Connect with us

અપરાધ

નવસારીમાં 3.28 કરોડનો ‘OG’ ગાંજો ઝડપાયો, થાઈલેન્ડ કનેક્શન ખુલ્યું

Published

on

સિક્યુરિટી એજન્સીના પડદા પાછળ ચાલતા આંતરરાષ્ટ્રીય ડ્રગ્સ સિન્ડિકેટનો પર્દાફાશ

નવસારી : દક્ષિણ ગુજરાતમાં ડ્રગ્સની હેરાફેરી સામે નવસારી LCB પોલીસે મોટી કાર્યવાહી કરતાં હાઈવે પરથી 3.28 કરોડથી વધુની કિંમતનો 9.375 કિલોગ્રામ શુદ્ધ હાઈબ્રિડ ગાંજો ‘OG’ પકડી પાડ્યો છે. પોલીસે વાહનો, મોબાઈલ અને રોકડ સહિત કુલ 3.56 કરોડ રૂપિયાના મુદ્દામાલ સાથે ચાર પેડલરોની ધરપકડ કરી હતી. પકડાયેલા ડ્રગ કાર્ટેલના મુખ્ય સૂત્રધાર પ્રમોદ પાઠકના થાઈલેન્ડ-બેંગકોક કનેક્શન અને વડોદરા-દમણ-મુંબઈ સુધી ફેલાયેલા નેટવર્કની કડીઓ સામે આવી છે.

હાઈવે પર નાકાબંધી અને કરોડોના OG ગાંજાનો જથ્થો જપ્ત

મળતી માહિતી અનુસાર, દિલ્હી મુંબઈ એક્સપ્રેસ હાઈવે પરથી વલસાડના વાપી જઈ રહેલી બે શંકાસ્પદ કારને, મળેલી બાતમીના આધારે નવસારી LCB અને સ્થાનિક પોલીસની ટીમે નેશનલ હાઈવે નં. 48 પર ખારેલ ઓવરબ્રીજ નજીક સર્વિસ રોડ પર ઘેરી હતી. તપાસ દરમિયાન કાળા રંગની મહિન્દ્રા થાર (GJ-15-CN-1004) અને સફેદ રંગની હ્યુન્ડાઈ ક્રેટા (DD-03-AL-0035) કારમાંથી કુલ 9.375 કિલોગ્રામ હાઈબ્રિડ ગાંજો OG મળી આવ્યો હતો, જેની બજાર કિંમત પ્રતિ ગ્રામ 3,500 રૂપિયા લેખે 3,28,12,500 આંકવામાં આવી હતી. પોલીસે ઘટનાસ્થળેથી વિષ્ણુ મહેશ સિંગ, પ્રેમચંદ ઉર્ફે રાહુલ લાલજી યાદવ, મિકેત પ્રવીણ પટેલ અને પ્રમોદ કૃપાશંકર પાઠકની અટકાયત કરી હતી, જ્યારે વિકાસ ઉર્ફે મોક્ષ ભૈયા જયસ્વાલ ઘટના સ્થળેથી ભાગવામાં સફળ રહ્યો હતો. પોલીસે બંને લક્ઝરી કાર, સાત મોબાઈલ ફોન અને રોકડ રકમ મળી કુલ 3.56 કરોડ રૂપિયાનો મુદ્દામાલ કબજે કરીને NDPS એક્ટ હેઠળ ગણદેવી પોલીસ મથકે ગુનો નોંધાવ્યો હતો.

બાઉન્સરથી ડ્રગ્સ સપ્લાય સુધીની કાળી કહાની

પોલીસ તપાસ અને આરોપીઓની પૂછપરછમાં વાપીમાં ‘ટાઈગર ફેસિલિટી સર્વિસ’ નામે સિક્યુરિટી એજન્સી ચલાવતો પ્રમોદ પાઠક આ કારોબારની મહત્વની કડી હોવાનું સામે આવ્યું છે. પ્રાથમિક વિગતો મુજબ, મુંબઈના ક્રિષ્નાના સંપર્ક મારફતે પ્રમોદનો થાઈલેન્ડ/બેંગકોકમાં રહેતા રોની સાથે તેનો પરિચય થયો હતો, જેના થકી થાઈલેન્ડથી દિલ્હી અને મુંબઈ મારફતે હાઈબ્રિડ ગાંજાનો જથ્થો મંગાવીને આગળ સપ્લાય કરવામાં આવતો હતો. પ્રમોદ દિવાળી પહેલાં દિલ્હીથી ટ્રેન દ્વારા આ જથ્થો વાપી લાવ્યો હતો અને વાપીથી વડોદરાના આજવા ચોકડી ખાતે જયંતી પ્રજાપતિને આપવા ગયો હતો, જેને થોડો જથ્થો આપ્યા બાદ ત્યાંથી પરત વાપી જતી વખતે ક્રેટા કારમાં ખામી સર્જાતા આરોપીઓ ખારેલ સ્થિત સર્વિસ રોડ પર ઊભા રહ્યા અને પોલીસના હાથે ઝડપાઈ ગયા હતા.

નવ વોન્ટેડ આરોપીઓ અને ઊંડી તપાસનો દોર

આ સમગ્ર કાવતરામાં ફરાર વિકાસ જયસ્વાલ, વડોદરાનો જયંતી પ્રજાપતિ, થાઈલેન્ડ/બેંગકોક સ્થિત રહેતો રોની, મુંબઈના ક્રિષ્ના, દમણ-વાપીના ગુરકરંદસિંહ બેન્સ, અબ્દુલ રહેમાન સમીમ હક, વિપુલ ખટવા, રૂત્વિક કલ્સકર અને બંટી સહિતના વોન્ટેડ આરોપીઓને પકડવા તપાસને વેગ આપવામાં આવ્યો છે. નવસારી પોલીસ અધિક્ષક રાહુલ પટેલે જણાવ્યું છે કે, જપ્ત કરાયેલો હાઈબ્રિડ ગાંજો કોઈ મિશ્રણ વિનાનો છે અને આ નેટવર્કના ઉપરના ‘લેયર’ તેમજ સ્થાનિક પેડલરો સુધી પહોંચવા તપાસ ચાલી રહી છે. ચીખલી DySP ભગીરથસિંહ ગોહિલના માર્ગદર્શન હેઠળ ગણદેવી PI દ્વારા આગળની તપાસ હાથ ધરાઈ છે, જ્યારે ઝડપાયેલા આરોપીઓના રિમાન્ડમાં વધુ ખુલાસા થવાની શક્યતાઓ જોવાઈ રહી છે.

આધુનિક હાઈવે નેટવર્ક અને ડિજિટલ સંપર્કો દ્વારા ગુજરાતમાં ડ્રગ્સ ઘુસાડવાના પ્રયાસ

સરહદી અને ઔદ્યોગિક પટ્ટી ધરાવતું ગુજરાત આજે આંતરરાષ્ટ્રીય ડ્રગ્સ સિન્ડિકેટના નિશાના પર છે, જ્યાં આધુનિક હાઈવે નેટવર્ક અને ડિજિટલ સંપર્કો દ્વારા માદક પદાર્થો ઘૂસાડવાના પ્રયાસો થઈ રહ્યા છે. નવસારી LCB ની આ કામગીરી દર્શાવે છે કે સતર્કતા અને ગુપ્ત બાતમીના આધારે મોટા નેટવર્કને તોડી શકાય છે, પરંતુ યુવાધનને બચાવવા માટે ડ્રગ્સના મૂળ સપ્લાયર્સ, ફાઈનાન્સર્સ અને વિદેશી કનેક્શન પર સતત અને કડક પ્રહાર જરૂરી છે.

Continue Reading
Click to comment

Leave a Reply

Your email address will not be published. Required fields are marked *

અપરાધ

નવસારીમાંથી ચોરાયેલી એક્ટિવા સાથે કબીલપોરનો યુવાન ઝડપાયો

Published

on

By

વાહન ચોરીનો ભેદ ઉકેલવામાં CCTV એનાલિસિસ મહત્વપૂર્ણ સાબિત થયું

નવસારી : નવસારી શહેરમાં થોડા સમય અગાઉ થયેલી વાહન ચોરીનો ભેદ ઉકેલવામાં નવસારી ટાઉન પોલીસને સફળતા મળી છે. પોલીસે CCTV ફૂટેજ ખંગાળવા સાથે હ્યુમન રિસોર્સની મદદથી કબીલપોરના યુવાનને ચોરીની એક્ટિવા મોપેડ સાથે ઝડપી પાડ્યો હતો.

CCTV ફૂટેજ અને બાતમીદારોની મદદથી તપાસનો સકંજો કસાયો

મળતી માહિતી અનુસાર, નવસારી ટાઉન પોલીસ મથકના ચોપડે નોંધાયેલા વાહન ચોરીના ગુનામાં પોલીસે તપાસનો ધમધમાટ શરૂ કરી, કમાન્ડ એન્ડ કંટ્રોલ (નેત્રમ) તથા અન્ય ખાનગી CCTV કેમેરાઓના ફૂટેજનું ઝીણવટભર્યું એનાલિસિસ કર્યુ હતુ સાથે જ ખાનગી બાતમીદારોને સક્રિય કર્યા હતા. દરમિયાન ટાઉન PI કે. ડી. નકુમ અને સર્વેલન્સ સ્ટાફ શહેરમાં પેટ્રોલિંગમાં હતો, ત્યારે HC જીતુભાઈ હરતાનભાઈ અને PC હિમાંશુભાઈ અશોકભાઈને મળેલી ચોક્કસ બાતમીના આધારે પોલીસે શહેરના કબીલપોર વિસ્તારના કોળીવાડ ખાતે રહેતા 20 વર્ષીય અને મજૂરી કામ કરતા હર્ષ જગદીશ નાયકાની વાહન ચોરીના ગુનામાં ધરપકડ કરી હતી. સાથે જ તેના ઘર આંગણેથી ચોરી થયેલી 40 હજારની એક્ટિવા મોપેડ કબ્જે કરી, આગળની તપાસને વેગ આપ્યો છે.

Continue Reading

અપરાધ

ખારેલ બ્રિજ પાસેથી 3.40 લાખના દારૂ ભરેલ ટેમ્પો સાથે ચાલક પકડાયો

Published

on

By

ગણદેવી પોલીસે કુલ 5.95 લાખથી વધુનો મુદ્દામાલ જપ્ત કર્યો

નવસારી : દક્ષિણ ગુજરાતમાં દારૂની ગેરકાયદે હેરાફેરી પર અંકુશ મેળવવા માટે પોલીસ દ્વારા સતત વોચ અને મોનિટરિંગ રાખવામાં આવતું હોય છે. આ ઝુંબેશના ભાગરૂપે ગણદેવી પોલીસ સ્ટેશનની ટીમે ચોક્કસ બાતમીના આધારે ખારેલ ઓવરબ્રિજ નીચેથી 3.40 લાખથી વધુની કિંમતના વિદેશી દારૂના જથ્થા સાથે એક ટેમ્પો ચાલકની ધરપકડ કરી હતી. પોલીસે વાહન તથા અન્ય સામગ્રી મળી કુલ 5.95 લાખનો મુદ્દામાલ કબ્જે કરી કાયદેસરની કામગીરી હાથ ધરી છે.

તાડપત્રી નીચે છુપાવેલો દારૂનો જથ્થો પોલીસે શોધી કાઢ્યો

મળતી માહિતી અનુસાર, ગણદેવી પોલીસના PI એન. આઈ. રાઠોડ અને PSI એન.એ. પટેલની માર્ગદર્શિકા હેઠળ ખારેલ આઉટ પોસ્ટના કર્મચારીઓ પેટ્રોલીંગમાં હતા. તે દરમિયાન PSI એન.એ. પટેલ તથા ASI નિલેશભાઈને મળેલી સચોટ બાતમી આધારે ખારેલ ઓવરબ્રિજ પાસે વોચ ગોઠવવામાં આવી હતી. સેલવાસ અને વાપી તરફથી સુરત જઈ રહેલા ટેમ્પોને રોકીને તપાસ કરતા, બ્લ્યુ કલરની તાડપત્રી હેઠળ છુપાવેલ 3.40 લાખ રૂપિયાની વ્હિસ્કી તથા બિયરની કૂલ 1152 બાટલીઓ મળી આવી હતી.

ઉમરગામના ચાલકની ધરપકડ, વડોદરાના બે આરોપી વોન્ટેડ

પોલીસે ઘટના સ્થળેથી ટેમ્પો ચાલક અને વલસાડ જિલ્લાના ઉંમરગામ ખાતે રહેતા મૂળ મધ્યપ્રદેશના 27 વર્ષીય નરેન્દ્રસીંગ પરસ્તેની સ્થળ પરથી ધરપકડ કરી હતી. પૂછપરછ દરમિયાન દારૂનો આ જથ્થો ભરી આપનાર વડોદરાના સોનુસીંગ અને મંગાવનાર ‘કાકા’ નામના શખ્સનું નામ ખુલતા પોલીસે આ બંને વોન્ટેડ આરોપીઓ સામે પણ પ્રોહિબિશન એક્ટ મુજબ ગુનો નોંધી વધુ તપાસ હાથ ધરી છે.

Continue Reading

અપરાધ

નવસારીમાં ખનન માફિયાઓ પર ભૂસ્તર વિભાગની સર્જિકલ સ્ટ્રાઈક : અંબિકા નદીમાં ડ્રોનથી ગેરકાયદે રેતી ચોરી પકડી

Published

on

By

જિલ્લામાં પ્રથમવાર આધુનિક ટેકનોલોજીથી મેગા ઓપરેશન : 2.25 કરોડનો મુદ્દામાલ જપ્ત

નવસારી : નવસારી જિલ્લામાં કુદરતી સંપત્તિની લૂંટ ચલાવતા ખનન માફિયાઓ સામે ખાણ ખનીજ વિભાગે અત્યાર સુધીની સૌથી મોટી અને અભૂતપૂર્વ કાર્યવાહી કરી હતી. જિલ્લા કલેક્ટરના સીધા માર્ગદર્શન હેઠળ ભૂસ્તર વિભાગે નવસારીમાં પ્રથમ વખત ડ્રોન કેમેરા ટેકનોલોજીનો ઉપયોગ કરી અંબિકા નદીના પેટાળમાં ચાલતા કાળા કારોબારનો પર્દાફાશ કર્યો છે. ગણદેવી તાલુકાના બીલીમોરા સ્મશાન નજીકથી બાજની મદદથી ગેરકાયદે થતા રેતી ખનનને પકડી 2.25 કરોડનો મુદ્દામાલ જપ્ત કર્યો હતો. ખાણ ખનીજ વિભાગની સર્જિકલ સ્ટ્રાઇકથી ખનન માફિયાઓમાં ભારે ફફડાટ વ્યાપી ગયો છે.

બીલીમોરા સ્મશાન ભૂમિ પાછળથી ચાલતા કાળા કારોબાર પર ડ્રોનનું ‘હવાઈ સર્વેલન્સ’

નવસારી ભૂસ્તરશાસ્ત્રી પી. આર. ખાંભલાના માર્ગદર્શન હેઠળ ભૂસ્તરવિજ્ઞાન અને ખનિજ વિભાગની ક્ષેત્રીય ટીમ દ્વારા અંબિકા નદીપટ્ટમાં એક ગુપ્ત સર્ચ ઓપરેશન ગોઠવવામાં આવ્યું હતું. રોયલ્ટી ઇન્સ્પેક્ટર દિવ્યાંત શિરોયા, માઇન્સ સુપરવાઇઝર સંદીપ રાઉત અને સ્પેશિયલ ડ્રોન ટીમે ગણદેવી તાલુકાના બીલીમોરા ગામની સ્મશાન ભૂમિ પાછળથી પસાર થતી અંબિકા નદીના દુર્ગમ વિસ્તારમાં દરોડો પાડ્યો હતો. ટીમે આધુનિક ડ્રોન સર્વેલન્સની મદદથી નદીના પેટાળમાંથી યાંત્રિક બાજ (બોટ) વડે ચાલી રહેલા ગેરકાયદેસર રેતી ખનન પદ્ધતિને રંગેહાથ ઝડપી પાડીને માફિયાઓના મનસુબા પર પાણી ફેરવી દીધું હતું.

ગેરકાયદે ખનન કરનારા માફીયાઓ સામે ધોલાઈ મરીન પોલીસ સ્ટેશનમાં નોંધાવી ફરિયાદ

આ હાઇ-ટેક દરોડા દરમિયાન ખાણ ખનીજ વિભાગની ટીમે સ્થળ પરથી ગેરકાયદેસર રેતી ખનનમાં વપરાતા 2 અત્યાધુનિક યાંત્રિક બાજ અને રેતીની હેરાફેરીમાં સંકળાયેલા 11 ટ્રકો મળીને કુલ 2.25 કરોડ રૂપિયાનો મુદ્દામાલ જપ્ત કર્યો હતો. સાથે જ જપ્ત કરાયેલા તમામ વાહનો અને સાધનોને આગળની કાનૂની કાર્યવાહી માટે ધોલાઈ મરીન પોલીસ સ્ટેશનના હવાલે કરી દેવામાં આવ્યા છે. તંત્ર દ્વારા કસૂરદારો સામે ‘ગુજરાત મિનરલ (પ્રિવેન્શન ઓફ ઇલ્લીગલ માઇનિંગ, ટ્રાન્સપોર્ટેશન એન્ડ સ્ટોરેજ) રૂલ્સ 2017’ હેઠળ ગુનો નોંધાવી, ગેરકાયદે ખનન નેટવર્કના મૂળ સુધી પહોંચવાની કવાયત તેજ કરવામાં આવી છે.

Continue Reading
Advertisement

Trending