ્લા એક અઠવાડિયાથી ચાલી રહેલી ચિંતાજનક પરિસ્થિતિનો આખરે સુખદ અને સુરક્ષિત ઉકેલ આવ્યો છે. રાણીફળિયાના મણીબેન પટેલ અને ત્યારબાદ ઉપસળના ખેડૂત ગમન પટેલ પર થયેલા દીપડાના હુમલા બાદ હરકતમાં આવેલી તંત્રની ટીમે એક સંયુક્ત ઓપરેશન હાથ ધરીને હુમલાવર દીપડાને સફળતાપૂર્વક પકડી લીધો છે. વન વિભાગ, વાંસદા પોલીસ અને વેટરનરી ડૉક્ટરોની યોગ્ય સુઝબુઝને કારણે કોઈ પણ મોટી દુર્ઘટના વિના આ રેસ્ક્યૂ કામગીરી સફળ રીતે પાર પડી છે.

સંયુક્ત ટીમનું સચોટ ઓપરેશન: ટ્રેન્ક્વિલાઈઝર ગનથી દીપડાનું સુરક્ષિત રેસ્ક્યૂ

વાંસદા તાલુકાના ઉપસળ ગામે દીપડાએ સવારે ગમન પટેલ ઉપર કહેલા હિંસક હુમલાની માહિતી ગામના સરપંચે વાંસદા પૂર્વ વન વિભાગને કરતા, વન વિભાગની ટીમ તાત્કાલિક ઉપસળ ગામે પહોંચી હતી. ફોરેસ્ટ અધિકારી દ્વારા વાંસદા પોલીસ અને વેટરનરી ડૉક્ટરને સાથે રાખી, ગ્રામજનોની હાજરીમાં સમગ્ર વિસ્તારમાં સર્ચ ઓપરેશન શરૂ કરાયું હતું. દરમિયાન ઉપસળના ખેતરાળ વિસ્તારની ઝાડીઓમાં છુપાયેલા ઈજાગ્રસ્ત દીપડાનું લોકેશન મળતાં જ વેટરનરી ડૉક્ટરે ટ્રેન્ક્વિલાઈઝર ગન વડે તેને બેભાન કરી સુરક્ષિત રીતે પાંજરે પૂર્યો હતો. વન વિભાગ દ્વારા પકડાયેલા દીપડાને પ્રાથમિક સારવાર આપ્યા બાદ વધુ તબીબી સંભાળ માટે સુરત અથવા અન્ય સુવિધા સભર કેન્દ્ર ખાતે ખસેડવાની પ્રક્રિયા હાથ ધરવામાં આવી છે.

નવસારી જિલ્લામાં દીપડાઓની વધતી સંખ્યા અને સુમેળ સાધવાની જરૂરિયાત

છેલ્લા કેટલાક સમયથી નવસારી જિલ્લામાં દીપડાઓની વસ્તીમાં નોંધપાત્ર વધારો જોવા મળ્યો છે. જંગલ વિસ્તાર, નદીઓની કોતરો, વાડી વિસ્તાર અને શેરડીના ખેતરો દીપડાના આશ્રય સ્થાન બન્યા છે. આ વિસ્તારોની નજીક આવેલા ગામડાઓમાં દીપડાઓની અવરજવર અને પાલતુ પશુઓના શિકારના બનાવો પણ વધ્યા છે. વન્યજીવ નિષ્ણાંતોના મતે, વધતી વસ્તી વચ્ચે માનવ અને પ્રાણીઓ એકબીજાના સંપર્કમાં આવે તે કુદરતી છે, પરંતુ યોગ્ય સાવચેતી અને જાગરૂકતા રાખવામાં આવે તો આ પ્રકારની અનિચ્છનીય ઘટનાઓ અને સંઘર્ષને સહેલાઈથી અટકાવી શકાય છે.

દીપડાનો શિકાર સ્વભાવ જાણવો જરૂરી : આટલી કાળજી ચોક્કસ રાખો

વાઇલ્ડલાઇફ સાયન્સ અનુસાર, દીપડો સામાન્ય રીતે માનવ પર હુમલો કરતો નથી. દીપડાની દ્રષ્ટિ પોતાની આંખની સીધ (Eye Level) માં આવતા પ્રાણીઓને જ શિકાર તરીકે ઓળખે છે. જ્યારે કોઈ વ્યક્તિ કે ખેડૂત ખેતરમાં ઉકળૂ બેસીને ઘાસ કાપતા હોય, પાકની લણણી કરતા હોય કે બાળકો જમીન પર બેઠા હોય, ત્યારે દીપડાને ભ્રમ થાય છે અને તે તેને પોતાનો કુદરતી શિકાર સમજી બેસે છે. આથી, ખેતરમાં કે સીમ વિસ્તારમાં કામ કરતી વખતે નીચે મુજબના સાવચેતીના પગલાં લેવા જરૂરી છે :

* જૂથમાં કામ કરવું : ખેતરમાં કે જંગલ નજીકના વિસ્તારમાં એકલા જવાના બદલે હંમેશા અન્ય લોકો સાથે રહો.

* અવાજ ચાલુ રાખવો : કામ કરતી વખતે આપસમાં વાતચીત કરવી અથવા રેડિયો/મોબાઇલ પર સંગીત ચાલુ રાખવું, જેથી અવાજ સાંભળીને દીપડો દૂર રહે.

* સતર્કતા દાખવવી : ઝાડી-ઝાંખરા વાળા વિસ્તારમાં જતી વખતે આસપાસની સ્થિતિ ચકાસી લેવી.

Continue Reading

સમસ્યા

વાંસદા પંથકમાં દીપડાના એક પછી એક મહિલા સહિત બે માણસો ઉપર હુમલાથી ગ્રામીણોમાં ફફડાટ

Published

on

By

રાણીફળિયા અને ઉપસળ ગામમાં અચાનક ત્રાટકેલા દીપડાએ મહિલા અને પુરુષને કર્યા ગંભીર રીતે ઈજાગ્રસ્ત

નવસારી : નવસારી જિલ્લાના આદિવાસી બાહુલ્ય વાંસદા તાલુકામાં છેલ્લા કેટલાક સમયથી વન્યજીવો અને માનવ વચ્ચેનો સંઘર્ષ ચરમસીમાએ પહોંચ્યો છે. માત્ર એક જ સપ્તાહના ટૂંકા ગાળામાં દીપડા દ્વારા ગ્રામજનો પર હુમલાની બીજી ઘટના સામે આવતાં સમગ્ર પંથકમાં ભારે દહેશત સાથે લોકોમાં ચિંતા વ્યાપી છે. રાણી ફળિયા અને ઉપસળ ગામમાં એક પછી એક દીપડાના હિંસક હુમલાઓ બાદ વાંસદા વન વિભાગનો કાફલો ઘટના સ્થળે પહોંચ્યો હતો અને સમગ્ર વિસ્તારમાં દીપડાને પકડવા સર્ચ ઓપરેશન હાથ ધરવામાં આવ્યું છે.

રાણીફળિયામાં મહિલા પર અચાનક હુમલો, ઘાયલ મણિબેન સારવાર હેઠળ

નવસારી જિલ્લામાં દીપડાની સંખ્યામાં વધારો જોવા મળ્યો છે, જેમાં પણ વાંસદા ડુંગરાળ અને જંગલ વિસ્તાર હોવાથી અહીં દીપડાઓની સંખ્યા વધુ છે. ત્યારે વાંસદાના રાણીફળિયા ગામે ઘર પાછળ આવેલા વાડામાં નિત્યક્રમ મુજબ કામ કરી રહેલાં મણીબેન પટેલ પર અચાનક જ ઝાડીઓમાંથી ધસી આવેલા દીપડાએ જીવલેણ હુમલો કરી દીધો હતો. મણીબેનની બુમ સાંભળી પરિજનો તેમજ આસપાસના લોકો દોડી આવતાં દીપડો ભાગી છૂટ્યો હતો. આ હુમલામાં મણીબેન ગંભીર રીતે ઘાયલ થતાં તેમને તાત્કાલિક સારવાર અર્થે રાણીફળિયાની જ ખાનગી હોસ્પિટલમાં ખસેડવામાં આવ્યા હતા. બનાવની જાણ થતાં જ વન વિભાગની ટીમ હોસ્પિટલ પહોંચી હતી અને ગ્રામજનોની સુરક્ષા માટે ઘટનાસ્થળે તાત્કાલિક પાંજરું ગોઠવી દીપડાને પુરવાની તજવીજ હાથ ધરી છે.

ઉપસળ ગામમાં એક પુરુષને લોહીલુહાણ કર્યો, દીપડાની શોધખોળ શરૂ

રાણીફળિયાની ઘટના શાંત થાય તે પહેલાં જ વાંસદા તાલુકાના ઉપસળ ગામના કાજિયા કુવા ફળિયામાં પણ દીપડાએ એક પુરૂષને ઘાયલ કર્યો હતો. આજે વહેલી સવારે અચાનક થયેલા દીપડાના હુમલામાં ગંભીર રીતે ઘાયલ થયેલા પુરૂષને તાત્કાલિક રાણીફળિયાની જ ખાનગી હોસ્પિટલમાં સારવાર અર્થે ખસેડાયો હતો . સવાર-સવારમાં જ બનેલી આ ઘટનાને કારણે સ્થાનિકોમાં ફફડાટ સાથે ભય ફેલાયો છે. નોંધનીય છે કે, ઉપસળ અને આસપાસના વિસ્તારોમાં ભૂતકાળમાં પણ દીપડા દ્વારા માણસો પર હુમલાની ઘટનાઓ બની ચૂકી છે, જેથી લોકો પોતાના જ ખેતરો અને ઘરોમાં અસુરક્ષિત અનુભવી રહ્યા છે.

ઝાડીઓમાં છુપાયેલા દીપડાને ઘેરવા વન વિભાગની સ્પેશિયલ રણનીતિ

એક જ સપ્તાહમાં બે-બે માનવ હુમલા થતાં વાંસદા વન વિભાગના ઉચ્ચ અધિકારીઓ અને ફોરેસ્ટરોની ટીમે સમગ્ર વિસ્તારમાં કવાયત ગતિમાન કરી છે. વન વિભાગ દ્વારા ગાઢ ઝાડીઓ અને સંભવિત વિસ્તારોમાં પાંજરા મૂકવામાં આવ્યા છે. સ્થાનિક ગ્રામજનોની મદદથી કરાયેલી શોધખોળ દરમિયાન દીપડો ઝાડીઓમાં છુપાયેલો નજરે પડ્યો હતો. જોકે, ગીચ વનસ્પતિ અને ભૌગોલિક સ્થિતિને કારણે તેને સીધો પકડવો મુશ્કેલ હોવાથી વન વિભાગે તેને સલામત રીતે પાંજરે પૂરવા માટે ખાસ રણનીતિ તૈયાર કરી છે. આ સાથે જ વન વિભાગે ગ્રામજનોને રાત્રિના સમયે ઘરની બહાર ન નીકળવા અને સાવચેતી રાખવા ખાસ અપીલ કરી છે.

Continue Reading
Advertisement

Trending