ગુજરાત
નવસારી જિલ્લાની 4 વિધાનસભામાં 494 વૃદ્ધો અને દિવ્યાંગોને ઘરેથી કરાવ્યુ મતદાન
ચુંટણી તંત્ર દ્વારા દરેક વિધાનસભામાં ટીમ બનાવી ઘરે ઘરે જઈને કરાવાયુ મતદાન
નવસારી : લોકસભા ચુંટણીને હવે ગણતરીના દિવસો બાકી રહ્યા છે, જે પૂર્વે ચુંટણી પંચ દ્વારા આવશ્યક સેવાઓ સાથે સંકળાયેલા મતદારોનું બેલેટ પેપરથી મતદાન કરવાની વ્યવસ્થા ગોઠવી છે. પરંતુ એની સાથે જ જિલ્લામાં વૃદ્ધો અને દિવ્યાંગો તેમના ઘરેથી જ તેમનો પવિત્ર મત આપી શકે એવી પ્રથમવાર વ્યવસ્થા ગોઠવવામાં આવી છે, જેમાં નવસારી જિલ્લામાં કુલ 494 વૃદ્ધ અને દિવ્યાંગ મતદારોએ પોતાનો મત ઘર બેઠા આપ્યો હતો.
પ્રથમવાર વૃદ્ધો અને દિવ્યાંગ મતદારો માટે ઘર બેઠા મતદાન કરવાની ગોઠવાઈ વ્યવસ્થા
ભારતીય ચુંટણી પંચ દ્વારા વધુમાં વધુ મતદાન થાય એના માટેના સતત પ્રયાસો કરવા સાથે જ મતદારો માટે અવનવી સુવિધાઓ પણ ઉભી કરવામાં આવતી હોય છે. ગત ચુંટણીઓમાં મતદાન સમયે અતિવૃદ્ધ અને દિવ્યાંગ વ્યક્તિઓમાં મોટાભાગના મતદાનથી દૂર રહેતા હોવાનું ધ્યાને આવ્યુ હતુ. જેને ધ્યાને રાખીને લોકસભા ચુંટણી 2024 માં ભારતિય ચુંટણી પંચ દ્વારા 85 વર્ષથી ઉપરના વૃદ્ધો અને તેમની સાથે 40 ટકાથી વધુ દિવ્યાંગતા ધરાવતા દિવ્યાંગોને માટે ચુંટણીના ઈતિહાસમાં પ્રથમવાર બેલેટ પેપરથી અને ઘર બેઠા મતદાન કરી શકાય એવી વ્યવસ્થા ગોઠવી હતી. જેને આધારે નવસારી જિલ્લા ચુંટણી તંત્ર દ્વારા જિલ્લાની 4 વિધાનસભામાં સર્વે કરી, વૃદ્ધો અને દિવ્યાંગ મતદારોની યાદી બનાવી હતી. જેને આધારે નવસારી લોકસભા અંતર્ગત 174 જલાલપોર વિધાનસભામાં ગત 26 એપ્રિલના રોજ 59 વૃદ્ધો અને 55 દિવ્યાંગ મળી કુલ 114 મતદારોનાં ઘરે પહોંચી મતદાન કરાવડાવ્યુ હતુ. જયારે ગત રોજ 176 ગણદેવી વિધાનસભામાં 64 વૃદ્ધો અને 53 દિવ્યાંગ મળી કુલ 117 મતદારોને તેમના ઘરે પહોંચી મતાધિકારનો અધિકાર આપ્યો હતો. 175 નવસારી વિધાનસભામાં આજે 99 વૃદ્ધો અને 25 દિવ્યાંગ મતદારો મળી કુલ 124 મતદારોનાં ઘરે જઈને તેમને મતદાન કરાવડાવ્યુ હતુ. જયારે વલસાડ લોકસભા અંતર્ગત જિલ્લાની 177 વાંસદા વિધાનસભામાં નોંધાયેલા 100 વૃદ્ધ અને 39 દિવ્યાંગ મતદારોને ઘરેથી મતદાન કરાવડાવ્યુ હતુ.
ઘરેથી મતદાન માટે વિશેષ ટીમ બનાવી, ચુંટણીના સાધનો સાથે ઘર સુધી પહોંચાડ્યા
જિલ્લા ચુંટણી તંત્ર દ્વારા 85 વર્ષથી ઉપરના વૃદ્ધ અને 40 ટકાથી વધુ દિવ્યાંગ મતદારો માટે ઘરેથી મતદાન માટેની કરેલી અલાયદી વ્યવસ્થા માટે વિશેષ ટીમોનું ગઠન કરવામાં આવ્યુ હતુ. જે ટીમોને મત કુટીર, મત પેટી, બેલેટ પેપર સહિતની સામગ્રી સાથે સુરક્ષા સાથે મતદારોના ઘર સુધી પહોંચાડવાની વ્યવસ્થા ગોઠવી હતી, જ્યાં પોલીંગ ઓફિસરની હાજરીમાં ટીમ દ્વારા વૃદ્ધ કે દિવ્યાંગ ગુપ્તતા સાથે પોતાનો કિંમતી મત આપી શકે એવી વ્યવસ્થા ઉભી કરી હતી અને અંતે મતદાર પાસેથી મતદાન કરાવ્યુ હતુ. ચુંટણી પંચ દ્વારા વૃદ્ધો અને દિવ્યાંગો માટે કરેલી વિશેષ વ્યવસ્થાની તેમના પરિવારજનો દ્વારા સરાહના પણ કરવામાં આવી હતી.
નવસારીના પોષણ ચેમ્પિયન્સનું બહુમાન અને નાગલીની સુખડીથી બાળ સ્વાસ્થ્ય મજબૂત કરવાનો પ્રયાસ
નવસારી : બાળકનું સ્મિત એ સમાજની સૌથી મોટી મૂડી છે અને એ સ્મિત ત્યારે જ ખીલી શકે જ્યારે એની કાયા પોષણથી સમૃદ્ધ હોય. બાળપણને કુપોષણના અંધકારમાંથી મુક્ત કરીને સ્વાસ્થ્યના ઉજાસ તરફ લઈ જવાનો એક માનવીય અને સંવેદનશીલ પ્રયાસ નવસારીના આંગણે આકાર પામ્યો છે. કબીલપોરના આંગણવાડી કેન્દ્રોમાં જ્યારે પાયાના કક્ષાએ કામ કરતી બહેનોનો સ્વેદ અને ભૂલકાંઓનું ઉત્સાહભર્યું સ્મિત એકસાથે મળ્યા, ત્યારે તે માત્ર એક સરકારી કાર્યક્રમ ન રહેતાં મમતા, કાળજી અને સામાજિક જવાબદારીનો એક જીવંત ઉત્સવ બની ગયો હતો.
બાળપણને મળ્યું પોષણનું કવચ અને પ્રોત્સાહનનું ભાથું
નવસારીમાં આજે ‘આંગણ ઉત્સવ’ દરમિયાન કુપોષણની રેખા વટાવીને પૂર્ણ સ્વાસ્થ્ય તરફ આગળ વધેલા ભૂલકાંઓને ‘પોષણ ચેમ્પિયન’ તરીકે બિરદાવવામાં આવ્યા હતા. કેન્દ્રીય જળ શક્તિ મંત્રી સી. આર. પાટીલ, સ્થાનિક ધારાસભ્ય રાકેશ દેસાઈ અને અન્ય મહાનુભાવોની ઉપસ્થિતિમાં આ બાળકોને ફળ, મીઠાઈ અને વિશેષરૂપે પૌષ્ટિક નાગલીની સુખડીથી ભરેલી ‘પોષણ ટોપલી’ નું વિતરણ કરાયું હતું. આ ઉપરાંત, 3 થી 6 વર્ષના તમામ બાળકો સહિત THR (ટેક હોમ રાશન) યોજના હેઠળ બાલશક્તિ, પૂર્ણાશક્તિ અને માતૃશક્તિના લાભાર્થીઓને પણ પૌષ્ટિક સામગ્રી પહોંચાડવામાં આવી હતી. આ અવસરે લાભાર્થી કિશોરીઓ અને ધાત્રી માતાઓએ પોતાના અનુભવો વાગોળતાં પોષણ સેવાઓથી જીવનમાં આવેલા સકારાત્મક પરિવર્તનની અનુભૂતિ વ્યક્ત કરી હતી.
પાયાના ક્ષેત્રે અદ્રશ્ય સેવા આપતી ‘માતૃશક્તિ’ નું બહુમાન
સમાજને કુપોષણમુક્ત બનાવવા માટે દિવસ-રાત જોયા વગર ગ્રાઉન્ડ લેવલ પર પરિશ્રમ કરતી આંગણવાડી કાર્યકરો, તેડાગરો અને આશા વર્કરો ખરી અર્થમાં આ અભિયાનના વાસ્તવિક નાયકો છે. કબીલપોર 01 ની ટીમ દિપ્તીબેન મકવાણા, ગાયત્રીબેન પટેલ, રક્ષાબેન નાયકા અને કબીલપોર 04 ની ટીમ ચંપાબેન પટેલ, પારૂલબેન પટેલ, રાધાબેન પટેલને તેમની ઉત્કૃષ્ટ કામગીરી બદલ પ્રશસ્તિપત્ર અને શાલ અર્પણ કરીને સન્માન કરવામાં આવ્યું હતું. પાયાના આ કર્મયોગીઓના સમર્પણને બિરદાવીને આંગણ ઉત્સવે માત્ર પોષણનો સંદેશ નથી આપ્યો, પરંતુ માતૃ અને બાળ સ્વાસ્થ્ય પ્રત્યેની સામાજિક કટિબદ્ધતાને વધુ દ્રઢ બનાવી છે.
કેન્દ્રીય મંત્રી સી.આર. પાટીલની ઉપસ્થિતિમાં 389 ગામોમાં માઇક્રો સફાઇ ઝુંબેશનો પ્રારંભ
નવસારી : રાજકીય કે સરકારી કાર્યક્રમો માત્ર ઔપચારિકતા પૂરતા સીમિત ન રહેતા જ્યારે લોકસેવા અને માનવીય સંવેદનાનો પર્યાય બને છે, ત્યારે સમાજમાં એક નવો આશાવાદ જન્મ લે છે. નવસારી જિલ્લામાં વડાપ્રધાન નરેન્દ્ર મોદીના આગામી પ્રવાસ અને નવસારી ભાજપના હાઇટેક કાર્યાલય ‘નમો કમલમ’ ના ઉદ્ઘાટનને વધાવવા માટે તંત્રે કમર કસી છે. પરંતુ આ તૈયારીઓ માત્ર ઈમારતો કે રસ્તાઓ પૂરતી મર્યાદિત નથી રહી, પણ કેન્દ્રીય જળ શક્તિ મંત્રી સી.આર. પાટીલના માર્ગદર્શન હેઠળ સમગ્ર જિલ્લાને સ્વચ્છ, સુપોષિત અને સ્વસ્થ બનાવવાનો એક અભૂતપૂર્વ સેવાયજ્ઞ પ્રારંભાયો છે.
જનભાગીદારીનો અનોખો સંગમ: 389 ગામોમાં યુદ્ધના ધોરણે માઇક્રો સફાઇ ઝુંબેશ
નવસારી જિલ્લાના ઇતિહાસમાં કદાચ પ્રથમ વખત જનભાગીદારીનું આવું વિરાટ સ્વરૂપ જોવા મળી રહ્યું છે. ચીખલી ખાતેથી કેન્દ્રીય મંત્રી સી.આર. પાટીલના હસ્તે જિલ્લાના તમામ 389 ગામોને સ્વચ્છ બનાવવાના મહાઅભિયાનનો પ્રારંભ કરાવવામાં આવ્યો છે. 6 સપ્ટેમ્બર સુધીમાં તમામ ગ્રામ્ય વિસ્તારોમાંથી કચરો હટાવી સંપૂર્ણ સ્વચ્છતા કરવાનો દ્રઢ નિર્ધાર કરાયો છે. આ ઝુંબેશની વિશેષતા એ છે કે, ક્વોરી એસોસિએશન દ્વારા સામાજિક જવાબદારીના ભાગરૂપે 50 થી વધુ JCB અને લોડર મશીનો વિનામૂલ્યે ફાળવવામાં આવ્યા છે. દરેક ગામમાં 1 JCB, ટ્રોલી અને 10 મજૂરોની સઘન ટીમ બનાવી માઇક્રો પ્લાનિંગ સાથે કામગીરી તેજ કરી દેવામાં આવી છે.
માનવીય સંવેદનાની મિસાલ : સેવા અને સુપોષણના ક્ષેત્રે ઐતિહાસિક પહેલ
સ્વચ્છતા અભિયાનની સાથે-સાથે નવસારીમાં માનવીય અભિગમ ધરાવતી કલ્યાણકારી યોજનાઓને પણ છેવાડાના માનવી સુધી પહોંચાડવાનો ઉત્તમ પ્રયાસ થયો છે. નવસારીના બી.આર. ફાર્મ ખાતે આયોજિત વિશેષ કાર્યક્રમમાં કેન્દ્રીય મંત્રી સી.આર. પાટીલ, વલસાડના સાંસદ ધવલ પટેલ, રાજ્યના નાણાં મંત્રી કનુ દેસાઈ અને આદિજાતિ મંત્રી નરેશ પટેલની ખાસ ઉપસ્થિતિ રહી હતી. આ પ્રસંગે જિલ્લાના 3,800 જેટલા કુપોષિત બાળકોને આંગણવાડી કાર્યકરો મારફતે ‘સુપોષિત કીટ’ અને TB ના દર્દીઓને આરોગ્યવર્ધક ‘પોષણ કીટ’ નું વિતરણ કરવામાં આવ્યું હતું. શાસન અને સેવાનો આ સમન્વય દર્શાવે છે કે નવસારી વિનમ્રતાથી વડાપ્રધાનના સ્વાગતની સાથોસાથ એક સ્વસ્થ અને સુદ્રઢ સમાજના નિર્માણ તરફ ડગ માંડી રહ્યું છે.
રાજકારણ
ભારતના પ્રથમ AI સજ્જ હાઈટેક નવસારી જિલ્લા ભાજપ કાર્યાલય ‘નમો કમલમ’ નું PM નરેન્દ્ર મોદી કરશે લોકાર્પણ
40 હજાર સ્ક્વેર ફૂટ જગ્યામાં10 કરોડથી વધુના ખર્ચે નિર્માણ પામ્યુ છે આધુનિક નમો કમલમ
નવસારી : દેશના રાજકીય ઈતિહાસમાં એક સુવર્ણ અધ્યાય ઉમેરાવા જઈ રહ્યો છે. સામાન્ય રીતે કોઈ પણ રાજકીય પક્ષના જિલ્લા કક્ષાના કાર્યાલયનું લોકાર્પણ પ્રાદેશિક નેતાઓના હસ્તે થતું હોય છે, પરંતુ પ્રથમ વખત દેશના વડાપ્રધાન પોતે એક જિલ્લા કાર્યાલયનું લોકાર્પણ કરવા નવસારીના આંગણે આવી રહ્યા છે. આગામી 8 સપ્ટેમ્બરે પ્રધાનમંત્રી નરેન્દ્ર મોદી નવસારીમાંથી પસાર થતા હાઇવે નજીક આકાર પામેલા દેશના પ્રથમ AI સજ્જ અને હાઈટેક કાર્યાલય ‘નમો કમલમ’ નું લોકાર્પણ કરશે, જે નવસારી માટે એક અત્યંત ગૌરવશાળી અને ઐતિહાસિક ક્ષણ બની રહેશે.
હાઈટેક ટેકનોલોજી અને ગ્રીન એનર્જીનો અદ્ભુત સમન્વય
માત્ર પોણા બે વર્ષના વિક્રમી સમયમાં અને અંદાજે 10 કરોડ રૂપિયાથી વધુના ખર્ચે તૈયાર થયેલું આ 40 હજાર સ્ક્વેર ફૂટનું ‘નમો કમલમ’ માત્ર રાજકીય ગતિવિધિઓનું કેન્દ્ર નથી, પરંતુ આધુનિક ભારતનું એક રોલ મોડલ છે. કોર્પોરેટ શૈલીમાં નિર્મિત આ કેમ્પસ હાઇ-સ્પીડ ઇન્ટરનેટ, સોલર પેનલ્સ અને વોટર હાર્વેસ્ટિંગ જેવી પર્યાવરણપૂરક સુવિધાઓથી સુસજ્જ છે. આર્ટિફિશિયલ ઇન્ટેલિજન્સનો કાર્યક્ષમ ઉપયોગ કરીને સંગઠનને વધુ સક્રિય અને સુગ્રથિત બનાવતું આ કાર્યાલય દેશના તમામ રાજકીય કાર્યાલયો માટે આધુનિકતા અને ગ્રીન એનર્જીનું ઉત્કૃષ્ટ ઉદાહરણ પૂરું પાડે છે.
રાજકીય સુસજ્જતા સાથે જનકલ્યાણનો મહાયજ્ઞ
આ ઐતિહાસિક મુલાકાત માત્ર સંગઠનની શક્તિ પ્રદર્શન પૂરતી સીમિત નથી, પરંતુ તેને જનસેવાના મહાયજ્ઞ સાથે જોડવામાં આવી છે. વડાપ્રધાનના આગમનને વધાવવા નવસારી જિલ્લા પ્રશાસન અને ભાજપ સંગઠન દ્વારા જનભાગીદારીથી એક વ્યાપક કલ્યાણકારી ઝુંબેશ ચલાવવામાં આવી રહી છે. TB મુક્ત નવસારી, કુપોષણ નાબૂદી, 350 થી વધુ ગામોમાં સ્વચ્છતા અભિયાન અને સુકન્યા સમૃદ્ધિ યોજના જેવી સરકારી યોજનાઓને ઘર-ઘર સુધી પહોંચાડવામાં આવી રહી છે. એક તરફ હાઇટેક કાર્યાલયની ગૌરવવંતી ભેટ અને બીજી તરફ છેવાડાના માનવી સુધી પહોંચતો સશક્તિકરણનો લાભ – નવસારી આજે દેશ સામે વિકાસ, આધુનિકતા અને સુશાસનનું નવું શિખર સર કરી રહ્યું છે.
વાયરલ રીલનો ક્રેઝ કે અકસ્માતને આમંત્રણ?નવસારીના રેલ્વે ઓવરબ્રિજ પર યુવાનોનો જોખમી ‘બાહુબલી’ સ્ટંટ
નવસારીના રૂમાલામાં દીપડો પાંજરે પુરાયો : ગ્રામજનોએ રાહતનો શ્વાસ લીધો
કોંગ્રેસનો હલ્લાબોલ: નવસારી કલેક્ટર કચેરી નજીક ચૂંટણી પંચ વિરૂદ્ધ ઉગ્ર પ્રદર્શન
-
ગુજરાત2 years agoધોડિયા સમાજના તેજસ્વી તારલાઓનો સન્માન સમરોહ યોજાયો
-
ગુજરાત2 years agoઅમદાવાદમાં બુલેટ ટ્રેનની કામગીરી દરમિયાન વિશાળ ક્રેન સરકી જતા પડી, 2 ઘાયલ
-
અવર્ગીકૃત2 years agoDJ ના ધંધાની અદાવતમાં થયેલ મારામારીમાં એકને ચપ્પુના ઘા ઝીંકાયા, 6 ની ધરપકડ
-
દક્ષિણ-ગુજરાત2 years ago
વિજલપોરમાં 7 તળાવો, બેમાં પાણી, પણ 5 તળાવો ખાલીખમ
-
ગુજરાત3 years agoનવસારીમાં કિન્નરોએ પ્રભુ શ્રી રામલલ્લાની નજર ઉતારી લીધા વધામણા
-
ગુજરાત1 year agoવર્ષ 2010 પૂર્વે નિયુક્તિ પામેલા શિક્ષકોને TET માંથી મુકિતની માંગ
-
અપરાધ2 years agoબીલીમોરામાં ધોળેદહાડે સ્નેચરોએ ચેઈન ઝુંટવી, વૃદ્ધા જમીન પર પટકાતા રહ્યા નિષ્ફળ
-
ગુજરાત2 years agoગુજરાતમાં સ્થાનિક સ્વરાજની ચુંટણી જાહેર, 16 ફેબ્રુઆરીએ થશે મતદાન